Apocalipsis 16

Ti yato copa

1Ndá kui̱ha̱n ijnko itan itsen kꞌuaxrjexín ti nkaxehen ni̱nko, ndáche ti yato sin ángel:

―Sátjia tꞌitjiá ti nkehe tjiá ti yato copa chritaón chjasintajni kixin tíha kui̱xi̱n ti itjen Díos kixin tsjasótexín chojni.

2 # Ex. 9:10. *Ndá sákjuí ti ángel sa̱oxín, la kꞌuitjí ti nkehe tjiá ti copa chritaón chjasintajni. Ndá kaín ti chojni chónta ti xro̱ye kuènté ti iko ijié la ko tjikosáyehe ti nkehe tsíkjano̱ña mé kꞌuaña sin to̱sóa, la imá tjoté la ko ixra.

3A̱ndá ti yaáxin ángel kꞌuitjí ti nkehe tjiá ti copa chritaón nda̱ñao. La ti nda̱ñao la kꞌóna ijni̱ éxi ijni̱é ijnko chojni tsíkjincheníhi kícho la kaín iko sínkankí ti ìnta̱ la ikꞌuén.

4 # Ex. 7:17-21; Sal. 78:44. *A̱ndá ti níxin ángel kꞌuitjí ti nkehe tjiá ti copa chritaón ti nda̱río la ko ti ìnta̱ sítꞌaxrje tòye̱, landá ti ìnta̱ la kꞌóna ijni̱. 5Ndá kui̱ha̱n nixja ti ángel chónta kjuachaxin kuènté ti ìnta̱, ndáchro:

―Jaha mé ijnko nkexro jína kixin xi̱kaha kjui̱nchekito̱exián kaín ijie̱. Ìnchéni, jaha mé ijnko Díos jína, xráxín itjen la ko na̱xa̱ itjen. 6Ti sin nínkakohan la kꞌóñá sin ti sin kuinkáchónki ti jaha la ko ti sin chrónkaxín ti itan, ndá ijie jaha chje̱hé sin ijni̱ itsꞌi sin kixin jehe sin kjueyá sin xi̱kaha tso̱hen sin.

7Kja̱xin kui̱ha̱n ti itjen altar nixja íjnko nkexro ndáchro:

―Chaxín, Ìnchéni Díos, jaha chonta kaín kjuachaxin, ndoá la ko jína kjui̱nchekito̱exián iji̱é kaín chojni.

8A̱ndá ti noóxin ángel kꞌuitjí ti nkehe tjiá ti copa chritaón ti ña̱o, a̱ndá ti ña̱o mé kꞌuáyéhe̱ kjuachaxin kixin tsochjáxin kaín chojni ti xrohi kuènté. 9Ndá kaín chojni chjánxin ti xrohi kuènté ti ña̱o, la kjónté xi̱kaha, la kjuinkíhya sin ti nkehe tjenka̱yáxin sin la kjuikosáyehya sin Díos, la ícha kꞌuándaxíhi̱n sin ti nkexro chónta kaín kjuachaxin.

10 # Ex. 10:21. *Ndá ti nꞌóxin ángel la kꞌuitjí ti nkehe tjiá ti copa chritaón ti trono tꞌe̱to̱axín ti iko ijié. Ndá ti kuékꞌe̱to̱anxín ti iko ijié la kꞌuíxin tié. Ndá kaín chojni kónietja sin ñejen sin kixin ti kjuatjoté chónta sin. 11La kjónté xi̱kaha la kjuinkíhya sin ti nkehe nduáhya tjenka̱yáxin sin la kꞌuándaxíhi̱n sin ti Díos itjen nka̱jní kixin ti kjuatjoté kuènté ti to̱sóa chónta sin la kuíto̱ehya sin ti nkehe nduáhya kjuíchꞌe sin.

12 # Is. 11:15. *A̱ndá ti njonxi̱n ángel kꞌuitjí ti nkehe tjiá ti copa chritaón ti nda̱río ijié itꞌin Éufrates. La ti nda̱río la kjui̱xé la xitje̱he̱ ijnko nti̱a tsji̱xi̱n ti sin rey tsji̱xi̱n ti tji̱to̱xi̱n ña̱o.

13Ndá kꞌuíkua̱n kixin irꞌua ti dragón#16:13 dragón ti konche ósé ikjí mé itꞌin diablo la ko Satanás la ko irꞌua ti iko ijié la ko irꞌua ti profeta nduáhya tjako#16:13 profeta nduáhya tjako falso profeta mé kꞌuaxrjexín iní ncha̱kuén jínahña tsjehe éxi korána. 14Tíha mé ncha̱kuén jínahña kjua̱ko̱xi̱n kjuaxroan ijié. A̱ndá tíhi kjuínchenkotsé kaín ti sin rey siín chjasintajni kixin tsjajo̱n sin ti ña̱o kuènté ti Díos chónta kaín kjuachaxin. 15#Mt. 24:43, 44; Lc. 12:39, 40; Ap. 3:3.*“Tsjehéra, janhan la titàya̱ tsjasé éxi ijnko xíche̱e. Díos sincheñao ti nkexro tjejótsjehe la ko tꞌayakohen ti iké kixin chrókꞌuájihya tjóchín la chrókósuèhya kixin chrókónoxín kixin tjóchín sin.” 16#2Rs. 23:29; Zac. 12:11.*La ti ncha̱kuén jínahña mé kjuínchenkotsé ti sin rey ti ijna̱ kuènté Meguido, mé ngiva Hebreo la itꞌin Armagedón.

17A̱ndá ti ya̱to̱xi̱n ángel kꞌuitjí ti nkehe tjiá ti copa chritaón ti xri̱nto̱, ndá nkaxehen ti ni̱nko itjen nkaya nka̱jní mé kꞌuaxrjexín ijnko itan, kui̱xi̱n ti itjen ti trono mé itsen nixja, ndáchro:

―Ó kjuixin xiteyá tíhi.

18 # Ap. 8:5; 11:13, 19. *Ndá kꞌuixikjónkíxín, kꞌuixin ruido la ko kꞌuixikjonta la ko imá fuerte kꞌuínki nonte. Mé tíha la xi̱kahña kóhen ndesi xránkíxixín kꞌuixin chojni ti chjasintajni. 19#Is. 51:17.*Ndá ti chjasin ijié mé xitje̱he̱ ti nonte la kꞌóna iní, la ko kaín ti chjasin siín chjasintajni la kꞌuitjáña. Kja̱xin kꞌuitjáñehña Díos ti chjasin imá ijié itꞌin Babilonia, la tíha mé kaín kjuanínkaon kuènté chꞌan kjuínchekjasótexín chꞌan. 20#Ap. 6:14.*La kaín nonte ntsíntsí siín nko̱siñe nda̱ñao la ko kaín ijna̱ mé kꞌuitjáña. 21#Ex. 9:23; Ap. 11:19.*Ndá nka̱jní kꞌuánótje̱xi̱n toni ijié, yexín cuarenta kilo, mé xrátja itsjé chojni. A̱ndá ti chojni la a̱ntsí kónínkaon sin kꞌuándaxíhi̱n sin Díos kixin xi̱kaha kóhen la imá kjuasótexín sin ti toni.

Currently Selected:

Apocalipsis 16: poeNTplus

Highlight

Copy