Apocalipsis 1
1
1Tíhi ti nkehe kjua̱ko̱he̱ Díos Ìnchéni Jesucristo kixin tsochenka chꞌan ti sin chꞌehe ixra̱ ti jehe chꞌan ti nkehe í kanhñó isé tso̱hen. Méxra̱ Jesucristo la ichrꞌán chꞌan ti ángel kuènté chꞌan kixin sinchenohe chꞌin Juan, ti nkexro chꞌehe ixra̱ ti jehe chꞌan, kaín ti nkehe tso̱hen. 2Ndá xi̱kaha chꞌin Juan ikjin chꞌan kaín ti nkehe kꞌuíkon chꞌan la ko ti nkehe chaxín tsíndáchro Díos kjua̱ko̱xi̱n Jesucristo.
3Díos sincheñao ti nkexro nchekuáxin la ko ti nkexro tjejótihin ti itan chronka nkehe tso̱hen chrꞌéxi̱n chónta ti xroon i la ko nchexiteyá, kixin ti ña̱o tsoxiteyá tíhi la ó tinkákichjina.
Juan ikjin xroon tsꞌáyéhe̱ ti yato ni̱nko
4 #
Ex. 3:14;
Ap. 4:5. *Janhan, Juan, ikjian ti xroon i tsꞌáyéhe̱ ti yato ni̱nko tjejó Asia. Tꞌayéhéra kjuasàya la ko kjuaxróxin kuènté Díos, ti nkexro itjen ijie la ko xráxín kjuákꞌe la ko xíki ínaá. Kja̱xin ti yato Ncha̱kuén chꞌan tjejó ti trono kuènté chꞌan mé tjajon kjuaxróxin, 5#Is. 55:4; Sal. 89:27.*la ko Ìnchéni Jesucristo, ti nkexro chaxín chronka kaín nkehe ndoá, ti nkexro sa̱oxén#1:5 sa̱oxén sa̱o primero xechón, la ko chónta kjuachaxin tꞌe̱tue̱hen kaín ti sin rey siín chjasintajni. Jehe chꞌan mé tjue̱he chꞌan ti jeheni la ko ti ijni̱é chꞌan mé kꞌuíjmáxin kaín ti iji̱éni. 6#Ex. 19:6; Ap. 5:10.*Jehe chꞌan mé kjuajon chꞌan kjuachaxin kꞌónani ncha̱tꞌá kuènté chꞌan kixin sichꞌeheni ixra̱ Itꞌéni Díos. Jehe chꞌan mé tsꞌáyéhe̱ chꞌan kaín kjuasàya, la ti kjuachaxin kuènté chꞌan mé tsꞌe̱to̱an nkochríxín. Mé xi̱kaha tso̱hen.
7 #
Dn. 7:13; Mt. 24:30; Mr. 13:26; Lc. 21:27; 1Ts. 4:17;
Zac. 12:10; Jn. 19:34, 37;
Zac. 12:10; Mt. 24:30. *Tsjehéra. Cristo la ó itsi chríkjan itji̱ la kaín chojni tsꞌikon, la ko kja̱xin ti chojni kjuínchekjasóte ti jehe chꞌan, la ko kaín chojni siín chjasintajni la tsotsjánka sin ti ó tsꞌikon sin ti jehe chꞌan. Mé xi̱kaha tso̱hen.
8 #
Ap. 22:13;
Ex. 3:14. *“Janhan ti xránkíxixín la ko ti tsjixixín éxi ti letra A la ko hasta Z”, mé xi̱kaha ichro Díos, ti nkexro chónta kaín kjuachaxin, ti nkexro itjen la ko xráxín kjuákꞌe la ko xíki ínaá.
