Mazimuriyaa 14
14
S'oossay Bayna Asatuwaa
Zammaaretuwaa Kaappoo Yes'etteedda, Daawita Mazimuriyaa.
1Eeyyatuu barenttu wozanaan,#Rom. 3:10-12 «S'oossay baawa» yaagiino.
Unttunttu de'uu bayeedda.
Unttunttu sheneyiyaawaa ootsiino;
lo"iyaawaa ootsiyaa Asay baawa.
2S'oossaa koyiyaa eranchchatuu de'inttonne
be'anaw, Med'inaa Goday saluwaappe duge asaa s'eellee.
3Shin ubbaykka wora simmeeddino;
ubbaykka ubbaanna go"ennabaa gideeddino.
Lo"iyaawaa ootsiyaa ooninne baawa;
haray atto ittuunne baawa.
4Med'inaa Goday, «Hawanttu ta asaa,
asay k'umaa miyaawaadan bonk'k'i miino.
Iita asatuu tumu ayaanne akeekikkino?
Unttunttu taana woossikkino» yaageedda.
5Shin S'oossay s'illo asatuwaana de'iyaa diraw,
iitatuu hewan dagamana.
6Unttunttu hiyyeesatuwaa k'ofaa halissiino;
shin Med'inaa Goday hiyyeesatuu bak'atiide, k'osetti attiyaa sa'aa.
7Israa'eeliyaw atotetsay S'iyooneppe yeerennee!
Med'inaa Goday unttunttu de'uwaa zaariyaa wode,
Yaak'ooba zeretsay nashettana;
Israa'eeliyaa Asay nashshechchaa pooc'u gaana.
Currently Selected:
Mazimuriyaa 14: DFBLVL
Highlight
Copy
Compare
Share
Want to have your highlights saved across all your devices? Sign up or sign in
The word for the world Ethiopia
