Nayoshua 2
2
Nayoshua anowaaruma attu o uhotelha arwee Uyeriko
1Paahi Nayoshua anaaya Nanuni ahaaruma attu eelhi wo nivitho ukhuma Ushitimu, arwee yahotelhe ilhapo ilhe ni hasa iwani yo Uyeriko. Nkayaarwa ni uphiya inupa ya nthiyana mmoka o ulhavalhava eehaniye Rahabu nkayaarupelha mwommo. 2Amwene o iwani yo Uyeriko nkayaahimeriya wiira, “Mwooneke, manyaalhopwana eelhi o Uisraeli ahokelha vawani va lhelho uhiyu, uhotelha ilhapo.” 3Amwene o Uyeriko ayo nkayaaruma attu arwee wa Rahabu eeraka “Mwaakumihe vathe attu awiilhe uwaninyu ayo ukhalhawaya awiilhe uwehawehani ilhapo ihu yonkhaye.”
4Nansho yoyo nthiyana ayo ari anaavinthe yayo attu eelhi ayo. Paahi ttu aarumiye. “Ikekheene ahowa va, nansho mii akachuwenlhe unkhuma aya. 5Ni ayo ahothama va, ipiiphi ihinaaya ukelha ikatema yo utteiya nlhako wo ukelha vawani. Ni ukittu ukenlhe aya mii akinchuwenlhe. Mwaakuvieke, mwaattwareke ni inyu nnowaapatta.” 6Nansho Narahabu ari anaawelhinhe vatharini attu o uhotelha ni waavitha wo waakhunelha mipeshi aathanlhe aya utharini uwo. 7Paahi attu aarumiye ni amwene alhe nkayaatwarelhelha wo uvira iphiro yaakelha unolhapuwiya mwoolhoko wo Uyorodani. Ni phiyaru vaathamme aya, nlhako wo ukelhelha vawani nkawaatteiya.
8Paahi attu o uhotelha ayo ahinaya urupa, Narahabu ahorwaa unupani uchulhu uwo, 9nkayeerelha wiira, “Mii kihochuwelha wiira Apwiiya Nlhuku ahouvahani mwaatti ilhapo ilha, ni woova uhonikelha, ni anenchi o ilha ilhapo yonkhaye ilha ahokhwa nrima wo nlhatu ninyu. 10Ukhalhawaya niheewa iphiro Apwiiya Nlhuku choomihilhe aya maashi o ibahari yo Ushamu uhoolho winyu vathamilhe inyu ilhapo yo Umisri, ni inamuna chaalhakalhilhe inyu mamwene eelhi o Aamori Nasihoni ni Naoga yaakhalha ukhopelhelhe wo mwoolhoko wo Uyorodani. yaani sihoni ni ogu, 11Neeweke yoyo mwaha uyo nahokhwa nrima chinene wo nlhatu winyu, nkanaamalhelhiya machiri. Apwiiya Nlhuku, Nlhuku inyu phi Nlhuku nchulhu wiirimu ni vathi velhaponi. 12Wo chiichammo etu, chonte nkilhupelhelhe wo nchina na Apwiiya Nlhuku wiira nnookonelha ikiriri miyaano ni manyaalhoko aka, thoko miyaano chupangenlhe akani wo nrima woombone, nkipangelheke ittu yo ukooniha, yo ikekhiaye. 13Nlhupelheke wiira nnowookholha athumwanaka ni anumwanaka, manyaarokoraka ni manyonnaka, ni manyaalhoko aya onkhaye, khannonihiya niiviyaka.”
14Attu o uhotelha alhe nkayaakhulha, “Ukumi inyu phi ukumi inyu! Yakhalhaka kannohimiacha milhatu ihu, Apwiiya Nlhuku vanohalha aya univaha ilha ilhapo ilha, ni hii ninoupangelhani moombone, inyuva ni ashilhoko inyu khanneeviya.”
15Paahi Rahabu nkaakurusha yayo attu ayo wo nkhoyi uvirelha vandirishani, ukhalhawaya inupa awe yaathekiye ilhutaanaka ni ishiri yo iwani yo Uyeriko. 16Nkeerelha, “Nrweeke mweevitheke umwaakoni, wiira attu anootwarani ahuphwanyeni. Mwakhalheke wowo mahuku mararu mpaka attu anootwarelhelhani ayo vanohalha aya uhokolhia vawani, yamalhaka vavawo nrwaacheke.”