Juan kꞌuíkon kixin Cristo chónta kaín kjuachaxin
9Janhan Juan, ijnko kichuara, janhan nkokón tjetjasóte éxi ti jahara kixin tinkachónkia Jesucristo la nkokón chóntani ti kjuachaxin kuènté chꞌan la ko jehe chꞌan tjinki̱tsa chꞌan ti jeheni kixin tsjachani tsꞌatsínkani kaín ti nkehe náxrjónhña. Janhan mé kjuàkua itén Díos la níxja kuènté Jesucristo ndá xi̱kaha tjéchji̱na ti nonte itjen nko̱siñe nda̱ñao itꞌin Patmos. 10Ti ña̱o xraxinkakonxíni Ìnchéni la ikui Ncha̱kuén Díos ti itjén la kui̱ha̱n kixin nótua̱n mé itsen nixja ijnko nkexro éxi tsenxín ijnko trompeta. 11Mé ndáchro:
―Janhan ti xránkíxixín la ko ti tsjixixín éxi ti letra A la ko hasta Z.#1:11 A la ko hasta Z el Alfa y la Omega Ikjian ijnko xroon kaín ti nkehe tsꞌikuan la chrꞌehén ti yato ni̱nko tjejó Asia, ti ni̱nko itjen Éfeso, Esmirna, Pérgamo, Tiatira, Sardis, Filadelfia, la ko Laodicea.
12A̱ndá nkátjíá tsjaha̱ nkexro ti tjenixja la kꞌuíkua̱n yato candelero tsíkꞌónaxín oro. 13#Dn. 7:13; Dn. 10:5.*A̱ndá nko̱siñe ti yato candelero mé kꞌuíkua̱n ijnko nkexro éxi ti Xje̱en Díos tsíkꞌóna chojni, tjechrꞌinkáya chꞌan ijnko ika kjíjin tichjéhe hasta to̱té chꞌan la ko ijnko cinta jehó oro tjechrꞌinkatꞌóxin ti ntakuin chꞌan. 14#Dn. 7:9.#Dn. 10:6.*Ti ka̱xi̱hi chꞌan la tjóá tsjehe éxi ka̱xre̱e kolélo#1:14 kolélo Ti Kolélo la Ìnchéni Jesús tíha imá tjóá o̱ éxi tsjehe ti chrintá, la ti ikon chꞌan mé éxi xrohi síchrꞌákjen. 15#Ez. 1:24; 43:2.*Ti to̱té chꞌan la éxi chika sinie tjáki̱ni tsjehe éxi na̱ntá tsíkꞌaxrjexín itja̱. A̱ndá ti itén chꞌan la itsen tinhini éxi nchónhña nda̱río sítji xi̱kaha. 16Ti itja chꞌan chjina mé chónta yato konotsé. A̱ndá ti irꞌua chꞌan mé tꞌaxrjexín ijnko espada iyo, ñájín#1:16 ñájín yoí lado taté espada de doble filo taté. A̱ndá ti nkayakon chꞌan la imá tjáki̱ni tsjehe éxi ti ña̱o ti ó imá tjáki̱ni.
17 #
Is. 44:6; 48:12; Ap. 2:8; 22:13. *A̱ndá ti ó kꞌuíkua̱n la kjuachrꞌítsi̱nka ti itjen to̱té chꞌan éxi ikꞌuén xi̱kaha. A̱ndá jehe chꞌan kjuakꞌetja tja chꞌan ti janhan la nixja chꞌan ndáchro chꞌan:
―Chrakonhña. Janhan ti xránkíxixín la ko ti tsjixixín. 18Janhan ti nkexro tjechón. Janhan ikꞌuén, kjánchó ijie la tjéchua̱n ínaá la itjén nkochríxín. Janhan chonta ti llave kuènté ti kjuachꞌén#1:18 kjuachꞌén muerte kjuatꞌen chojni la ko ti tjejó ti sin tsíkꞌen. 19Méxra̱ ikjian ti nkehe kꞌuíkuan, ti nkehe sítóhen ijie la ko ti nkehe tso̱hen chrꞌéxi̱n. 20Tíhi ti nkehe tꞌaxrjexín ti nkehe noehña chojni kuènté ti yato konotsé kꞌuíkuan chónta ti tjaná chjina, la ko ti yato candelero tsíkꞌónaxín oro. Ti yato konotsé mé tꞌaxrjexín ti yato ángel tꞌayakohen ti yato ni̱nko la ti yato candelero mé tꞌaxrjexín ti yato ni̱nko.
