Salmos 49
49
Jehya imá tjetoan ti chichaon
Salmo kuènté xje̱en Coré
1Chrókuihin tíhi kaín chjasin,
la ko chrókuihin kaín chojni siín kuenté chjasintajni.
2Chrókuihin ti chojni tꞌe̱to̱an la ko ti chojni tꞌe̱tua̱nhña,
ti chojni rico la ko ti chojni nóa.
3Jeheni tsochronkani ti kjuaxrexinkaon jína
la ko ti nkehe jína tjenka̱yáxin a̱séni.
4Jeheni tsihini ti kjuaxrexinkaon jína kꞌuénixja sin ósé
La tso̱tsje̱xini isón arpa ti nkehe noehña chojni.
5¿Xá nkekuènté chróchrakoni
ti ó chrókui ti ña̱o náxrjónhña,
ti ó chrókua̱ndatjen ti chojni nínkaon ti jeheni?
6Jehe sin titekaon sin kixin ti itsjé chichaon
chónta sin mé tsaáxin sin
la imá ihnke sin kixin nchónhña nkehe tjete chónta sin.
7Kjánchó ninkexró xitjahya sinchekaá íjnko chojni
la ko xitjahya tsje̱nke̱he sin Díos kixin chrókuaá sin.
8Kixin imá tjete sínkí ti chojni
la ninkexró tsjachahya tsꞌe̱na ti kjuachón.
9Kixin kohya nkexro tsjakꞌe nkochríxín,
la chrókꞌuenhña.
10Ó tꞌikoni kixin nkokón itꞌen kaín chojni,
kjónté ti chojni imá nohe o̱ ti chojni lo̱nti̱,
a̱ndá ti nkehe chónta sin la ókjé nkexro tsíto̱eko.
11Kjónté chónta ihni̱é sin ti nonte
la jehya ntiha tsꞌejó sin ti ó itsꞌen sin.
Ti tòye̱ tsoxravá sin mé tsꞌóna ndo̱e sin nkochríxín.
12Ti chojni la kjónté chónta itsjé nkehe
la xrokjuahya tsꞌejó sin nkochríxín,
itsꞌen sin éxi itꞌen kaín ti iko.
13Mé xi̱kaha tso̱hen ti chojni xi̱kaha tjenka̱yáxin
kixin ti chichaon la tsaáxin sin.
14Ti chojni la éxi ijnko kolélo
sátsji sin ti tòye̱ tsꞌenxín sin la ti kjuachꞌén sátsjiko sin.
A̱ndá ti ña̱o tsoxechón chojni la tsjacha ti sin jína tsꞌe̱to̱an,
a̱ndá ti sin ixri ti nti̱a nduáhya la tsjachahya sin
kixin ti kjuachaxin kꞌuéchónta sin la tsjeje̱
la jehó ti siín a̱sén ti sin tsíkꞌen mé tsꞌóna ndo̱e sin nkochríxín.
15Kjánchó Díos mé sinchekaá ti jeheni la í tsꞌenhñani
kixin tsjachahya ti kjuachꞌén sinchekꞌitjáña ti jeheni
kixin Díos sátsji̱ko ti jeheni kixin tsꞌejókoni chꞌan.
16Méxra̱, chrókóxakuanhñara kjónté nkojín chojni chrókóríko,
kjónté nchónhña nkehe chróchónta sin ndo̱e sin,
17kixin ti ó itsꞌen sin la xitjahya sátsjiko sin ti nkehe chónta sin,
la ti kjuachaxin kuènté sin la xitjahya sátsjiko sin.
18Ti na̱xa̱ kꞌuejóchón sin
kꞌuékjinchenkehe a̱sén sin
kixin nchónhña nkehe kꞌuéchónta sin
la ko kaín chojni kjuíkosáyehe ti jehe sin,
19kjánchó ti ó itsꞌen sin la sátsji sin tòye̱
éxi sákjuí kaín ti sin tsíkꞌaxrjeníxin sin,
la í tsꞌikonhña sin tsꞌinkaséñaxín ti ña̱o.
20Kixin ti chojni la kjónté rico sin
la na̱xa̱ tienxínhña sin,
la itsꞌen sin éxi itꞌen kaín iko.
