Salmos 50
50
Díos mé ijnko juez jína
Salmo kuènté Asaf
1Itꞌéni Díos chónta kaín kjuachaxin mé nixja
kꞌuéye̱he̱ chꞌan kaín chojni chjasintajni
ndesi ti tji̱to̱nxin ña̱o la ko hasta ti tjiatónxin.
2Díos mé tꞌinkaséñaxín ti chjasin Jerusalén,
ti chjasin náxrjón tjóá.
3Ó itsi ti Díos kuènténi,
kjánchó tíha la ijnko kjuachrakon
kixin tsji̱ka̱o chꞌan xrohi tsꞌitjáñaxín kaín nkehe
la ko tji̱a̱n tsochjéhe xri̱nto̱ nkonda̱tjen ti tsjakꞌe chꞌan.
4Jehe chꞌan tsꞌéye̱he̱ chꞌan ti sin tjejó nka̱jní
la ko ti sin tjejó chjasintajni
kixin sinchekito̱exín chꞌan iji̱é ti sin chjasin kuènté chꞌan.
5Ndáchro chꞌan:
“Chrókónkotsé ti chojni jína tjejó
kixin kjuínchexiteyá sin ti nkehe kuéto̱an janhan,
la ko kꞌóñá sin iko chroxihi sin ti janhan.”
6Ti nka̱jní mé tsochronkaxín
kixin Díos la ijnko juez jína.
7Ndáchro Díos:
“Tihínra chjasin kuénta̱na,
tihínra chojni Israel ti nkehe tsondáxrja̱n
kixin janhan mé Díos, ti Díos kuèntára.
8Jehya nínka̱kohanra
kixin nkoya̱xón tjájonra ti iko itsꞌen
chritaón ti ixro̱ tsíkjásitónra.
9Kjánchó tjáncháhyara ti koxintáxjan siín ndo̱ara
ni ti nchónhña kotèntso̱ chontara tjinká ti korra,
10kixin janhan kuénta̱na kaín ti iko jie̱he
la ko kja̱xin kaín ti iko siín nte̱je̱.
11Kuénta̱na kaín ti iko xritjaká nka̱jní
la ko ti iko siín nonte.
12A̱ndá ti chrókꞌuén kjinta la ticháxi̱nhña
chrókjuanchahara nkehe chrókjonié
kixin ti chjasintajni la kuénta̱na la ko kaín ti nkehe siín.
13¿Xá janhan chrókjonié ti into koxinta ní?
O̱, ¿chrókꞌuia ti ijni̱é kotèntso̱ ní?
14Jehya tíha tjinka̱oan. Náhí.
Chrokjuájonra kjuasáya
la ko chrókjui̱nchexiteyára ti nkehe tsíndáchrora.
15Tꞌéye̱héra ti janhan ti ña̱o kjuaxróxinhña tjejora,
la janhan si̱ntakaára
la jahara tsjíkosáyehéra ti janhan”, ichro Díos.
16A̱ndá Díos ndáche ti sin tjenka̱yáxin nkehe jínahña:
“¿Nke kjuachaxin chontara kixin nixjara ti ley kuénta̱na,
o̱ chróchro̱nkaxínra ti nkehe ndáxrja̱n?
17Kixin tóxrìanhñara ti nkehe tꞌétua̱hanra
la ko tóxrìanhñara ti itan kuénta̱na.
18A̱ndá ti tsꞌikonra itsi xíche̱e la cháhara, chréhéra sin
la tꞌitonra ti chojnichjin chónta ijie̱.
19Nixjara ti nkehe nduáhya
la nkochríxín chꞌénara kjuachꞌia.
20La tꞌándaxíhínra kichuara,
kjónté nkoko̱a kichuara la tꞌékara ijie̱.
21Kaín tíha kjui̱chꞌera la janhan ndáxrja̱nhña ninkehó.
¿Á tjénka̱yáxinra kixin janhan la tóyóhe̱ éxi ti jahara ní?
Méxra̱ ijie la janhan tsjáncháhára ijie̱.
22Méxra̱ tiénxinra jína tíhi,
jahara tꞌitjáñahanra Díos.
Ti tsitekákonhñara, la janhan si̱ntakꞌitjáñara
la í kohya nkexro sintakaára.
23A̱ndá ti nkexro tsjajon kjuasáya,
la tsjikosáyehe sin ti janhan
la janhan si̱ntakaá sin.”