17Attu o uhotelha alhe nkayeerelha, “Hii ninootimiriha ulhupelha unulhupelhinhe inyu wu. 18Vanohalha ihu ukelha mwiilhaponi mu, mmweeke mweettuka ulha nripwe wo khwiilha ulha vandirishani vanonikurushelha inyu va. Mwaathothokaniheke vava athumwaninyu, anumwaninyu, ashirokorinyu ni ashilhoko a athumwaninyu onkhaye. 19Nansho ntu riyoothe akhumaka vathe, ni urwaa weetakacha mmawani, khaninokhalha ni nlhatu vachulhu nokhwa awe. Nansho yakhalhaka ntu riyoothe nookhalha unupani winyu, apattiyaka ni ittu etu, nookhwa awe nookhalha vachulhu wihu hii. 20Nansho mwamwiirelhaka ntu riyoothe ulha mwaha ihu ulha, paahi hii khaninottukiya ni ulhupelha unilhehenre ihu wiira nilhupelhe uwo.” 21Ni uyo nkeerelhacha, “Ikhalheke thoko chinre inyu.” Nkaahiyerera arwee, ni ayo nkayaathamacha. Nkaattukelhelha nripwe wokhwiilha uyo vandirishani.
22Attu o uhotelhacha alhe ahothamacha nkaarwaacha umwaakoni. Nkayaakhalhacha wowo wo mahuku mararu mpaka attu aattwarelhelha alhe vaahokolhianche aya Uyeriko, baada yo waattwarelhelha nansho wohoona. 23Paahi attu o uhotelhacha eelhi alhe ahokhuruwa toka umwaakoni, nkayaalhapuwa mwoolhoko, nkayaahokolhia u Nayoshua. Nkayatangachera kila ittu ikhumelhenlhe, 24nkeera, “Wo ikekhiaye Apwiiya Nlhuku ahonivaha ilhapo yonkhaye. Attu onkhaye wowo anoonova.”
Currently Selected:
Nayoshua 2: MOT
Highlight
Share
Copy
Want to have your highlights saved across all your devices? Sign up or sign in
The Bible Version in Makua @The Word for The World International and Makua Language translators. All rights reserved.
Nayoshua 2
2
Nayoshua anowaaruma attu o uhotelha arwee Uyeriko
1Paahi Nayoshua anaaya Nanuni ahaaruma attu eelhi wo nivitho ukhuma Ushitimu, arwee yahotelhe ilhapo ilhe ni hasa iwani yo Uyeriko. Nkayaarwa ni uphiya inupa ya nthiyana mmoka o ulhavalhava eehaniye Rahabu nkayaarupelha mwommo. 2Amwene o iwani yo Uyeriko nkayaahimeriya wiira, “Mwooneke, manyaalhopwana eelhi o Uisraeli ahokelha vawani va lhelho uhiyu, uhotelha ilhapo.” 3Amwene o Uyeriko ayo nkayaaruma attu arwee wa Rahabu eeraka “Mwaakumihe vathe attu awiilhe uwaninyu ayo ukhalhawaya awiilhe uwehawehani ilhapo ihu yonkhaye.”
4Nansho yoyo nthiyana ayo ari anaavinthe yayo attu eelhi ayo. Paahi ttu aarumiye. “Ikekheene ahowa va, nansho mii akachuwenlhe unkhuma aya. 5Ni ayo ahothama va, ipiiphi ihinaaya ukelha ikatema yo utteiya nlhako wo ukelha vawani. Ni ukittu ukenlhe aya mii akinchuwenlhe. Mwaakuvieke, mwaattwareke ni inyu nnowaapatta.” 6Nansho Narahabu ari anaawelhinhe vatharini attu o uhotelha ni waavitha wo waakhunelha mipeshi aathanlhe aya utharini uwo. 7Paahi attu aarumiye ni amwene alhe nkayaatwarelhelha wo uvira iphiro yaakelha unolhapuwiya mwoolhoko wo Uyorodani. Ni phiyaru vaathamme aya, nlhako wo ukelhelha vawani nkawaatteiya.
