Salmos 60
60
Díos tsjinki̱tsani kixin tsjachani
Salmo kuènté David
1Jaha Díos, ti ó kónínkaoan la kuíto̱hé ti jeheni
la tjinkaoan chrókjui̱nchekꞌitjáñani.
A̱ndá ijie ikjan tjínki̱tsani ínaá.
2Jaha kjui̱nchekꞌinkia ti nonte la xitje̱he̱.
A̱ndá ijie chrókjui̱ncheki̱to̱hé jína ti nonte kixin sítꞌo̱nte̱he.
3Jaha imá kjui̱nchekjasóte ti jeheni, ti chojni chjasin kuèntá.
Jaha kjuánjua ti vino tsjichroèxini.
4Kjánchó jaha kjuínki̱tsa ti sin tjikosáyehe ti jaha
kixin chrókꞌuenxínhña sin ti chika flecha itꞌe ti sin nínkaon.
5Tjáte̱hé; nchekaáxiani ti kjuachaxin kuèntá.
Nchekaá ti sin tjue̱hé jaha.
6Díos itjen ti ni̱nkué la ndáchro:
“Janhan tso̱chàna tsꞌóxika̱ya̱ha̱ ti chjasin Siquem la ko
ti nonte kuènté Sucot.
7Chjasin Galaad la ko Manasés mé kuénta̱na.
Ti chjasin Efraín mé éxi ijnko kásko̱ tꞌayakohen ikja̱
la ti chjasin Judá mé éxi ti inta tétua̱nxián.
8Ti chjasin Moab mé éxi ti ichi̱ tikia ìnta̱ tꞌontia tjaná.
A̱ndá nó ti chjasin Edom mé tsochrꞌan ti to̱ka̱tená.
Janhan tso̱chàna kixin tsjachahya
ti sin filisteo.”
9¿Xá nkexro sáchrókjuiki̱a̱n ti chjasin ijié chónta tja̱tꞌo̱ tsíka̱ntatjen?
¿Xá nkexro sáchrókjuiki̱a̱n chjasin Edom?
10¿Á jehya jaha ti Díos kuíto̱hé ti jeheni
la sátsjikoáhya ti sin soldado kuènténi ní?
11A̱ndá ijie tjínki̱tsa ti jeheni kixin siín sin nínkaon
kixin ti jehóni la chrókjuachahyani.
12Jaha Itꞌéni Díos tsjinki̱tsani la tsjachani
kixin jaha mé si̱nchekꞌitjáña ti sin nínkakohen ti jeheni.
Currently Selected:
Salmos 60: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
