Mazimuriyaa 49
49
Duretaan Amanetussay Hada Gidussaa
Zammaaretuwaa Kaappoo Yes'etteedda, K'oore Naanatuwaa Mazimuriyaa
1Hinttenoo, asatoo, ubbatuukka hawaa sisite.
Hinttenoo, sa'aan de'iyaawanttoo,
ubbatuukka hawaa hayzzite.
2D'ok'k'ay zik'k'aykka,
durii mank'k'uukka sisite.
3Ta wozanaa k'ofay c'iimma;
ta doonay aad'd'eeda eratetsaa haasayee.
4Ta haytsaa leemisuwaakko yeggana;
diitsaa diis's'aade,
Taani Aa biletsaa k'onc'c'issana.
5Meto gallassay yiyaa wodiyaaninne baletsiyaa morkketuu,
taana dooddiyaa wode,
Taani ayaw yayyaytaa?
6Ta morkketoo,
Barenttu de'iyaawan ammanettiyaawanttoonne
barenttu duretetsaa daruwaan c'eek'k'iyaawanttoo
ayaw yayyaytaa?
7Ay asaynne barena wozanaw,
woy bare shemppuwaa gatiyaa S'oossaw c'igganaw danddayenna.
8Ayaw gooppe, asaa shemppuwaa gatii al"a.
Ay gatiyaa c'igginakka gidena.
9I med'inaw de'anaadan,
woy I hayk'k'ennaadan ootsanaw gakkenna.
10Eeyyatuunne boozatuu hayk'k'iyaawaadan,
aad'd'eeda eranchchatuukka d'ayiyaawaanne
barenttu mas'uwaa haratoo yeggiide biyaawaa
asay ubbay be'ee.
11Unttunttu barenttu biittaa barenttuwaa giinakka,
duufuu med'inaw unttunttu gollenne yeletaappe yeletaa gakkanaw
unttunttu de'iyaa sa'aa gidanawaa.
12Asay ay gitatooppekka pas'a attena;
I do'aadan hayk'k'ana.
13Barekka barenttu huup'iyaan ammanettiyaawanttu kaac'aynne
unttunttu k'aalaa tuma giyaawanttu wurssetsay hawaa.
14Shukaw dooretteedda dorssatuwaadan,
unttunttu duufoo dooretteeddino;
Hayk'k'uu unttunttu hentsanchchaa gidanawaa.
Suuretuu wontta unttunttu duufuwaa bolla hamettana;
unttunttu barenttu de'iyaa golliyaappe haakkiide, duufuwaan wook'k'ana.
15Shin S'oossay taana wozana;
I ta shemppuwaa hayk'k'uwaa wolk'k'aappe ashshana.
16Asay durettiyaa wodenne,
Aa bonchchuu dariyaa wode yayyoppa.
17Ayaw gooppe, I hayk'k'iidde,
Ayinne akkiide beenna;
Aa duretay aanana ittippe duufuwaa beenna.
18Asay pas'a de'iyaa wodiyaan,
«Taw kumeedda» gooppenne,
ubbabay aw giigeedda diraw galatettooppenne,
19Simmiide poo'uwaa be'enna bare mayzza aawotuwaana gakkettee.
20Eri bayinnan gitateedda Asay do'aadan hayk'k'ana.
Currently Selected:
Mazimuriyaa 49: DFBLVL
Highlight
Copy
Compare
Share
Want to have your highlights saved across all your devices? Sign up or sign in
The word for the world Ethiopia
