Tito 2
2
Chrokjuako Tito ti itan chaxín
1Kjánchó jaha la chrókjuàkua ti itan chaxín jína. 2Tjákohé ti sin ó táda kixin chrókókoanhña sin, jína chrókꞌuejó sin, chróchónta sin kjuasáye sin, la chróchónta sin ijnko kjuaxrexinkaon jína, chrókuitekaon sin ti nkehe chaxín, chrótjue̱hé kícho sin la ko chrókónínkakonhña sin tjoka. 3Kja̱xin ti sin nána la jína chrókꞌuejó sin, chrókuinkáchónkihya sin kjuachꞌia la ko chrókókoanhña sin. Ícha jína chrókjua̱ko̱xi̱n sin ijnko nkehe jína 4kixin xi̱kaha chrókjua̱ko̱he̱ sin ti sin tjarisoá kixin chrótjue̱hé sin xìi sin la ko xje̱en sin, 5la chrókjuíchꞌe sin xra̱ jína, ndoá chrókjuénka̱yáxin sin, la jína chrókꞌuayakohen sin ndo̱e sin, chrókójína sin la ko chrókuitekakohen sin ti xìi sin. Ndá xi̱kaha tso̱kohya nkexro tsꞌándaxínhi̱n ti itén Díos tinkáchónkini.
6Kja̱xin chrókjuákohé ti sin ndasoá kixin chróchónta sin kjuasáye sin. 7Jaha chrókjuákohé sin kaín ti nkehe jína la ko ndoá chrókꞌuejó sin. 8Chrónixja ti nkehe jína kixin kohya nkexro chrókꞌuándaxíha̱n, la xi̱kaha chrókósuéhe̱ ti sin nínkaon, la chróndáchehya sin nkehe jínahña ti jeheni.
9Tétue̱hén ti sin chꞌexón ixra̱ kixin chrókjuinchexiteyéhe sin ti làmoé sin, la chrókójína sin la chrónixja̱nki̱hya#2:9 chrónixja̱nki̱hya tjate̱nkíhi sin respondones sin, 10chrókueéhya sin. Ndá xi̱kaha chrókjua̱ko̱xi̱n sin kixin náxrjón ti itén Díos tsaáxini.
11Kixin Díos kjua̱ko̱xi̱n nkexrín imá tjue̱he chꞌan ti jeheni la kjuajon chꞌan ti kjuachón kixin jehe chꞌan mé tsaáxin kaín chojni. 12Tja̱ko̱he̱ chꞌan ti jeheni nkexrín chrókuíto̱heni ti ijie̱ la ko kaín ti nkehe nduáhya tjenka̱yáxini. La jína chrókꞌuejóni la ko a̱ntsí chrókjuikosáyeheni Díos. 13Kja̱xin chrókóchéhe̱ni chrókꞌuejóchóheni ti ña̱o itsi Jesucristo, ti Díos kuènténi la ko ti nkexro tsaáxini, tsji̱ka̱o ti kjuachaxin ijié. 14#Sal. 130:8; Ex. 19:5; Dt. 4:20; 7:6; 14:2; 1Pe. 2:9.*Jehe chꞌan mé kꞌuenyákohe̱n chꞌan ti jeheni kixin tsaáxini chꞌan kixin tso̱tjuáxin kaín ti ijie̱ chóntani kixin tsꞌónani ijnko chjasin kuenté chꞌan la ko tso̱xrínhi̱ni sichꞌeni kaín ti ixra̱ jína tjinkaon chꞌan.
15Tíhi mé chrókjuàkua la chrókjui̱nchexraxinkaoan sin la ko chrókuétue̱hén sin kjuachaxíen Díos. Chrokui̱toéhya kixin ninkexró chrókjuanoá ti nkehe tjàkua.
Currently Selected:
Tito 2: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Tito 2
2
Chrokjuako Tito ti itan chaxín
1Kjánchó jaha la chrókjuàkua ti itan chaxín jína. 2Tjákohé ti sin ó táda kixin chrókókoanhña sin, jína chrókꞌuejó sin, chróchónta sin kjuasáye sin, la chróchónta sin ijnko kjuaxrexinkaon jína, chrókuitekaon sin ti nkehe chaxín, chrótjue̱hé kícho sin la ko chrókónínkakonhña sin tjoka. 3Kja̱xin ti sin nána la jína chrókꞌuejó sin, chrókuinkáchónkihya sin kjuachꞌia la ko chrókókoanhña sin. Ícha jína chrókjua̱ko̱xi̱n sin ijnko nkehe jína 4kixin xi̱kaha chrókjua̱ko̱he̱ sin ti sin tjarisoá kixin chrótjue̱hé sin xìi sin la ko xje̱en sin, 5la chrókjuíchꞌe sin xra̱ jína, ndoá chrókjuénka̱yáxin sin, la jína chrókꞌuayakohen sin ndo̱e sin, chrókójína sin la ko chrókuitekakohen sin ti xìi sin. Ndá xi̱kaha tso̱kohya nkexro tsꞌándaxínhi̱n ti itén Díos tinkáchónkini.
6Kja̱xin chrókjuákohé ti sin ndasoá kixin chróchónta sin kjuasáye sin. 7Jaha chrókjuákohé sin kaín ti nkehe jína la ko ndoá chrókꞌuejó sin. 8Chrónixja ti nkehe jína kixin kohya nkexro chrókꞌuándaxíha̱n, la xi̱kaha chrókósuéhe̱ ti sin nínkaon, la chróndáchehya sin nkehe jínahña ti jeheni.
9Tétue̱hén ti sin chꞌexón ixra̱ kixin chrókjuinchexiteyéhe sin ti làmoé sin, la chrókójína sin la chrónixja̱nki̱hya#2:9 chrónixja̱nki̱hya tjate̱nkíhi sin respondones sin, 10chrókueéhya sin. Ndá xi̱kaha chrókjua̱ko̱xi̱n sin kixin náxrjón ti itén Díos tsaáxini.
11Kixin Díos kjua̱ko̱xi̱n nkexrín imá tjue̱he chꞌan ti jeheni la kjuajon chꞌan ti kjuachón kixin jehe chꞌan mé tsaáxin kaín chojni. 12Tja̱ko̱he̱ chꞌan ti jeheni nkexrín chrókuíto̱heni ti ijie̱ la ko kaín ti nkehe nduáhya tjenka̱yáxini. La jína chrókꞌuejóni la ko a̱ntsí chrókjuikosáyeheni Díos. 13Kja̱xin chrókóchéhe̱ni chrókꞌuejóchóheni ti ña̱o itsi Jesucristo, ti Díos kuènténi la ko ti nkexro tsaáxini, tsji̱ka̱o ti kjuachaxin ijié. 14#Sal. 130:8; Ex. 19:5; Dt. 4:20; 7:6; 14:2; 1Pe. 2:9.*Jehe chꞌan mé kꞌuenyákohe̱n chꞌan ti jeheni kixin tsaáxini chꞌan kixin tso̱tjuáxin kaín ti ijie̱ chóntani kixin tsꞌónani ijnko chjasin kuenté chꞌan la ko tso̱xrínhi̱ni sichꞌeni kaín ti ixra̱ jína tjinkaon chꞌan.
15Tíhi mé chrókjuàkua la chrókjui̱nchexraxinkaoan sin la ko chrókuétue̱hén sin kjuachaxíen Díos. Chrokui̱toéhya kixin ninkexró chrókjuanoá ti nkehe tjàkua.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.