Salmos 56
56
Jeheni tinkáchónkini Díos
Salmo kuènté David
1Ti̱konoéhéni, Itꞌéni Díos,
kixin siín itsjé chojni kꞌuínkatjen nínkakohen ti jeheni,
kaín ña̱o tjajo̱nko sin ti jeheni.
2Kaín ña̱o siín chojni nínkakohen ti jeheni.
Nchónhña sin tjajo̱nko sin ti jeheni la nchehnke sin.
3A̱ndá ti ña̱o imá chrakoni
mé a̱ntsí tinkáchónkini ti jaha.
4Tinkáchónkini Díos, la tjikosayéheni ti itén chꞌan.
Tinkáchónkini Díos la chrakonhani.
¿Xá nkehe chrókjuíchꞌe ti chojni nduáhya tjejó?
5Kaín ña̱o tꞌeka sin ijie̱ ti jeheni
la jehó tjenka̱yáxin sin sichꞌe sin ti nkehe jínahña.
6Tónkotsé sin, la tꞌejómá sin,
tsáya sin nketí ixrini
la xrichóhen sin tjinkaon sin chrókꞌóñá sin ti jeheni.
7Jaha Itꞌéni Díos, ti kjuanínkaon kuèntá
nchekjasótexián sin.
Ti̱to̱éhya kixin tsinká sin, sátsji sin.
8Jaha ó noha nkexrín kjuaxróxinhña kjuákꞌeni.
Jaha kjuénájian nkojnko ti nda̱koni.
¿Á jehya sínixín kaín tíha ti libro kuèntá ni?
9Ti chojni nínkaon la sátsji sin ti ó tsochronòani kixin tsjínki̱tsa ti jeheni.
Ó noheni kixin jaha Díos itjen ntihi, tjétjinki̱tsani.
10Tinkáchónkini Díos, la tjikosayéheni ti itén chꞌan.
Tinkáchónkini Itꞌéni Díos, la ti itén chꞌan tjikosayéheni.
11Jeheni tinkáchónkini Díos la chrakonhñani.
¿Xá nkehe chrókjuíchꞌe ti chojni nduáhya tjenka̱yáxin?
12Ti nkehe ndáchroni jaha Itꞌéni Díos,
la sinchexiteyáni,
la tsotjáhani kjuasáya kixin kjuínki̱tsani.
13Kixin jaha kjui̱nchekaáni ti chrókꞌueni
la ko ti chrókꞌuitsínkani,
la jeheni tsꞌajini ti nti̱a kuèntá, kixin jaha mé tsꞌinkaséñaxín ti sátsjini.
Currently Selected:
Salmos 56: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
