Salmos 75
75
Díos mé ti Juez
Salmo kuènté Asaf
1Kjuasáya tja̱há, jaha Díos,
kjuasáya kixin chjinaxón itjen jaha.
Ti sin tinkáchónki ti jaha la tsochronka sin ti kjuaxroan kjuásian.
2Ndáchro Itꞌéni Díos:
“Ti hora tjínka̱oan
la janhan mé ndoá si̱ntaki̱to̱axian ti ijie̱ chónta chojni.
3A̱ndá ti ó tsꞌinki ti nonte la ko kaín ti chojni siín ntiha,
la janhan mé tsꞌayakoha̱n ti xránkíxixín ti nonte a.”
4A̱ndá ndátjan ti sin tjenka̱yáxinhña jína
la ko ti sin nchehnke kixin
kanhñó chrókjuinchehnke sin.
5Chrokjuinchenkexínhña sin ti kjuachaxin chónta sin
la ko chrónixjahya sin ti nkehe jehya kjuasàya.
6Kohya ninkexró ti tji̱to̱xin ña̱o o̱ ti tjiatóxin ña̱o
o̱ ti nó sur tsjacha tsochjéhe ijnko chojni ti kjuachaxin.
7Náhí, ti kjuachaxin la ti̱xi̱n ti itjen Díos
kixin jehe chꞌan ti ijuez tꞌe̱to̱an.
Jehe chꞌan takitsjehe chꞌan chojni ti kjuachaxin chónta
a̱ndá chjéhe chꞌan íso chojni.
8Itꞌéni Díos tjexraá ti copa
síkaón ti vino síxróji, mé ti kjuanínkaon kuènté chꞌan.
A̱ndá tsꞌitjí chꞌan ti vino chritaón ti chjasintajni
la kaín ti chojni tjenka̱yáxin ti nkehe jínahña siín chjasintajni
la itsꞌi sin tíha la xi̱kaha tsjasóte sin.
9A̱ndá jeheni la nkochríxín tsochronkani
kixin jína ti Díos kuènté Jacob
la tsotsjeni tsjikosáyeheni chꞌan.
10Kixin Díos sinchekꞌitjáña
ti kjuachaxin chónta ti sin tjenka̱yáxin ti nkehe jínahña.
La Díos mé tsjinki̱tsa ti chojni jína
kixin a̱ntsí tsꞌánkí ti kjuachaxin chónta sin.
Currently Selected:
Salmos 75: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
