Salmos 5
5
Díos tꞌayakohen ti jeheni
Salmo kuènté David
1Itꞌéni Díos, tihín ti nkehe nixjahani.
Ti̱konoéhéni kixin xi̱kaha tjanchahani.
2Tjakꞌe tihín ti nkehe tjanchiani,
jaha mé ti Rey kuènténi la ko Díos kuènténi;
kixin jahuá ti nkexro nixje̱he̱ni.
3Itꞌéni Díos, nkojnko nchítjen tihín ti nkehe tjanchiani
kixin nkojnko nchítjen nixje̱he̱ni ti jaha
la ko chóheni tsjate̱hé.
4Jaha la ijnko Díos tóxríe̱nhña ti nkehe jínahña;
la ti sin nduáhya tjenka̱yáxin la tsꞌejóhya sin ti itjen.
5Kja̱xin xrokjuahya tsꞌejó ti sin nchehnke ti itjen jaha.
Jaha la tóxríanhña kaín ti sin tjenka̱yáxin ti nkehe jínahña.
6Jaha si̱nchekꞌitjáña ti chojni nixja kjuachꞌia,
la ko tóxríanhña ti chojni chꞌia la ko ti chojni tjàya.
7A̱ndá jeheni mé imá tjue̱héni la jína tsꞌixenheni ti ndo̱a;
tsjajoni kjuasáya nkaxehen ti ni̱nkuá la tsjikosáyahani.
8Tsjánjua ti kjuachaxin kuèntá, Itꞌéni Díos, kixin jína tsꞌajini ti nti̱a kuèntá,
kixin siín nchónhña chojni nínkakohen ti jeheni.
Tjiko̱ani ti nti̱a jína kuèntá.
9 #
Ro. 3:13. *Jehe sin nkojínxónhña nixja sin
kixin ti nkehe tjenka̱yáxin sin la jehó nkehe jínahña.
Ti nixja sin la éxi ijnko tòye̱ tsíxravá chojni náxrjónhña xraxé
kixin ti irꞌua sin la tꞌaxrjexín kjuachꞌia.
10Nchekjasóte ti sin a, jaha Díos kuènténi.
Nchekjasótexián sin ti nkehe jínahña tjenka̱yáxin sin.
Ti̱to̱hé sin kixin nchónhña ijie̱ chónta sin
kixin kuitekakuenhña sin ti jaha.
11A̱ndá kaín ti sin titekaon ti jaha la imá tso̱chéhe̱ sin,
la nkochríxín tso̱chéhe̱ sin tsotsje sin
kixin jaha tꞌayakohén sin.
Chéhe̱ kaín ti sin tjeyá ti jaha kixin jaha tsjinki̱tsa sin.
12Kixin jaha, Itꞌéni Díos, ncheñaoan ti sin titekaon ti jaha.
Ti kjuachaxin kuèntá mé tꞌayakuénxian sin kixin tjue̱hé sin.
Currently Selected:
Salmos 5: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
