Salmos 88
88
Ijnko nkexro níhi chrónòa
Salmo kuènté xje̱en Coré
1Itꞌéni Díos tsaáxini.
Ncha̱kotjin la ko tie chrónòahani
kixin tsjínki̱tsehéni.
2Ti nixjahani mé chrókjuíji ti itjen jaha.
Tihín ti nkehe tjanchiani.
3Nchónhña nkehe jínahña kjuasótexíni,
la ó chjina chrókꞌueni la chrókjui̱xraváni.
4Ndáchro chojni kixin ó kjuixin sákjuini
ti siín ti sin tsíkꞌen.
Jeheni mé chaxín í chóntahyani fuerza.
5Kuíto̱he sin ti jeheni ti tjejó ti sin tsíkꞌen,
ti sin tsíkꞌitsínkayá tòye̱.
Tjakꞌeni ti tjejó ti sin xraxinkakonhña jaha
la ko jaha tjínki̱tsahya sin.
6Jaha tsíkjaké ti jeheni ijnko tòye̱ ni̱nka
la ko sítie.
7Ti kjuanínkaon kuèntá mé kjui̱nchekamáni la imá iye
la éxi nátaón ti jeheni chrókui yeé ìnta̱
mé xi̱kaha yexín ti kjuanínkaon kuèntá.
8Mé xi̱kaha kjui̱chꞌe jaha kixin kaín ti sin chóxini kuíto̱he sin ti jeheni,
mé xi̱kaha kjui̱chꞌe kixin chrókóxríe̱nhña sin ti jeheni.
A̱ndá jeheni la éxi ijnko chojni tjechjina la xitjahya tsꞌaxrjeni.
9Imá tsjánkani, a̱ndá ijie la í tꞌikonhñani jína kixin kjuatjoyé ti ikoni.
Kaín ña̱o tꞌéye̱he̱ni ti jaha Itꞌéni Díos.
Tjokani itjani kixin jaha chrókjuínki̱tsa ti jeheni.
10¿Xá jaha tsjásian kjuaxroan ti tjejó ti sin tsíkꞌen ní?
¿Xá ti sin tsíkꞌen mé tsotjáha sin kjuasáya ní?
11¿Xá tsondáchro sin kixin jaha tjue̱hé chojni ti nkaxehen ti tòye̱ ní?
¿Xá tsonixja chojni ti nkehe chaxín kuèntá ntiha ti siín ti sin tsíkꞌen ní?
12Ti tjejó ti sin tsíkꞌen
la kaín nkehe kꞌuitjáñehen sin.
¿Á na̱xa̱ chrókꞌuejó nkexro ntiha
chróxraxinkaon ti nkehe ndoá la ko
ti kjuaxroan kjuásian ní?
Kjá í náhí.
13Kjánchó jeheni tꞌéye̱he̱ni ti jaha, Itꞌéni Díos.
Kaín nchítjen chrónòahani la ko tjeyáni ti jaha.
14Itꞌéni Díos, ¿nkekuènté xráxinkákonhña ti jeheni?
¿Nkekuènté tjakꞌeme̱héni?
15Ti ña̱o na̱xa̱ kꞌuéntasoáni
kjuankíxini kjuasóteni la chrókꞌueni.
Nchónhña nkehe jínahña ichrꞌan jaha kjuasótexíni.
A̱ndá ijie la í tsjachahyani ínaá.
16Ti kjuanínkaon ijié kuèntá mé kꞌuatsínka nátaón ti jeheni.
Ndá xi̱kaha imá kꞌóxrjéni.
17Ijie la kaín ña̱o tjasóteni
éxi yeé ìnta̱ kꞌuatsínka nátaón ti jeheni.
18Kaín ti sin chóxini la kuíto̱he sin ti jeheni,
la jehóni kuíto̱heni ti sítie.
Currently Selected:
Salmos 88: poeNTplus
Highlight
Share
Compare
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
