Uttawa 15
15
Nchipo no ashinna Musa
1Vavawo ashinna Musa vamoka ni Aisraeli nkayeepelha Apwiiya Nlhuku nna nchipo nna,
“Kinowiipa nchipo no waatotopelha Apwiiya Nlhuku ukhalhawaya ahaakottolha,
afarasi ni oweetiha aya nkaakakhelha mbaharini.
2Apwiiya Nlhuku phi machiri aka ni wooria waka,
yayo anene phi kookhonlhe.
Yayo phi Nlhuku aka, ni mii kinowaatotopelha.
Yayo phi Nlhuku a athumwanaka ni mii kinowaathimicha.
3Apwiiya Nlhuku phi o ukottolha ukhotoni,
Apwiiya Nlhuku phi nchina naya.
4Ahotumbucheriha mbaharini mikukuta ni miphingo chi Nafarao,
anamitheko aya olhupalhe ahotitimira mbaharini Ushamu.
5Maashi menchi ahaakhunelha,
ahotitimira variyari ibahari thoko nlhuku.
6Inyuva Apwiiya Nlhuku, moono inyu wo wiimonono uhochara machiri,
uhaanyakathacha amalhaponi.
7Wo wiinchiva ikuru yo umwene inyu nnowarimelhiha anouvengani ayo,
iphumu yo urushiya winyu, ni iyo inowaapaha thoko chinopahiya aya mapuhe o mithaathi.
8Mwahowuchelhelha wo iphumu inyu, maashi nkaachara,
nkeemelha nchii thoko ishiri,
maashi menchi variyari ibahari aholhipa.
9Amalhaponi aheechiirelha, ‘Kinowaattwarwa ni waavara,
kinookawaniha chittu chaya, kikushe chinothanana aka.
Ninookumiha uphanga ihu,
ninowarimelhiha wo moono ihu.’
10Nansho inyuva mwahowuchelhelha iphioo inyu,
ni ibahari nkayaakhunelha.
Nkayaatitimira variyari maashi menchi thoko iyuuma.
11Inyu Apwiiya Nlhuku,
phi nlhuku ani nolhikaana ni inyu?
Phi mpani rii ntakatifu mulhupalhe thoko inyu,
nnoopiha wo mitheko chulhupalhe,
nnopanga chittu cho ushangiha?
12Vookonlhe inyu moono inyu wo wimonono, wo machiri,
ilhapo yahaamiria amalhaponi ihu.
13Nrima inyu woombone wahaaholhelha attu mwookholhe inyu,
wo machiri inyu nnowaaholhelha urii ilhapo inyu itakatifu.
14Attu o makosho makina aheewa yayo, nkayaatetemelha,
attu anokhalha Ufilisti ahokelhiya ni woova.
15Ashulhupalhe o Uedomu ahoshangacha,
ahoolhelhi o Umoabu ahokelhiya woova chinene,
attu onkhaye anokhalha Ukanaani ahothulhuwa mmakhuvani.
16Woopopihiya ni woova uhaakelhelha.
Wo nlhatu winchiva wo machiri inyu,
yayo ahomaalhacha shiriri thoko nttupi,
mpaka attu mwookhonlhe inyu, inyu Apwiiya Nlhuku, avire,
eiyo, mpaka yayo attu mwookhonlhe inyu ayo amalheke uvira.
17Inyuva nnowaarweha attu inyu umwaakoni winyu,
uthanlhilhe inyu, inyu Apwiiya Nlhuku wiira vakhalhe phi mapuro inyu,
vakittu vatakatifu vathekilhe inyu, inyu Apwiiya Nlhuku wo miono chinyu.
18Inyuva Apwiiya Nlhuku,
nnotawara ilhapo mahuku o uhimalha ni uhimalha.”
Nchipo ni Namiriyamu
19Paahi afarasi a Nafarao ni mikukuta chaya vamoka ni oweetiha afarasi aya vaavinre aya vakittu vowuma mbaharini, Apwiiya Nlhuku ahohokolhosha maashi o ibahari nkayaakhunelha. Nansho Aisraeli ahothepa weeta vakittu voomilhe variyari ibahari.
20Paahi anamilhohi athiyana, Namiriamu, arokoraya Naharuni, ahonkusha chunchu, ni manyaathiyana akina onkhaye nkayaattwara anari ni achunchu aya yeenaka. 21Namiriamu nkaaholhelha wiipa yeeraka, “Mwepelheke nchipo Apwiiya Nlhuku ukhalhawaya ahokottolha chinene,
nkaatumbucheriha mbaharini afarasi ni oweetiha afarasi aya.”
Maashi o uthumburia
22Yamalheke ashinna Musa ahaaholhelha Aisraeli ukhuma mbaharini Ushamu, nkayaarwa mpaka uthako wo Ushuri. Yaheeta wo mahuku mararu muuthakoni wo uhoona maashi vakittu variwoothe. 23Yaphiyeke vakittu vaneehaniya Mara khayonrie uwuria maashi o wowo ayo, ukhalhawaya aari o uthumburia. Phi nlhatu no wiihaniya vavawo Mara, maana aya “uthumburia.” 24Paahi attu onkhaye nkayonlhelha ashinna Musa yiiraka, “Vano ninohalha uwuriani?” 25Vavawo ashinna Musa nkayonlhelha Apwiiya Nlhuku, ni ayo nkayooniha ashinna Musa ithathu. Ni ashinna Musa nkayaathumbucheriha ithathu iyo mmaashini, maashi ayo nkaakhalha oririya.
Wowo Nlhuku ahaavaha Aisraeli malhehero ni malheheriyo. Tho ahaalhikacha oone chinorumelhelha aya. 26Nkayeerelha, “Mwakirumelhelhaka rata, mii Apwiiya Nlhuku inyu, ni upanga arii moombone vamiithoni waka, ni uthimicha malheheriyo ni malhehero aka onkhaye, paahi mii akinowiiherani alha mareta yawihenre aka attu o Umisri. Ukhalhawaya mii phi Apwiiya Nlhuku kinoulhamihani mwaattiva.” 27Yamalheke Aisraeli ahophiya Uelimu waari marapo khumi ni meelhi ni miri cho mittende makhumi saba. Nkayaamaka vavawo vakhiviru ni maashi vawo.
Currently Selected:
Uttawa 15: MOT
Highlight
Share
Copy
Want to have your highlights saved across all your devices? Sign up or sign in
The Bible Version in Makua @The Word for The World International and Makua Language translators. All rights reserved.
