ગીતશાસ્ત્ર 9
9
પ્રભુના અદલ ઇનસાફ માટે સ્તુતિગાન
મુખ્ય ગવૈયાને માટે; રાગ મુથ-લાબ્બેન. દાઉદનું ગીત.
1મારા સંપૂર્ણ હ્રદયથી હું યહોવાની
આભારસ્તુતિ કરીશ,
હું તમારાં સર્વ આશ્ચર્યકારક કૃત્યો
પ્રગટ કરીશ.
2હું તમારામાં આનંદ તથા
ઉલ્લાસ કરીશ;
હે પરાત્પર, હું તમારા નામનું
સ્તોત્ર ગાઈશ.
3જ્યારે મારા શત્રુઓ પાછા હઠે છે,
ત્યારે તમારી સમક્ષ તેઓ ઠોકર
ખાઈને નાશ પામે છે.
4કેમ કે તમે મારો હક તથા દાવો
સિદ્ધ કર્યો છે;
તમે ન્યાયાસન પર બેસીને અદલ
ઇનસાફ કર્યો છે.
5તમે વિદેશીઓને ધમકાવ્યા છે,
તમે દુષ્ટોનો નાશ કર્યો છે,
તમે તેઓનું નામ સદાને
માટે ભૂંસી નાખ્યું છે.
6શત્રુઓનો અંત આવ્યો છે,
તેઓ હંમેશને માટે નાશ પામ્યા છે.
જે નગરો તમે પાયમાલ કર્યાં છે,
તેમનું સ્મરણ પણ રહ્યું નથી.
7 #
રોમ. ૩:૧૪. પણ યહોવા સર્વકાળ રાજા તરીકે
બિરાજે છે.
તેમણે ન્યાય કરવાને માટે પોતાનું
આસન તૈયાર કર્યું છે.
8તે ન્યાયીપણાથી જગતનો ન્યાય કરશે,
તે લોકોનો અદલ ઇનસાફ કરશે.
9વળી યહોવા દુ:ખીઓને કિલ્લારૂપ થશે,
તે સંકટસમયે ગઢ થશે.
10તમારું નામ જાણનારા
તમારા પર ભરોસો રાખશે;
કેમ કે, હે યહોવા, તમે તમારા
શોધનારને તજ્યા નથી.
11યહોવા સિયોનમાં રહે છે,
તેમનાં સ્તોત્ર ગાઓ;
લોકોમાં તેમનાં કૃત્યો જાહેર કરો.
12કેમ કે રક્તનો બદલો માગનાર
ગરીબોનું સ્મરણ રાખે છે;
તે તેમની અરજ વીસરી જતા નથી.
13હે યહોવા, મારા પર દયા કરો.
મોતના દ્વારથી મને ઉઠાડનાર,
મારો દ્વેષ કરનારા મને દુ:ખ દે છે
તે તમે જુઓ; કે
14સિયોનની દીકરીના દરવાજાઓમાં
હું તમારાં પૂરેપૂરાં વખાણ કરું;
હું તમારા તારણમાં હર્ષ પામીશ.
15પોતે ખોદેલા ખાડામાં વિદેશીઓ
પડ્યા છે;
પોતે સંતાડી રાખેલા પાશમાં તેઓના
પોતાના પગ સપડાયા છે.
16યહોવાએ પોતે પોતાની ઓળખાણ
આપી છે,
તેમણે ન્યાય કર્યો છે.
દુષ્ટો પોતાના હાથના કામમાં
પોતે ફસાઈ ગયા છે. (હિગ્ગાયોન. સેલાહ)
17દુષ્ટો, એટલે ઈશ્વરને ભૂલનાર
સર્વ લોકો શેઓલમાં જશે.
18કેમ કે દરિદ્રીને હંમેશાં ભૂલી જવામાં
આવશે નહિ,
અને ગરીબોની અપેક્ષા સદા
નિષ્ફળ થશે નહિ.
19હે યહોવા, ઊઠો; માણસને
પ્રબળ થવા ન દો;
તમારી સમક્ષ વિદેશીઓનો
ન્યાય થાય.
20હે યહોવા, તેમને ભયભીત કરો.
અમો માત્ર માણસ છીએ એવું
વિદેશીઓ જાણે. (સેલાહ)
Currently Selected:
ગીતશાસ્ત્ર 9: GUJOVBSI
Highlight
Copy
Compare
Share
Want to have your highlights saved across all your devices? Sign up or sign in
Gujarati OV Reference Bible - પવિત્ર બાઇબલ
Copyright © Bible Society of India, 2016.
Used by permission. All rights reserved worldwide.
