ગીતશાસ્ત્ર 22
22
ભક્તનો આર્તનાદ અને સ્તુતિગાન
મુખ્ય ગવૈયાને માટે; રાગ આયેલેથ હાશ-શાહાર. દાઉદનું ગીત.
1 #
માથ. ૨૭:૪૬; માર્ક ૧૫:૩૪. હે મારા ઈશ્વર, મારા ઈશ્વર,
તમે મને કેમ તજી દીધો છે?
મને સહાય કરવાને તથા મારો
વિલાપ સાંભળવાને [તમે એટલે]
દૂર કેમ રહો છો?
2હે મારા ઈશ્વર, હું દિવસે અરજ કરું છું,
પણ તમે ઉત્તર દેતા નથી;
અને રાત્રે પણ અરજ કરું છું,
પણ મને આરામ મળતો નથી.
3તોપણ, હે ઇઝરાયલનાં સ્તોત્ર પર
બિરાજનાર, તમે પવિત્ર છો.
4તમારા પર અમારા પિતૃઓએ
ભરોસો રાખ્યો હતો;
તેઓએ ભરોસો રાખ્યો હતો,
અને તમે તેઓને છોડાવ્યા.
5તેઓએ તમને અરજ કરી,
અને તેઓ બચી ગયા;
તેઓએ તમારા પર ભરોસો રાખ્યો,
અને નાસીપાસ થયા નહિ.
6પણ હું તો માત્ર કીડો છું, માણસ નથી;
માણસોથી ધિક્કાર પામેલો, અને
લોકોથી તુચ્છ ગણાયેલો છું.
7 #
માથ. ૨૭:૩૯; માર્ક ૧૫:૨૯; લૂ. ૨૩:૩૫. જેઓ મને જુએ છે તેઓ બધા મારી
હાંસી કરે છે;
તેઓ મોં મરડીને અને માથું ધુણાવીને
કહે છે,
8 #
માથ. ૨૭:૪૩. “તું પોતાને યહોવાના હાથમાં સોંપ;
તે તને છોડાવે;
તે તારા પર રાજી છે,
માટે તે તને બચાવે.”
9પણ તમે મને ઉદરમાંથી બહાર
લાવનાર છો;
મારી માને હું ધાવતો હતો ત્યારે પણ
તમે મારામાં ભરોસો ઉપજાવ્યો.
10જન્મથી હું તમારા હાથમાં
સોંપાએલો છું;
મારી માના ઉદરમાં હતો ત્યારથી
તમે મારા ઈશ્વર છો.
11મારાથી આઘા ન થાઓ; કેમ કે સંકટ
પાસે [આવી પડ્યું] છે;
અને સહાય કરનાર કોઈ નથી.
12ઘણા ગોધાઓએ મને ઘેરી લીધો છે;
બાશાનના બળવંત ગોધાઓ મારી
આસપાસ ફરી વળ્યા છે.
13ફાડી ખાનાર તથા ગર્જનાર સિંહની જેમ
તેઓ મારી સામે પોતાનું મોં
વિકાસે છે.
14મારું બળ પાણી થઈ ગયું છે;
અને મારાં સર્વ હાડકાં
ઢીલાં થઈ ગયાં છે;
મારું હ્રદય મીણના જેવું બની ગયું છે;
તે મારાં આંતરડાંમાં પીગળી ગયું છે.
15મારું બળ સુકાઈને ઠીકરા જેવું
થઈ ગયું છે;
મારાં જડબાં સાથે મારી જીભ ચોંટી
જાય છે;
અને તમે મને મરણની ધૂળમાં
બેસાડી દીધો છે.
16કેમ કે કૂતરા મારી આસપાસ
ફરી વળ્યા છે;
ભૂંડાઓની ટોળીએ
મને ઘેરી લીધો છે;
તેઓએ મારા હાથ તથા
મારા પગ વીંધી નાખ્યા.
17હું મારાં સર્વ હાડકાં ગણી શકું છું;
તેઓ મને ધારીને જુએ છે.
18 #
માથ. ૨૭:૩૫; માર્ક ૧૫:૨૪; લૂ. ૨૩:૩૪; યોહ. ૧૯:૨૪. તેઓ અંદરોઅંદર મારાં લૂગડાં
વહેંચી લે છે;
અને મારા ઝભ્ભાને માટે
તેઓ ચિઠ્ઠી નાખે છે.
19પણ, હે યહોવા, તમે દૂર ન થાઓ;
હે મારા આશ્રય, મારી મદદે આવો.
20મારા આત્માને તરવારથી,
અને મારા જીવને કૂતરાના
કબજામાંથી છોડાવો.
21સિંહના મોંમાંથી મને બચાવો;
તમે જંગલી ગોધાના શિંગથી મને
[બચાવીને] ઉત્તર આપ્યો છે.
22 #
હિબ. ૨:૧૨. હું મારા ભાઈઓમાં
તમારું નામ પ્રગટ કરીશ;
મંડળીમાં હું તમારી સ્તુતિ કરીશ.
23હે યહોવાનો ભય રાખનારાઓ,
તમે તેમની સ્તુતિ કરો;
હે યાકૂબનાં સર્વ સંતાનો,
તમે તેમને ગૌરવ આપો;
અને હે ઇઝરાયલનાં સર્વ પરિવાર,
તમે તેમનું ભય રાખો.
24કેમ કે તેમણે દુ:ખીઓના દુ:ખને તુચ્છ
ગણ્યું નથી, તેનાથી કંટાળ્યા નથી;
અને તેનાથી પોતાનું મુખ
ફેરવ્યું નથી.
પણ તેણે ઈશ્વરને અરજ કરી ત્યારે
તેમણે તેનું સાંભળ્યું.
25તમારી કૃપાથી હું મોટી મંડળીમાં
તમારી સ્તુતિ કરું છું.
તેમનું ભય રાખનારાની આગળ
હું મારી માનતા પૂરી કરીશ.
26દરિદ્રીઓ ખાશે અને તૃપ્ત થઈ જશે;
યહોવાને શોધનારા
તેમની સ્તુતિ કરશે;
[તે કહેશે કે,] તમારું હ્રદય
સર્વકાળ જીવો.
27પૃથ્વીની સર્વ સીમા [ના લોકો]
યહોવાને સંભારીને
તેમની તરફ ફરશે;
અને વિદેશીઓનાં સર્વ કુટુંબો તમારી
આગળ આવીને પ્રણામ કરશે.
28કેમ કે રાજ્ય યહોવાનું છે.
અને વિદેશીઓ પર
રાજ કરનાર તે જ છે.
29પૃથ્વીના સર્વ મોટા મોટા લોકો ખાશે
તથા પ્રણામ કરશે;
જેઓ ધૂળમાં જનારા છે,
એટલે જેઓ પોતાના જીવને
બચાવી શકતા નથી,
તેઓ સર્વ ઈશ્વરની આગળ નમશે.
30તેમના વંશજો ઈશ્વરની સેવા કરશે;
આવતી પેઢીની આગળ યહોવા
વિષેની વાત પ્રગટ કરવામાં આવશે.
31તેઓ આવશે, અને હવે પછી
જન્મનારા લોકોને યહોવાનું
ન્યાયીપણું પ્રગટ કરીને કહેશે,
“તેમણે તે કર્યું છે.”
Currently Selected:
ગીતશાસ્ત્ર 22: GUJOVBSI
Highlight
Copy
Compare
Share
Want to have your highlights saved across all your devices? Sign up or sign in
Gujarati OV Reference Bible - પવિત્ર બાઇબલ
Copyright © Bible Society of India, 2016.
Used by permission. All rights reserved worldwide.