Currently Selected:
Apocalipsis 1: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Apocalipsis 1
1
1Tíhi ti nkehe kjua̱ko̱he̱ Díos Ìnchéni Jesucristo kixin tsochenka chꞌan ti sin chꞌehe ixra̱ ti jehe chꞌan ti nkehe í kanhñó isé tso̱hen. Méxra̱ Jesucristo la ichrꞌán chꞌan ti ángel kuènté chꞌan kixin sinchenohe chꞌin Juan, ti nkexro chꞌehe ixra̱ ti jehe chꞌan, kaín ti nkehe tso̱hen. 2Ndá xi̱kaha chꞌin Juan ikjin chꞌan kaín ti nkehe kꞌuíkon chꞌan la ko ti nkehe chaxín tsíndáchro Díos kjua̱ko̱xi̱n Jesucristo.
3Díos sincheñao ti nkexro nchekuáxin la ko ti nkexro tjejótihin ti itan chronka nkehe tso̱hen chrꞌéxi̱n chónta ti xroon i la ko nchexiteyá, kixin ti ña̱o tsoxiteyá tíhi la ó tinkákichjina.
Juan ikjin xroon tsꞌáyéhe̱ ti yato ni̱nko
4 #
Ex. 3:14;
Ap. 4:5. *Janhan, Juan, ikjian ti xroon i tsꞌáyéhe̱ ti yato ni̱nko tjejó Asia. Tꞌayéhéra kjuasàya la ko kjuaxróxin kuènté Díos, ti nkexro itjen ijie la ko xráxín kjuákꞌe la ko xíki ínaá. Kja̱xin ti yato Ncha̱kuén chꞌan tjejó ti trono kuènté chꞌan mé tjajon kjuaxróxin, 5#Is. 55:4; Sal. 89:27.*la ko Ìnchéni Jesucristo, ti nkexro chaxín chronka kaín nkehe ndoá, ti nkexro sa̱oxén#1:5 sa̱oxén sa̱o primero xechón, la ko chónta kjuachaxin tꞌe̱tue̱hen kaín ti sin rey siín chjasintajni. Jehe chꞌan mé tjue̱he chꞌan ti jeheni la ko ti ijni̱é chꞌan mé kꞌuíjmáxin kaín ti iji̱éni. 6#Ex. 19:6; Ap. 5:10.*Jehe chꞌan mé kjuajon chꞌan kjuachaxin kꞌónani ncha̱tꞌá kuènté chꞌan kixin sichꞌeheni ixra̱ Itꞌéni Díos. Jehe chꞌan mé tsꞌáyéhe̱ chꞌan kaín kjuasàya, la ti kjuachaxin kuènté chꞌan mé tsꞌe̱to̱an nkochríxín. Mé xi̱kaha tso̱hen.
7 #
Dn. 7:13; Mt. 24:30; Mr. 13:26; Lc. 21:27; 1Ts. 4:17;
Zac. 12:10; Jn. 19:34, 37;
Zac. 12:10; Mt. 24:30. *Tsjehéra. Cristo la ó itsi chríkjan itji̱ la kaín chojni tsꞌikon, la ko kja̱xin ti chojni kjuínchekjasóte ti jehe chꞌan, la ko kaín chojni siín chjasintajni la tsotsjánka sin ti ó tsꞌikon sin ti jehe chꞌan. Mé xi̱kaha tso̱hen.
8 #
Ap. 22:13;
Ex. 3:14. *“Janhan ti xránkíxixín la ko ti tsjixixín éxi ti letra A la ko hasta Z”, mé xi̱kaha ichro Díos, ti nkexro chónta kaín kjuachaxin, ti nkexro itjen la ko xráxín kjuákꞌe la ko xíki ínaá.
