Salmos 62
62
Díos nchekaá ti jeheni
Salmo kuènté David
1Jehó Díos mé kjuajon ti kjuaxróxin kꞌuitjani
la ko ti tsaáxini mé kui̱xi̱n ti jehe chꞌan.
2Jehó Díos mé tsaáxini la ko tꞌayakohen ti jeheni
Tsjichròehyani kixin tꞌayakohen chꞌan ti jeheni.
3“¿Jahara hasta nkesá tsi̱to̱héra ti kjuanínkaon?
Jahara tjinkáonra chrókuinkatjara ti jeheni.
Jeheni la éxi ijnko tja̱tꞌo̱ nduáhya tsíkꞌóna
o̱ éxi ijnko ntachja̱te tsíka̱ndatjen nchia, ó chjina tsoxitjen.
4Jehó tjénka̱yáxinra si̱nchekꞌitjáñara ti jeheni.
Tóxríhanra chꞌénara kjuachꞌia.
Ti irꞌuara la nixja ijnko nkehe jína,
a̱ndá ti a̱sánra la tjenka̱yáxin ti nkehe jínahña.”
5Jehó Díos mé kꞌuitjaxíni ti kjuaxróxin.
Ti nkehe tjechóheni la ti̱xi̱n ti itjen Díos.
6Jehó Díos mé tsaáxini.
Jehe chꞌan mé tꞌayakohen chꞌan ti jeheni, méxra̱ tꞌitsínkahyani.
7Díos mé tsaáxini
la ko tsjinki̱tsa chꞌan kixin tsjachani.
Jehe chꞌan mé tꞌayakohen chꞌan ti jeheni la ko tsaáxini chꞌan.
8Jahara chojni chjaséni
chrókuinkachónkira Díos nkochríxín.
Chronoéhéra chꞌan kaín a̱sánra la chenkara chꞌan kaín ti kjuaxikaon chontara
kixin ti Díos a mé tsaáxini.
9Ti nkehe tjenka̱yáxin chojni, á chojni nóa o̱ á chojni rico,
la kjuahnke ó, la sínkíhya tíha.
Ti yóí sin chrókjuìinxín sin
la nkokón yexín sin kixin sínkíhya sin.
10Chrokóxríanhñara ti kjuanínkaon
la ko chrókóxríanhñara chrókueéra nkehe.
Kjónté chrókórikóra
la chrókjui̱nchenkexínhñara ti chichaon chontara.
11A̱ndá nkonaá níxja Díos,
la ko yaá nkehe kuíhini
kixin kaín ti kjuachaxin la kuènté Díos.
12 #
Job 34:11; Jer. 17:10; Mt. 16:27; Ro. 2:6; Ap. 2:23. *Jaha Díos imá tjue̱hé chojni.
Jaha mé tjénke̱hé sin éxi ti ixra̱ kjuíchꞌe sin.
Currently Selected:
Salmos 62: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
