Mazimuriyaa 20
20
Kaatiyaw Woosaa
Zammaaretuwaa Kaappoo Yes'etteedda, Daawita Mazimuriyaa
1Neeni metooteedda wode Med'inaa Goday ne woosaa siso;
Yaak'ooba S'oossaa suntsay neena miniso.
2Bare Geeshsha Sa'aappe new maaduwaa kiitto;
S'iyooneppe neena zemppisso.
3Ne yarshshuwaa ubbaa I new hassayo;
ne s'uuggiyaa yarshshuwaan nashetto.
4Ne wozanaa amuwaa new immo;
ne halchchuwaa ubbaa polo.
5Ne s'oonuwaa diraw, nuuni nashshechchaw hombboc'ana;
nu S'oossaa suntsan nu banddiraa d'ok'k'u ootsana.
Neeni woosseeddawaa ubbaa Med'inaa Goday new immo.
6Med'inaa Goday bare dooreedda kaatiyaw
s'oonuwaa immiyaawaa taani biro eray.
I bare geeshsha saluwaan sisana;
bare ushechcha kushiyan wolk'k'aama s'oonuwaa aw immana.
7Ittuu ittuu barenttu olaa paray goochchiyaa gaariyan,
Haratuu barenttu paran c'eek'ettiino;
shin nuuni Med'inaa Godaa nu S'oossaa wolk'k'an c'eek'etteetto.
8Unttunttu d'ubettiide kunddana;
shin nuuni denddiide, min ek'k'ana.
9Abeet Med'inaa Godaw, kaatiyaw s'oonuwaa imma;
nuuni neena s'eesiyaa wode sisa.
Currently Selected:
Mazimuriyaa 20: DFBLVL
Highlight
Copy
Compare
Share
Want to have your highlights saved across all your devices? Sign up or sign in
The word for the world Ethiopia