Currently Selected:
Salmos 50: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Salmos 50
50
Díos mé ijnko juez jína
Salmo kuènté Asaf
1Itꞌéni Díos chónta kaín kjuachaxin mé nixja
kꞌuéye̱he̱ chꞌan kaín chojni chjasintajni
ndesi ti tji̱to̱nxin ña̱o la ko hasta ti tjiatónxin.
2Díos mé tꞌinkaséñaxín ti chjasin Jerusalén,
ti chjasin náxrjón tjóá.
3Ó itsi ti Díos kuènténi,
kjánchó tíha la ijnko kjuachrakon
kixin tsji̱ka̱o chꞌan xrohi tsꞌitjáñaxín kaín nkehe
la ko tji̱a̱n tsochjéhe xri̱nto̱ nkonda̱tjen ti tsjakꞌe chꞌan.
4Jehe chꞌan tsꞌéye̱he̱ chꞌan ti sin tjejó nka̱jní
la ko ti sin tjejó chjasintajni
kixin sinchekito̱exín chꞌan iji̱é ti sin chjasin kuènté chꞌan.
5Ndáchro chꞌan:
“Chrókónkotsé ti chojni jína tjejó
kixin kjuínchexiteyá sin ti nkehe kuéto̱an janhan,
la ko kꞌóñá sin iko chroxihi sin ti janhan.”
6Ti nka̱jní mé tsochronkaxín
kixin Díos la ijnko juez jína.
7Ndáchro Díos:
“Tihínra chjasin kuénta̱na,
tihínra chojni Israel ti nkehe tsondáxrja̱n
kixin janhan mé Díos, ti Díos kuèntára.
8Jehya nínka̱kohanra
kixin nkoya̱xón tjájonra ti iko itsꞌen
chritaón ti ixro̱ tsíkjásitónra.
9Kjánchó tjáncháhyara ti koxintáxjan siín ndo̱ara
ni ti nchónhña kotèntso̱ chontara tjinká ti korra,
10kixin janhan kuénta̱na kaín ti iko jie̱he
la ko kja̱xin kaín ti iko siín nte̱je̱.
11Kuénta̱na kaín ti iko xritjaká nka̱jní
la ko ti iko siín nonte.
12A̱ndá ti chrókꞌuén kjinta la ticháxi̱nhña
chrókjuanchahara nkehe chrókjonié
kixin ti chjasintajni la kuénta̱na la ko kaín ti nkehe siín.
13¿Xá janhan chrókjonié ti into koxinta ní?
O̱, ¿chrókꞌuia ti ijni̱é kotèntso̱ ní?
14Jehya tíha tjinka̱oan. Náhí.
Chrokjuájonra kjuasáya
la ko chrókjui̱nchexiteyára ti nkehe tsíndáchrora.
15Tꞌéye̱héra ti janhan ti ña̱o kjuaxróxinhña tjejora,
la janhan si̱ntakaára
la jahara tsjíkosáyehéra ti janhan”, ichro Díos.
16A̱ndá Díos ndáche ti sin tjenka̱yáxin nkehe jínahña:
“¿Nke kjuachaxin chontara kixin nixjara ti ley kuénta̱na,
o̱ chróchro̱nkaxínra ti nkehe ndáxrja̱n?
17Kixin tóxrìanhñara ti nkehe tꞌétua̱hanra
la ko tóxrìanhñara ti itan kuénta̱na.
18A̱ndá ti tsꞌikonra itsi xíche̱e la cháhara, chréhéra sin
la tꞌitonra ti chojnichjin chónta ijie̱.
19Nixjara ti nkehe nduáhya
la nkochríxín chꞌénara kjuachꞌia.
20La tꞌándaxíhínra kichuara,
kjónté nkoko̱a kichuara la tꞌékara ijie̱.
21Kaín tíha kjui̱chꞌera la janhan ndáxrja̱nhña ninkehó.
¿Á tjénka̱yáxinra kixin janhan la tóyóhe̱ éxi ti jahara ní?
Méxra̱ ijie la janhan tsjáncháhára ijie̱.
22Méxra̱ tiénxinra jína tíhi,
jahara tꞌitjáñahanra Díos.
Ti tsitekákonhñara, la janhan si̱ntakꞌitjáñara
la í kohya nkexro sintakaára.
23A̱ndá ti nkexro tsjajon kjuasáya,
la tsjikosáyehe sin ti janhan
la janhan si̱ntakaá sin.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.