Mazimuriyaa 71
71
S'oossaa Maaduwaa Demanaw Shiik'o Woosaa
1Abeet Med'inaa Godaw, taani neekko bak'atay;
awudenne taana yeellayoppa.
2Ne s'illotetsaan taana wotsa akka;
ne haytsaa taakko yeggaade, taana ashsha.
3Neeni taw ubbaa wode geemmiyaa mino zaallaanne,
taana ashshiyaa mino geessuwaa gida.
Ta attana mala ne azaza.
Ee, neeni ta zaallaanne ta geessuwaa.
4Abeet ta S'oossaw, iitatuwaa kushiyaappe,
Iitaa ootsiyaawanttuppenne
k'areti bayinna asatuwaa wolk'k'aappe taana ashsha.
5Ayaw gooppe, abeet Ubbaa Mooddiyaa Med'inaa Godaw,
neeni taani hidootan naagiyaawaanne
ta yalagatetsaa wodiyaappe doommaade,
taani ammanettiyaawaa gidaadda.
6Taani yelettiyaa wodiyaappe doommaade neenan zemppaad;
ta aatti uluwaappe wod'd'oodeppe doommaade,
neeni taana naagaadda.
Ubbaa gedekka ta galatay neessa.
7Neeni taw bak'ata attiyaa wolk'k'aama sa'aa gideedda diraw,
ta de'uu daro asaw leemiso gideedda.
8Gallassaa ubbaan ta doonay,
ne galataaninne ne bonchchuwaan kumeedda.
9Taani c'imeedda wodiyaan taana oloppa;
ta wolk'k'ay is's'eedda wodiyaan taana aggoppa.
10Ayaw gooppe, ta morkketuu ta bolla haasayiino,
Taana wod'anaw koyiyaawanttu
ittippe shiik'iide mak'ettiino.
11Unttunttu, «S'oossay Aa aggeedda;
yederssiide Aa oyk'k'eetto.
Ayaw gooppe, Aa ashshanawe ooninne baawa» yaagiino.
12Abeet S'oossaw, taappe neeni haakkoppa.
Abeet ta S'oossaw, taana maaddanaw elleella.
13Taana mootiyaawanttu yeellatiide d'ayino.
Taana k'ohanaw koyiyaawanttu,
yeellaanne kawushshaa mayino.
14Shin taana gidooppe,
ubbaa gede neena hidootan naagana.
Taani gujja gujjaade neena galatana.
15Woyissentto likkiyaa erana d'ayooppekka,
ta doonay gallassaa ubbaan ne s'illotetsaabaanne
ashshiyaa ne oosuwaabaa odana.
16Taani Ubbaa Mooddiyaa Med'inaa Godaa wolk'k'an yaana;
ne s'alalay s'illo gidiyaawaa awaayana.
17Abeet S'oossaw, neeni,
ta yalagatetsaappe doommaade taana tamaarissaadda.
Ha"i gakkanaw taani ne malalissiyaa oosuwaabaa oday.
18Abeet S'oossaw, ne wolk'k'aanne ne minotetsaa,
yiyaa yeletaa ubbaw odana gakkanaw,
taani c'imaade puulummooppekka taana aggoppa.
19Abeet S'oossaw, ne s'illotetsay,
bolla saluwaa gakkeedda.
Abeet wolk'k'aamabaa ootseedda S'oossaw,
ne mali ooninne baawa.
20Neeni ta bolla daro metuwaa ahaada;
gidooppenne, neeni ta de'uwaa zaaraadde ooras's'isana;
neeni taana biittaa gido c'iimmo olaa gelenaadan naagana.
21Neeni ta bonchchuwaa kasewaappe darissana;
neeni taana zaaretsaadekka mintsetsana.
22Abeet ta S'oossaw, ne tumatetsaa diraw,
taani neena diitsaan galatana.
Abeet Israa'eeliyaa geeshshaw,
taani maasink'k'uwaan neena sabbana.
23Taani diis's'aade, nashshechchaw ta k'aalaa d'ok'k'u ootsaade yes's'ana;
neeni taana ashsheeda diraw, taani neena sabbana.
24Ta ins's'arssay ne s'illo oosuwaabaa ubbaa gallassi odana;
ayaw gooppe, taana k'ohanaw koyiyaawanttu,
yeellateeddinonne kawusheeddino.
Currently Selected:
Mazimuriyaa 71: DFBLVL
Highlight
Copy
Compare
Share
Want to have your highlights saved across all your devices? Sign up or sign in
The word for the world Ethiopia
