Salmos 82
82
Itꞌéni Díos mé ti juez tꞌe̱to̱an
Salmo kuènté Asaf
1Itꞌéni Díos la kjuákꞌe kꞌue̱to̱an ti siín ti sin chꞌehe chꞌan ixra̱
la nchekito̱exín chꞌan ti iji̱é sin la ndáchro:
2¿Xá hasta nkesá nduáhya si̱nchekito̱exínra?
¿Xá hasta nkesá tjinkáonra tsjínki̱tsara ti chojni tjenka̱yáxin nkehe jínahña?
3Jahara chrókjuínki̱tsara ti sin tsa̱nka̱hya
la ko ti sin nóa
la kja̱xin chrókjuínki̱tsara ti sin tꞌává la ko ti sin chóntahya ninkehó.
4Nchekaára ti sin nóaxi̱n tjejó la ko ti sin nóa
kixin ti sin nduáhya ixri la tsjachahya sin tsꞌe̱to̱an sin.
5Ti sin nduáhya ixri la noehña sin la ko tienxínhña sin,
kixin ixri sin ijnko nti̱a sítie,
la ti xránkíxixín chjasintajni mé sítꞌinki kixin ti ijie̱ tjasin sin.
6 #
Jn. 10:34. *Janhan ndáxrja̱n kixin jahara la éxi ijnko díos;
kaín ti jahara la xje̱en Díos itjen nkaya nka̱jní.
7Kjánchó itsꞌenra éxi itꞌen kaín chojni,
itsꞌenra éxi itsꞌen kaín chojni tꞌe̱to̱an.
8Jaha Díos, tihín,
chrókjui̱nchekito̱exián iji̱é chojni chjasintajni
kixin jaha mé kuèntá kaín nación siín chjasintajni.
Currently Selected:
Salmos 82: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
