Ek. 35
35
Mipango yeSabatha
1Mosi wakaunganidza mbungano yeshe yevana vaIsuraeri, akati kwavari, “Izvi ndizvo zviro zvaakapanga Mambo Mwari kuti muzviite. 2Mazuva matanhatu munozoshanda, asi ngezuva rechinomwe rinozoita kwomuri zuva rakacheneswa, Sabatha rokuzorora kunaMambo Mwari; kunyazwi ndiani unozoita mushando ngeiro zuva unozourawa. 3Musazobasa muriro muugaro hwenyu hweshe ngezuva reSabatha.”
Zvipo zveTende Rakacheneswa
(Ek. 25:1-9)
4Mosi wakaereketa kumbungano yeshe yevana vaIsuraeri echiti, “Ichi ndicho chiro chaakapanga Mambo Mwari. 5Torai kubva pakati penyu zvipo zvokuita mudiro kunaMambo Mwari; kunyazwi ndiani uno mwoyo unenyasha, ngaaunze zvipo: mukore sirivha nethusi; 6zvakarukwa zvakasvipirika, zvakatsvukuruka, zvakatsvuka, zvakarukwa ngerukangaza rwakanaka, nezvemamviri embudzi; 7matoo emagondohwe akatsvukiswa nematoo emadenhe, mapuranga ehlofunga; 8mafuta ezvibani nemaka emafuta okudzodza neomutombo wokupisha une gwema rakanaka; 9mapuwe eonikisi, nemapuwe omunemo eefodhi, neechokungwarira diti.
Zvidziyo zveTende roKuwapo kwaMambo Mwari
(Ek. 39:32-43)
10“Nomwamuna weshe uri ngwazi wakangwara pakati penyu ngaauye nokuita zveshe zvaakapanga Mambo Mwari: 11thabhenakeri, tende raro nechifukidziro charo, zvikoreko zvaro, mapuranga aro, mwamba yaro, sika dzaro nemagadzikiro aro; 12bhokisi rechitenderano nemipingo yaro, chigaro chenyasha nevheri rokusitira; 13tafura nemipingo yaro nezvidziyo zvaro zveshe, nezvingwa zvokuonisa; 14nechigadzikiro chechibani chokujekisa nezvidziyo zvacho nezvibani zvacho nemafuta ezvibani zvokujekisa; 15arita rokupishira mutombo nemipingo yaro, mafuta okudzodza nomutombo wokupisha une gwema rakanaka, jira rokusitira pamusiwo, pamusiwo wethabhenakeri; 16arita rokupishira mudiro nejira rechisitiro charo chethusi, mipingo yaro nezvidziyo zvaro zveshe, chidziyo chokushambiramwo nechigadzikiro chacho; 17machira okusitira ndiwo oruwanze nesika dzawo nezvigadzikiro zvadzo, machira okusitira ndiwo epamusiwo weruwanze; 18hoko dzethabhenakeri nehoko dzoruwanze nemapote adzo; 19zvokusimira zvakanasa kurukwa, zvokusimira mumushando wendau yakachena, zvokusimira zvakachena zvaAroni mupristi nezvokusimira zvevakororo vake, vechishanda mushando woupristi.”
Vanhu Vanounza Zvipo zvavo
20Zvino yeshe mbungano yevana vaIsuraeri yakapararira kubva kunaMosi. 21Navo vakauya, munhu weshe wakasundwa ngomwoyo wake, nomunhu weshe wakasundwa ngomweya wake kuti atende, vakaunza zvipo kunaMambo Mwari, zvomushando wetende romushongano, nomushando waro weshe, nowokunasira zvokusimira zvakacheneswa. 22Ndizvo vakauya, veshe vamuna nevakadzi; avo veshe vaiya nomwoyo unenyasha, vakaunza zvipeneti zvakanemeswa, mativera, ndandazi dzomunzee, mubeda nezvinemeso, zveshe zvaiya zvinemeso zvomukore. Munhu weshe uwo wakapa zvipo zvomukore zvakazunguzirwa kunaMambo Mwari. 23Nomunhu weshe wakaoneka anemachira akasvipirika, akatsvukuruka, akatsvuka, neorukangaza rwakanaka, emamviri embudzi, matoo akatsukiswa emagondohwe, matoo akatsukiswa emagotokoto nematoo emadenhe, vakazviunza. 24Munhu weshe wakapa zvipo zvesirivha nokuti zvethusi wakaunza zvipo zvaMambo Mwari; munhu weshe waiya nemapuranga ehlofunga aikona kushandiswa mumushando, wakaaunza. 25Nevakadzi veshe vaiya ngwazi dzokuruka vakaruka ngenyara dzavo, vakaunza izvo zvevakaruka, zvakasvipirika, zvakatsvukuruka, zvakatsvuka, nezvorukangaza rwakanaka. 26Vakadzi veshe vakasundwa mumwoyo yavo ngoungwazi, vakaruka mamviri embudzi. 27Nevakuru vakaunza mapuwe eonikisi nemapuwe omunemo eefodhi, neokuisa pachokungwarira diti, 28mitombo inonuhwira, nemafuta ezvibani, nemafuta okudzodza, neomutombo wokupisha unegwema rakanaka. 29Veshe vamuna nevakadzi, vana vaIsuraeri, vakasundwa ngomwoyo yavo vakaunza zvipo zvomushando waakapanga Mambo Mwari kubudikidza ndiMosi kuti uitwe, vakazviunza ngomwoyo inoda kunaMambo Mwari.
Vaaki veTende roKuwapo kwaMambo Mwari
(Ek. 31:1-11)
30Zvino Mosi wakati kuvana vaIsuraeri, “Ringirai, Mambo Mwari wakadaidza ngezina Bhezareri mukororo waUri, mukororo waHuri, wedzinza raJudha. 31Wakamuzadza ngomweya waMwari, unoungwazi hwokuita, kuzwisisa, kuzia nokuita mbeu dzeshe dzemishando, 32nokuronga mishando youngwazi, mukushanda ngomukore, sirivha nethusi, 33mukucheka mapuwe omunemo, nomukutsetsa miti, kushanda mbeu dzeshe dzemishando youngwazi. 34Naye wakamufemera kuti adzidzise, veshe iye naOhoriabhi, mukororo waAhisamakhi, wedzinza raDhani. 35Wakavazadza ngoungwaru hwokukona, kushanda mbeu dzeshe dzemishando, wokunangura, newoungwazi, newomunemesi wezvakasvipirika, zvakatsvukuruka, zvakatsvuka, zvorukangaza zvakanaka, newomuruki, nowaavo vanoita mushando nokuti ngouri, nowaavo vanoronga mishando youngwazi.
Currently Selected:
Ek. 35: Ndau
Highlight
Copy
Compare
Share
Want to have your highlights saved across all your devices? Sign up or sign in
