Uchokholha Malhove o uhoolhelha
Malhove o uhoolhelha
Uchokholha phi “upachera” wo ittu iriyoothe. Ikitabu yo Uchokholha ilha phi nohimiacha mwaha wo wuupiya wo ilhapo ni machokholhelho a ntu. Tho, malhove anohoolha ayo anonihimiachera uwonya wa ntu chenre aya wo uchokholha, Nlhuku chenre awe wo uwehaweha ni ntwarusho nawe vachulhu wo wowo uwonya uwo.
Ikitabu yo Uchokholha inomianihiya velhi. 1. Milhako cho 1-11 chinonhimiacha Nlhuku chenre awe wo wuupa ilhapo ni wuupiya wa ntu ni wuupiya wo chittu chonkhaye. Mwommo phi neewa ihu mwaha wa apwiiya Adamu ni ahanu aya Ahawa, ni achishaana aya, Nakaini ni Nahabilu.
Mwaha wa Anuhu ni iyari aya, uchara wo maashi o niwambwe velhaponi ni mwaha wo uthekiya wo ishanja yo Ubabeli. 2. Milhako cho 12-50 phi mwaha wa manyaapwiiya o khalhayi o Israeli. Anochokholha uhimiachiya phi Aburahimu aachuwanelhe wo nrima waya ni uvarechesha waya mitheko cha Nlhuku.
Mwaha unttwara uri wa anaaya, Naisaka ni iyari aya, mwaha wa Nayakhobo anaaya Naisaka, nchina no Israeli ni mwaha unaacha achishaana aya khumi ni elhi, aari machokholhelho o makosho khumi ni meelhi o Israeli. Tho unoohimiya mwaha u Nayusufu anaaya Nayakhobo ni mwaha waakhumelhenlhe aya vamoka ni achishaana aya wo urwaa ukhalhani Umisri.
Nhina ikitabu yonkhaye Nlhuku phi nohimiya, toka wuupiya wo ilhapo, uwonya wa attu, ntwarusho, mitheko chawe cho waalhoha ni waakavihera attu awe ni malhehano aapanga awe wa attu yaavahera awe ibarakha.
Tho, chiicho ilha ikitabu yo ithelhi cho khalhayi ilha ihosungeha mwaha waahimia mirima chaarina aya attu ni ushungehiya wo chechiyo mirima chiyo.
Chiri nhina
1. Nlhuku nowuupa ilhapo, nomuupa ntu ni chittu chonkhaye 1:1-2:25
Uwonya wa ntu chenre aya wo uchokholha ni ntwarusho 3:1-24
Adamu mpaka Anuhu 4:1-5:32
Ikatema ya Anuhu ni uchara maashi o niwambwe 6:1-10:32
Uthekiya ishanja yo Ubabeli 11:1-9
Nashemu mpaka Naabramu 11:10-32
Manyaapwiiya Aburahimu, Naisaka ni Nayakhobo 12:1-35:29
Iyari i Naesau 36:1-43
Mwaha wa Nayusufu ni manyonnaya 37:1-45:28
Aisraeli vaari aya Umisri 46:1-50:26
Currently Selected:
Uchokholha Malhove o uhoolhelha: MOT
Highlight
Share
Copy
Want to have your highlights saved across all your devices? Sign up or sign in
The Bible Version in Makua @The Word for The World International and Makua Language translators. All rights reserved.