8Paahi attu o uhotelha ayo ahinaya urupa, Narahabu ahorwaa unupani uchulhu uwo, 9nkayeerelha wiira, “Mii kihochuwelha wiira Apwiiya Nlhuku ahouvahani mwaatti ilhapo ilha, ni woova uhonikelha, ni anenchi o ilha ilhapo yonkhaye ilha ahokhwa nrima wo nlhatu ninyu. 10Ukhalhawaya niheewa iphiro Apwiiya Nlhuku choomihilhe aya maashi o ibahari yo Ushamu uhoolho winyu vathamilhe inyu ilhapo yo Umisri, ni inamuna chaalhakalhilhe inyu mamwene eelhi o Aamori Nasihoni ni Naoga yaakhalha ukhopelhelhe wo mwoolhoko wo Uyorodani. yaani sihoni ni ogu, 11Neeweke yoyo mwaha uyo nahokhwa nrima chinene wo nlhatu winyu, nkanaamalhelhiya machiri. Apwiiya Nlhuku, Nlhuku inyu phi Nlhuku nchulhu wiirimu ni vathi velhaponi. 12Wo chiichammo etu, chonte nkilhupelhelhe wo nchina na Apwiiya Nlhuku wiira nnookonelha ikiriri miyaano ni manyaalhoko aka, thoko miyaano chupangenlhe akani wo nrima woombone, nkipangelheke ittu yo ukooniha, yo ikekhiaye. 13Nlhupelheke wiira nnowookholha athumwanaka ni anumwanaka, manyaarokoraka ni manyonnaka, ni manyaalhoko aya onkhaye, khannonihiya niiviyaka.”
14Attu o uhotelha alhe nkayaakhulha, “Ukumi inyu phi ukumi inyu! Yakhalhaka kannohimiacha milhatu ihu, Apwiiya Nlhuku vanohalha aya univaha ilha ilhapo ilha, ni hii ninoupangelhani moombone, inyuva ni ashilhoko inyu khanneeviya.”
15Paahi Rahabu nkaakurusha yayo attu ayo wo nkhoyi uvirelha vandirishani, ukhalhawaya inupa awe yaathekiye ilhutaanaka ni ishiri yo iwani yo Uyeriko. 16Nkeerelha, “Nrweeke mweevitheke umwaakoni, wiira attu anootwarani ahuphwanyeni. Mwakhalheke wowo mahuku mararu mpaka attu anootwarelhelhani ayo vanohalha aya uhokolhia vawani, yamalhaka vavawo nrwaacheke.”
17Attu o uhotelha alhe nkayeerelha, “Hii ninootimiriha ulhupelha unulhupelhinhe inyu wu. 18Vanohalha ihu ukelha mwiilhaponi mu, mmweeke mweettuka ulha nripwe wo khwiilha ulha vandirishani vanonikurushelha inyu va. Mwaathothokaniheke vava athumwaninyu, anumwaninyu, ashirokorinyu ni ashilhoko a athumwaninyu onkhaye. 19Nansho ntu riyoothe akhumaka vathe, ni urwaa weetakacha mmawani, khaninokhalha ni nlhatu vachulhu nokhwa awe. Nansho yakhalhaka ntu riyoothe nookhalha unupani winyu, apattiyaka ni ittu etu, nookhwa awe nookhalha vachulhu wihu hii. 20Nansho mwamwiirelhaka ntu riyoothe ulha mwaha ihu ulha, paahi hii khaninottukiya ni ulhupelha unilhehenre ihu wiira nilhupelhe uwo.” 21Ni uyo nkeerelhacha, “Ikhalheke thoko chinre inyu.” Nkaahiyerera arwee, ni ayo nkayaathamacha. Nkaattukelhelha nripwe wokhwiilha uyo vandirishani.
22Attu o uhotelhacha alhe ahothamacha nkaarwaacha umwaakoni. Nkayaakhalhacha wowo wo mahuku mararu mpaka attu aattwarelhelha alhe vaahokolhianche aya Uyeriko, baada yo waattwarelhelha nansho wohoona. 23Paahi attu o uhotelhacha eelhi alhe ahokhuruwa toka umwaakoni, nkayaalhapuwa mwoolhoko, nkayaahokolhia u Nayoshua. Nkayatangachera kila ittu ikhumelhenlhe, 24nkeera, “Wo ikekhiaye Apwiiya Nlhuku ahonivaha ilhapo yonkhaye. Attu onkhaye wowo anoonova.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Version in Makua @The Word for The World International and Makua Language translators. All rights reserved.