Tito 3

Jína chrókꞌuejó ti sin tinkáchónki Cristo

1Chrokjui̱nchexraxinkaoan sin kixin sinchexiteyéhe sin ti gobierno la ko ti sin tꞌe̱to̱an la chrókjuíchꞌe sin ti ixra̱ tsꞌe̱to̱an ti sin a la ko chrókjuíchꞌe sin kaín ti ixra̱ jína 2La ko chrókꞌuándaxiénhña sin ninkexró, la kjuaxróxin chrókꞌuejó sin, la chrókꞌóna sin ijnko chojni jína la ko chrókjuikosáyehe sin kaín chojni.

3Ósé la kja̱xini kuélo̱nti̱ni la ko kꞌuékitekakonhñani Díos. Chji̱ñé kuékꞌajini la kꞌuékóxríhi̱ni kaín nkehe jínahña, la nduáhya kuékꞌejóni la kꞌuéchóntani kjuachji̱no̱xíhin la ko kꞌuékóninkakoheni kíchóni. 4A̱ndá ti Díos tsaáxini mé kjua̱ko̱xi̱n kixin jína chꞌan la ko tjue̱he chꞌan kaín chojni. 5Jeheni kuaáxini chꞌan, la jehya kixin ichrén ixra̱ jína chrókjuíchꞌe. Náhí. Jehí kui̱konoéhe̱ chꞌan ti jeheni ndá kjuínchekaá chꞌan ti jeheni la ko kjuínchetjóá chꞌan ti jeheni. Ndá kokjíhi ni̱xiéni kixin ti Ncha̱kuén chꞌan mé kꞌuáyèxini ti kjuachón ni̱xin. 6Kjuasáye Jesucristo, ti nkexro tsaáxini, ndá Díos kjuíncheki̱to̱nhe̱n ti jeheni ti Ncha̱kuén chꞌan kixin tsochóntani kjuachaxin. 7Kixin imá tjue̱he chꞌan ti jeheni la kjuínchetjóá chꞌan ti jeheni ndá ijie tjejóchóheni ti kjuachón nkochríxín tsjajon chꞌan.

8Kaín tíhi mé chaxín. Tjínka̱oan kixin chrókuéto̱an kaín tíhi kixin ti sin tinkáchónki Díos mé chrókjuíchꞌe sin ti ixra̱ jína. Kaín ti nkehe la mé jína la ko tsjinki̱tsa kaín chojni. 9Kjánchó jaha chrókji̱atéhya ti kjualo̱nti̱ itjo sin, la ko tahya kuentá ti nkehe tinkáchónki ti sin tsíkꞌaxrjeníxin sin la ko ti sin tjajo̱nxi̱n ti ley kuènté Moisés. Kaín tíha la ó chónkó la ninkehó kjuaxrexinkaon jína chóntahya.

10A̱ndá ti nkojín nkexro tjinkaon tsjixrónkáxin ti ni̱nko, la sa̱o nixjehé sin nkojína la ti ó yaáxin, ndá ti tsitekakonhña sin ndá tito̱hé sin sátsji sin 11kixin ó noha kixin ti nkexro xi̱kaha ichꞌe la nduáhya tjenka̱yáxin kixin la ó kjuasin ijie̱ la tíha tsjasótexín.

Ti nkehe kꞌue̱to̱an Pablo

12 # Hch. 20:4; Ef. 6:21, 22; Col. 4:7, 8; 2Ti. 4:12. *Ti ó tsétua̱nha̱n chꞌin Artemas o̱ Tíquico tsjiji sin ti itjen jaha, ndá jaha tjoka chrókꞌuinkatsjehé ti janhan chjasin Nicópolis kixin ntiha tsjakꞌé tsꞌatsínkajia ti ncha̱kuén ikin.#3:12 ncha̱kuén ikin ti nitjó imá ikin invierno 13#Hch. 18:24; 1Co. 16:12.*Jína chrókjuinki̱tsa ti chꞌin Zenas, ti nkexro nixjayákohe̱n chojni la ko Apolos, la chróchje̱hé sin ti nkehe tichánxi̱hin sin ti ó sátsji sin kixin ninkehó nkehe chrókꞌuitjáñankíhya ti ó sátsji sin. 14Ndá ti íso sin la chrókꞌuitja sin nkexrín sichꞌe sin ti ixra̱ jína la ko chrókjuinki̱tsa sin ti nkexro ticháxi̱hin ichrén nkehe ndá chrókjua̱ko̱xi̱n sin kixin jína tjejó sin.

Kjuixixín nixja Pablo

15Kaín ti nkexro tjejóki̱a̱n ntihi nixja̱ha sin nkojína. Jaha nixjehé kaín ti sin tinkáchónki Ìnchéni tjejó ntiha, kaín ti sin imá tjue̱heni. Díos mé sintañaora kaínra. Ó tjen.

Currently Selected:

Tito 3: poeNTplus

Highlight

Copy