Mazimuriyaa 61
61
Naaganaadan Shiik'o Woosaa
Daawite Zammaaretuwaa Kaappoo Diitsaan Yes's'eedda Mazimuriyaa
1Abeet S'oossaw, neeni ta waasuwaa sisa;
ta woosaa hayzza.
2Ta wozanay hidootaa k'ans's'o wode,
Taani biittaa gas'aappe neena s'eesay.
Taappe d'ok'k'iyaa zaallaakko, taana kaaletsa.
3Ayaw gooppe, neeni taw geessuwaanne
taani ta morkkatuwaappe naagettiyaa gimbbiyaa dirssaa.
4Taani ne dunkkaaniyaan med'inaw de'arikkitaa!
taani ne k'efiyaa hap'aa giddon saro attarikkitaa!
5Abeet S'oossaw, neeni ta k'anggetsaa sisaadda.
Ne suntsaa yayyiyaawanttu
laattiyaa laataa tawukka immaadda.
6Kaatiyaa laytsaa adussa;
I yeletaappe yeletaa gakkanaw de'o.
7I S'oossaa sintsan med'inaw kaateto;
aggena ne siik'uwaaninne ne tumatetsan Aa naaga.
8Yaatiyaawaa gidooppe, taani
ta k'anggetsaa gallassan gallassan gatsaadde,
ne suntsaa ubbaa gede sabbana.
Currently Selected:
Mazimuriyaa 61: DFBLVL
Highlight
Copy
Compare
Share
Want to have your highlights saved across all your devices? Sign up or sign in
The word for the world Ethiopia