Juan kꞌuíkon kixin Cristo chónta kaín kjuachaxin
9Janhan Juan, ijnko kichuara, janhan nkokón tjetjasóte éxi ti jahara kixin tinkachónkia Jesucristo la nkokón chóntani ti kjuachaxin kuènté chꞌan la ko jehe chꞌan tjinki̱tsa chꞌan ti jeheni kixin tsjachani tsꞌatsínkani kaín ti nkehe náxrjónhña. Janhan mé kjuàkua itén Díos la níxja kuènté Jesucristo ndá xi̱kaha tjéchji̱na ti nonte itjen nko̱siñe nda̱ñao itꞌin Patmos. 10Ti ña̱o xraxinkakonxíni Ìnchéni la ikui Ncha̱kuén Díos ti itjén la kui̱ha̱n kixin nótua̱n mé itsen nixja ijnko nkexro éxi tsenxín ijnko trompeta. 11Mé ndáchro:
―Janhan ti xránkíxixín la ko ti tsjixixín éxi ti letra A la ko hasta Z.#1:11 A la ko hasta Z el Alfa y la Omega Ikjian ijnko xroon kaín ti nkehe tsꞌikuan la chrꞌehén ti yato ni̱nko tjejó Asia, ti ni̱nko itjen Éfeso, Esmirna, Pérgamo, Tiatira, Sardis, Filadelfia, la ko Laodicea.
12A̱ndá nkátjíá tsjaha̱ nkexro ti tjenixja la kꞌuíkua̱n yato candelero tsíkꞌónaxín oro. 13#Dn. 7:13; Dn. 10:5.*A̱ndá nko̱siñe ti yato candelero mé kꞌuíkua̱n ijnko nkexro éxi ti Xje̱en Díos tsíkꞌóna chojni, tjechrꞌinkáya chꞌan ijnko ika kjíjin tichjéhe hasta to̱té chꞌan la ko ijnko cinta jehó oro tjechrꞌinkatꞌóxin ti ntakuin chꞌan. 14#Dn. 7:9.#Dn. 10:6.*Ti ka̱xi̱hi chꞌan la tjóá tsjehe éxi ka̱xre̱e kolélo#1:14 kolélo Ti Kolélo la Ìnchéni Jesús tíha imá tjóá o̱ éxi tsjehe ti chrintá, la ti ikon chꞌan mé éxi xrohi síchrꞌákjen. 15#Ez. 1:24; 43:2.*Ti to̱té chꞌan la éxi chika sinie tjáki̱ni tsjehe éxi na̱ntá tsíkꞌaxrjexín itja̱. A̱ndá ti itén chꞌan la itsen tinhini éxi nchónhña nda̱río sítji xi̱kaha. 16Ti itja chꞌan chjina mé chónta yato konotsé. A̱ndá ti irꞌua chꞌan mé tꞌaxrjexín ijnko espada iyo, ñájín#1:16 ñájín yoí lado taté espada de doble filo taté. A̱ndá ti nkayakon chꞌan la imá tjáki̱ni tsjehe éxi ti ña̱o ti ó imá tjáki̱ni.
17 #
Is. 44:6; 48:12; Ap. 2:8; 22:13. *A̱ndá ti ó kꞌuíkua̱n la kjuachrꞌítsi̱nka ti itjen to̱té chꞌan éxi ikꞌuén xi̱kaha. A̱ndá jehe chꞌan kjuakꞌetja tja chꞌan ti janhan la nixja chꞌan ndáchro chꞌan:
―Chrakonhña. Janhan ti xránkíxixín la ko ti tsjixixín. 18Janhan ti nkexro tjechón. Janhan ikꞌuén, kjánchó ijie la tjéchua̱n ínaá la itjén nkochríxín. Janhan chonta ti llave kuènté ti kjuachꞌén#1:18 kjuachꞌén muerte kjuatꞌen chojni la ko ti tjejó ti sin tsíkꞌen. 19Méxra̱ ikjian ti nkehe kꞌuíkuan, ti nkehe sítóhen ijie la ko ti nkehe tso̱hen chrꞌéxi̱n. 20Tíhi ti nkehe tꞌaxrjexín ti nkehe noehña chojni kuènté ti yato konotsé kꞌuíkuan chónta ti tjaná chjina, la ko ti yato candelero tsíkꞌónaxín oro. Ti yato konotsé mé tꞌaxrjexín ti yato ángel tꞌayakohen ti yato ni̱nko la ti yato candelero mé tꞌaxrjexín ti yato ni̱nko.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.