ગીતશાસ્ત્ર 12
12
મદદ માટે પ્રાર્થના
મુખ્ય ગવૈયાને માટે; શમીનીથ પ્રમાણે ગાવાને. દાઉદનું ગીત.
1હે યહોવા, બચાવ કરો;
કેમ કે ધાર્મિક માણસો ખૂટે છે;
જનસમાજમાંથી વિશ્વાસુ માણસો
ઘટતા જાય છે.
2દરેક પોતાના પડોશી સાથે
અસત્ય બોલે છે,
ઢોંગી હ્રદયવાળા મુખેથી
ખુશામત કરે છે.
3યહોવા સર્વ ખુશામત કરનારા હોઠોનો
તથા વડાઈ કરનારી જીભોનો
નાશ કરશે.
4તેઓએ એવું કહ્યું, “અમારી જીભથી
અમે જીતીશું,
અમારા હોઠ અમારા પોતાના છે,
અમારો ધણી કોણ છે?”
5યહોવા કહે છે,
“ગરીબોને લૂંટયાને લીધે તથા
દરિદ્રીઓના નિસાસાને લીધે
હું હવે ઊઠીશ;
અને જેને તેઓ તુચ્છકારે છે
તેને હું સહીસલામત રાખીશ.”
6યહોવાના શબ્દો શુદ્ધ છે.
જમીન પરની ભઠ્ઠીમાં પરખેલું રૂપું,
જે સાત વાર નિર્મળ કરેલું હોય
તેના જેવા [તેઓ નિર્મળ છે].
7હે યહોવા, તમે તેઓને સંભાળશો,
આ પેઢીના માણસોથી તમે સદા
તેઓનું રક્ષણ કરશો.
8જ્યારે મનુષ્યમાં લુચ્ચાઓને
માન મળે છે,
ત્યારે દુષ્ટો ચારે તરફ મોજ મારે છે.
Currently Selected:
ગીતશાસ્ત્ર 12: GUJOVBSI
Highlight
Copy
Compare
Share
Want to have your highlights saved across all your devices? Sign up or sign in
Gujarati OV Reference Bible - પવિત્ર બાઇબલ
Copyright © Bible Society of India, 2016.
Used by permission. All rights reserved worldwide.
