Tito 1
1
Pablo nixje̱he̱ chꞌin Tito
1Janhan Pablo tꞌa̱ha̱ ixra̱ Díos la ko Jesucristo kixin tsjákohá íso ti sin tsíkjeyá Díos kixin tsꞌitja sin nkexrín chrókuinkáchónki sin ti nkehe chaxín. 2La tjejóchóhen sin tsochónta sin ti kjuachón nkochríxín. Díos la xitjahya sichꞌia chꞌan la kaín tíhi tsíchronka chꞌan ósé ti na̱xa̱ kꞌónahña chjasintajni. 3Ndá ti ña̱o tsíchronka Díos la ijie ó xiteyá, ndá kónoxín ti itan kuènté chꞌan. La Díos ti nkexro tsaáxini mé kꞌue̱to̱an kixin si̱tꞌaha̱ chꞌan ixra̱ tsjàkua ti itén chꞌan. 4#2Co. 8:23; Gá. 2:3; 2Ti. 4:10.*Ikjian ti xroon i chrꞌahán jaha Tito. Tꞌíkua̱n éxi chaxín xja̱na kixin yóíni tinkáchónkini Jesús. Itꞌéni Díos la ko Jesucristo ti nkexro tsaáxini, chrókjuintañaoan la ko chrókjuajon chꞌan ti kjuaxróxin kuènté chꞌan kixin tjua̱ha chꞌan.
Ti ixra̱ sichꞌe ti chꞌin Tito
5Ti ó kui̱to̱ha̱ ti isla Creta la kixin chrókuétue̱hén ti sin tjejó ntiha kixin nkexrín chrókóhen kaín ti ixra̱ na̱xa̱ tꞌitjáña tso̱hen, la ko chrókjuéyá ti nkexro tsꞌe̱to̱an nkojnko ni̱nko nkojnko chjasin éxi kuétua̱han. 6#1Ti. 3:2-7.*Ti nkexro tsꞌe̱to̱an ijnko ni̱nko la jína chrókjuákꞌe kixin ninkexró chrókꞌuekahya ijie̱, nkoko̱a ichjién chróchónta, chrókuinkáchónki Ìnchéni ti xje̱en sin kixin kohya nkexro chróndáchro kixin jehya jína tjejóchꞌe sin la ko titekakonhña sin. 7Mé xi̱kaha ti nkexro tsꞌe̱to̱an ni̱nko la tso̱nohe nkexrín tso̱hen ixra̱ kuènté Díos, la ticháxi̱n ijnko nkexro tsjenka̱yáxin jína, tjasinhña ijie̱, chrókjuinchenkehya, chrókónínkakonhña tjoka la ko jehya ijnko nkexro tókoan, o̱ ijnko nkexro tjeyá kjuanínkaon o̱ chrókóxríe̱nhña chrókjuichꞌia kixin a̱ntsí chrókjuacha chichaon. 8Jína chrókꞌuáyéhe̱ nkojín ti nkexro tsjiji ndo̱e la chrókjuajon kjuachaxin chrókjuákꞌe ti nkexro a, la ko jína chrókjuakꞌe, jína chrókjuénka̱yáxin, kixin Díos ó tsíkjinchetjóá ti jehe chꞌan la ko chrókjuacha chꞌan chrókꞌue̱tue̱hen a̱sén chꞌan. 9La ko chrókuíto̱ehya chꞌan ti itan jína xráko̱he̱ chꞌan kixin jína tsja̱ko̱he̱ chꞌan íso chojni ti nkehe ndoá, la kjónté ti nkexro tjinkakonhña tsihin, la jína chrókuihin sin.
10Kixin siín itsjé ti sin judío nínkaon, la nixja sin nkehe nduáhya la xi̱kaha chꞌiyehe sin chojni. 11Ti sin a la ticháxi̱n chrókjuinchetáníni sin kixin tjachróe sin itsjé chojni kixin tjako sin ti nkehe nduáhya la xi̱kaha tjacha sin nchónhña chichaon.
12Ijnko nkexro kjuákꞌe chjasin Creta mé tsíchronka nkexrín tjejó ti sin chjasén sin. Ndáchro: “Kaín ti chojni chjaséni mé imá chꞌia sin, imá jie̱he sin, imá kóchjinka sin la ko séhe sin.” 13Ti nkehe tsíchronka chꞌan la chaxín ndoá. Méxra̱ a̱ntsí chrónixjehé sin kixin jína chrókꞌuejó sin chróxraxinkaon sin Díos. 14Nixjehé sin kixin chrókuahya sin kuentá kaín ti nkehe tsíkꞌaxrjeníxin ikja ti sin judío tjako, la ko chrókuitekakonhña sin ti nkehe tꞌe̱to̱an ti sin nínkakohen ti nkehe chaxín.
15Ti nkexro chaxín tjóá la kaín ti nkehe ichꞌe sin la jína. A̱ndá ti nkexro titekakonhña la kohya ninkehó nkehe jína ti kjuaxrexinkaon kuènté sin, la kaín nkehe tjenka̱yáxin sin mé tjuáhya. 16Ndáchro sin kixin chóxin sin Díos, kjánchó tꞌikoni nkexrín ichꞌe sin ndá noheni kixin chaxínhña, jehe sin la chꞌia sin. Ichꞌe sin nkehe jínahña, jie̱he sin la ko titekakonhña sin. Méxra̱ xrokjuahya ichꞌe sin ninkehó ixra̱ jína.