Currently Selected:
Salmos 49: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Salmos 49
49
Jehya imá tjetoan ti chichaon
Salmo kuènté xje̱en Coré
1Chrókuihin tíhi kaín chjasin,
la ko chrókuihin kaín chojni siín kuenté chjasintajni.
2Chrókuihin ti chojni tꞌe̱to̱an la ko ti chojni tꞌe̱tua̱nhña,
ti chojni rico la ko ti chojni nóa.
3Jeheni tsochronkani ti kjuaxrexinkaon jína
la ko ti nkehe jína tjenka̱yáxin a̱séni.
4Jeheni tsihini ti kjuaxrexinkaon jína kꞌuénixja sin ósé
La tso̱tsje̱xini isón arpa ti nkehe noehña chojni.
5¿Xá nkekuènté chróchrakoni
ti ó chrókui ti ña̱o náxrjónhña,
ti ó chrókua̱ndatjen ti chojni nínkaon ti jeheni?
6Jehe sin titekaon sin kixin ti itsjé chichaon
chónta sin mé tsaáxin sin
la imá ihnke sin kixin nchónhña nkehe tjete chónta sin.
7Kjánchó ninkexró xitjahya sinchekaá íjnko chojni
la ko xitjahya tsje̱nke̱he sin Díos kixin chrókuaá sin.
8Kixin imá tjete sínkí ti chojni
la ninkexró tsjachahya tsꞌe̱na ti kjuachón.
9Kixin kohya nkexro tsjakꞌe nkochríxín,
la chrókꞌuenhña.
10Ó tꞌikoni kixin nkokón itꞌen kaín chojni,
kjónté ti chojni imá nohe o̱ ti chojni lo̱nti̱,
a̱ndá ti nkehe chónta sin la ókjé nkexro tsíto̱eko.
11Kjónté chónta ihni̱é sin ti nonte
la jehya ntiha tsꞌejó sin ti ó itsꞌen sin.
Ti tòye̱ tsoxravá sin mé tsꞌóna ndo̱e sin nkochríxín.
12Ti chojni la kjónté chónta itsjé nkehe
la xrokjuahya tsꞌejó sin nkochríxín,
itsꞌen sin éxi itꞌen kaín ti iko.
13Mé xi̱kaha tso̱hen ti chojni xi̱kaha tjenka̱yáxin
kixin ti chichaon la tsaáxin sin.
14Ti chojni la éxi ijnko kolélo
sátsji sin ti tòye̱ tsꞌenxín sin la ti kjuachꞌén sátsjiko sin.
A̱ndá ti ña̱o tsoxechón chojni la tsjacha ti sin jína tsꞌe̱to̱an,
a̱ndá ti sin ixri ti nti̱a nduáhya la tsjachahya sin
kixin ti kjuachaxin kꞌuéchónta sin la tsjeje̱
la jehó ti siín a̱sén ti sin tsíkꞌen mé tsꞌóna ndo̱e sin nkochríxín.
15Kjánchó Díos mé sinchekaá ti jeheni la í tsꞌenhñani
kixin tsjachahya ti kjuachꞌén sinchekꞌitjáña ti jeheni
kixin Díos sátsji̱ko ti jeheni kixin tsꞌejókoni chꞌan.
16Méxra̱, chrókóxakuanhñara kjónté nkojín chojni chrókóríko,
kjónté nchónhña nkehe chróchónta sin ndo̱e sin,
17kixin ti ó itsꞌen sin la xitjahya sátsjiko sin ti nkehe chónta sin,
la ti kjuachaxin kuènté sin la xitjahya sátsjiko sin.
18Ti na̱xa̱ kꞌuejóchón sin
kꞌuékjinchenkehe a̱sén sin
kixin nchónhña nkehe kꞌuéchónta sin
la ko kaín chojni kjuíkosáyehe ti jehe sin,
19kjánchó ti ó itsꞌen sin la sátsji sin tòye̱
éxi sákjuí kaín ti sin tsíkꞌaxrjeníxin sin,
la í tsꞌikonhña sin tsꞌinkaséñaxín ti ña̱o.
20Kixin ti chojni la kjónté rico sin
la na̱xa̱ tienxínhña sin,
la itsꞌen sin éxi itꞌen kaín iko.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.