Apocalipsis 7

Ti 144 mil chojni chónta sello

1 # Jer. 49:36; Dn. 7:2; Zac. 6:5. *A̱ndá chrꞌéxi̱n kꞌuíkua̱n noó sin ángel tjejóxin to̱té nkojnko chrínta ti chjasintajni kixin tꞌayakohen sin ti noó tji̱xi̱n xri̱nto̱ kixin kanhñó tsochjéhe chritaón chjasintajni la ko chritaón nda̱ñao la ko ti inta yoa. 2Kja̱xin kꞌuíkua̱n íjnko ángel kjui̱xi̱n nó tji̱to̱xin ña̱o, la chónta ti sello kuènté Díos tjechón. Ndá itsen kꞌuéye̱he̱ ti noó ángel tsíkꞌayéhe̱ kjuachaxin sincheníhi nonte la ko nda̱ñao. 3#Ez. 9:4, 6.*Ndáchro:

―Náhí, na̱xa̱ ncheníehñara ti nonte la ko ti nda̱ñao la ko ti inta siín, hasta tsjixin itsa xro̱ye totjín ti sin chꞌehe ixra̱ ti Díos kuènténi ―ichro chꞌan.

4Ndá kui̱ha̱n ti número ti sin chónta ti sello mé ciento cuarenta y cuatro mil chojni, kaín ti sin tsíkꞌaxrjeníxin ti sin israelita. 5Teyó mil ti sin tsíkꞌaxrjeníxin Judá, teyó mil ti sin tsíkꞌaxrjeníxin Rubén la ko teyó mil ti sin tsíkꞌaxrjeníxin Gad, 6teyó mil ti sin tsíkꞌaxrjeníxin Aser, teyó mil ti sin tsíkꞌaxrjeníxin Neftalí, teyó mil ti sin tsíkꞌaxrjeníxin Manasés, 7teyó mil ti sin tsíkꞌaxrjeníxin Simeón, teyó mil ti sin tsíkꞌaxrjeníxin Leví, teyó mil ti sin tsíkꞌaxrjeníxin Isacar 8teyó mil ti sin tsíkꞌaxrjeníxin Zabulón, teyó mil ti sin tsíkꞌaxrjeníxin José, la ko teyó mil ti sin tsíkꞌaxrjeníxin Benjamín chónta xro̱ye kuènté Díos.

Itsjé chojni chónta ika tjóá

9A̱ndá ti ó kjuixin tíha, ndá tsjaha̱ la kꞌuíkua̱n nchónhña chojni tjejó, ninkexró tsjachahya tsꞌekin, chojni tsíki̱xi̱n kaín nación la ko kaín nkexrín tsjehe sin, kaín ngiva la ko kaín chjasin, mé tjejóxin to̱té sin nkayakon ti trono la ko nkayakon ti Kolélo la tjejóchrꞌinkáya sin ika tjóá la tjejóya kajni ti itja sin. 10La kaín sin itsen ndáchro sin:

Díos kuènténi jaha mé kjui̱nchekaá ti jeheni.

Jaha tjetja̱xian ti trono la ko ti Kolélo mé kjuínchekaá ti jeheni.

11Ndá kaín ti sin ángel tjejóxin to̱té nkonda̱tjen ti trono la ko nkonda̱tjen ti sin táda la ko ti noó sin tjejóchón, mé kaín sin kꞌuejóxin tochꞌin sin hasta nkéhe̱ ikja sin nonte nkayakon ti trono la chjéhe sin Díos kjuasáya, 12la ndáchro sin:

Mé xi̱kaha tso̱hen.

Tsochjéheni Díos kjuasáya kixin kaín ti kjuaxrexinkaon jína chónta chꞌan,

la imá tꞌe̱to̱an chꞌan la ko tsjikosáyeheni chꞌan.

Tsjikosáyeheni ti kjuachaxin kuènté chꞌan kixin tjinki̱tsa chꞌan ti jeheni nkochríxín.

Mé xi̱kaha tso̱hen.

13A̱ndá ijnko ti sin táda itjen ntiha mé kjuanchankí, ndáchro:

―Ti sin tjejóchrꞌinkáya ika tjóá la, ¿xá nkexro tíha la ko nketí tsíkji̱xi̱n sin?

14 # Dn. 12:1; Mt. 24:21; Mr. 13:19. *Ndá janhan ndáxrja̱n:

―Ìnchéni, jaha la ó noha.

Ndá jehe chꞌan ndáchro chꞌan:

―Ti sin í mé tsíkꞌaxrjekjanxin sin ti kjuachrakon ijié siín chjasintajni, la jehe sin ó ikjue̱n sin ti iké sin la ko kótjuáxin sin ijni̱é ti Kolélo. 15Mé xi̱kaha, ijie la tjejó sin nkayakon ti trono kuènté Díos, la tie ko ncha̱kotjin tjikosayéhe sin Díos nkaxehen ti ni̱nko kuènté chꞌan. A̱ndá ti nkexro tjetja̱xi̱n ti trono mé tꞌayakohen ti jehe sin. 16#Is. 49:10.*La í tsꞌenxínhña sin kjinta la ko ìnta̱ la í tsochjáxinhña sin ña̱o la ko ti sóa kuènté ti ña̱o la í sincheníehña ti jehe sin 17#Sal. 23:1; Ez. 34:23; Sal. 23:2; Is. 49:10; Is. 25:8.*kixin ti Kolélo itjen nko̱siñe ti trono mé tsꞌayakohen ti jehe sin éxi ti nkexro tꞌayakohen ti kolélo kuènté; mé sátsjiko chꞌan ti jehe sin ti sítjiá ìnta̱ tjajon kjuachón, la Díos tsꞌóni ti nda̱kon sin.

Currently Selected:

Apocalipsis 7: poeNTplus

Highlight

Copy