Currently Selected:
Tito 1: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Tito 1
1
Pablo nixje̱he̱ chꞌin Tito
1Janhan Pablo tꞌa̱ha̱ ixra̱ Díos la ko Jesucristo kixin tsjákohá íso ti sin tsíkjeyá Díos kixin tsꞌitja sin nkexrín chrókuinkáchónki sin ti nkehe chaxín. 2La tjejóchóhen sin tsochónta sin ti kjuachón nkochríxín. Díos la xitjahya sichꞌia chꞌan la kaín tíhi tsíchronka chꞌan ósé ti na̱xa̱ kꞌónahña chjasintajni. 3Ndá ti ña̱o tsíchronka Díos la ijie ó xiteyá, ndá kónoxín ti itan kuènté chꞌan. La Díos ti nkexro tsaáxini mé kꞌue̱to̱an kixin si̱tꞌaha̱ chꞌan ixra̱ tsjàkua ti itén chꞌan. 4#2Co. 8:23; Gá. 2:3; 2Ti. 4:10.*Ikjian ti xroon i chrꞌahán jaha Tito. Tꞌíkua̱n éxi chaxín xja̱na kixin yóíni tinkáchónkini Jesús. Itꞌéni Díos la ko Jesucristo ti nkexro tsaáxini, chrókjuintañaoan la ko chrókjuajon chꞌan ti kjuaxróxin kuènté chꞌan kixin tjua̱ha chꞌan.
Ti ixra̱ sichꞌe ti chꞌin Tito
5Ti ó kui̱to̱ha̱ ti isla Creta la kixin chrókuétue̱hén ti sin tjejó ntiha kixin nkexrín chrókóhen kaín ti ixra̱ na̱xa̱ tꞌitjáña tso̱hen, la ko chrókjuéyá ti nkexro tsꞌe̱to̱an nkojnko ni̱nko nkojnko chjasin éxi kuétua̱han. 6#1Ti. 3:2-7.*Ti nkexro tsꞌe̱to̱an ijnko ni̱nko la jína chrókjuákꞌe kixin ninkexró chrókꞌuekahya ijie̱, nkoko̱a ichjién chróchónta, chrókuinkáchónki Ìnchéni ti xje̱en sin kixin kohya nkexro chróndáchro kixin jehya jína tjejóchꞌe sin la ko titekakonhña sin. 7Mé xi̱kaha ti nkexro tsꞌe̱to̱an ni̱nko la tso̱nohe nkexrín tso̱hen ixra̱ kuènté Díos, la ticháxi̱n ijnko nkexro tsjenka̱yáxin jína, tjasinhña ijie̱, chrókjuinchenkehya, chrókónínkakonhña tjoka la ko jehya ijnko nkexro tókoan, o̱ ijnko nkexro tjeyá kjuanínkaon o̱ chrókóxríe̱nhña chrókjuichꞌia kixin a̱ntsí chrókjuacha chichaon. 8Jína chrókꞌuáyéhe̱ nkojín ti nkexro tsjiji ndo̱e la chrókjuajon kjuachaxin chrókjuákꞌe ti nkexro a, la ko jína chrókjuakꞌe, jína chrókjuénka̱yáxin, kixin Díos ó tsíkjinchetjóá ti jehe chꞌan la ko chrókjuacha chꞌan chrókꞌue̱tue̱hen a̱sén chꞌan. 9La ko chrókuíto̱ehya chꞌan ti itan jína xráko̱he̱ chꞌan kixin jína tsja̱ko̱he̱ chꞌan íso chojni ti nkehe ndoá, la kjónté ti nkexro tjinkakonhña tsihin, la jína chrókuihin sin.
10Kixin siín itsjé ti sin judío nínkaon, la nixja sin nkehe nduáhya la xi̱kaha chꞌiyehe sin chojni. 11Ti sin a la ticháxi̱n chrókjuinchetáníni sin kixin tjachróe sin itsjé chojni kixin tjako sin ti nkehe nduáhya la xi̱kaha tjacha sin nchónhña chichaon.
12Ijnko nkexro kjuákꞌe chjasin Creta mé tsíchronka nkexrín tjejó ti sin chjasén sin. Ndáchro: “Kaín ti chojni chjaséni mé imá chꞌia sin, imá jie̱he sin, imá kóchjinka sin la ko séhe sin.” 13Ti nkehe tsíchronka chꞌan la chaxín ndoá. Méxra̱ a̱ntsí chrónixjehé sin kixin jína chrókꞌuejó sin chróxraxinkaon sin Díos. 14Nixjehé sin kixin chrókuahya sin kuentá kaín ti nkehe tsíkꞌaxrjeníxin ikja ti sin judío tjako, la ko chrókuitekakonhña sin ti nkehe tꞌe̱to̱an ti sin nínkakohen ti nkehe chaxín.
15Ti nkexro chaxín tjóá la kaín ti nkehe ichꞌe sin la jína. A̱ndá ti nkexro titekakonhña la kohya ninkehó nkehe jína ti kjuaxrexinkaon kuènté sin, la kaín nkehe tjenka̱yáxin sin mé tjuáhya. 16Ndáchro sin kixin chóxin sin Díos, kjánchó tꞌikoni nkexrín ichꞌe sin ndá noheni kixin chaxínhña, jehe sin la chꞌia sin. Ichꞌe sin nkehe jínahña, jie̱he sin la ko titekakonhña sin. Méxra̱ xrokjuahya ichꞌe sin ninkehó ixra̱ jína.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.