Salmos 48
48
Ijié ti chjasin Sión, chjasin kuènté Díos
Salmo kuènté xje̱en Coré
1Itꞌéni Díos mé imá tjetoan;
méxra̱ chrókuíto̱ehyani chróchjéheni chꞌan kjuasáya.
Ti chjasén chꞌan itjen ti ijna̱ tjóá.
2 #
Mt. 5:35. *¡Xá kjuanchi imá náxrjón ti ijna̱ Sión!,
itjen nó chókꞌá#48:2 chókꞌá enfrente de; ej.: nkayakon nchia norte.
Tíha mé tso̱chèxin kaín chojni siín chjasintajni.
Tíha mé chjasén ti Rey imá tjetoan.
3Díos mé tꞌayakohen ti chjasin Jerusalén.
La kaín chojni nohe kixin chaxín tsaáxin sin ti jehe chꞌan.
4Ti sin rey mé tsíkónkotsé sin,
la nkoko̱a sákjui̱ sin kixin tsjajo̱nko sin ti chjasin a.
5A̱ndá ti ó kꞌuíkon sin ti chjasin la imá chrákon sin,
kóxakohen sin la tjoka kuinká sin sákjuí sin.
6Chrakon sin la síxrànka̱ sin
éxi ijnko chojnichjin sinchekokjíhi tjan ixjan
mé xi̱kaha kóhen sin,
7o̱ éxi ti imá chjéhe xri̱nto̱ tji̱xi̱n ti tji̱to̱xin ña̱o,
la kꞌóxika ti ntabarco siín Tarsis.
8Éxi kuíhini mé xi̱kaha kꞌuíkoni
ti chjasin ijié kuènté Díos,
ti chjasin i mé kuènté Itꞌéni Díos
chónta kaín kjuachaxin.
Díos tsíndáchro kixin jína tsjakꞌe
ti chjasin Jerusalén nkochríxín.
9Itꞌéni Díos, xraxinkaoni kixin jaha imá ti̱konoéhéni.
Ti ó tjejóni ti ni̱nkuá mé xraxinkakonxíni ti jaha.
10Méxra̱, kuenté chjasintajni chóxin sin ti ihni̱á,
jaha, Itꞌéni Díos
la ko tjáha sin kjuasáya
kixin imá jína této̱an.
11Jahara tjejora Jerusalén chrókócháhara
la ko jahara tjejora Judá chrókócháhara
kixin Díos mé jína tꞌe̱to̱an nkochríxín.
12Sáchrókjuira ti chjasin Jerusalén,
chrókuinkatjéntara ti chjasin
la chrókꞌuekinra ti torre chónta nkonda̱tjen.
13La ko chrótsjehéra ti tja̱tꞌo̱ tsíka̱ntatjen
la ko ti palacio
kixin jína chróchenkara
ti sin tsꞌaxrjéníxinra
14kixin ti Díos i mé Díos kuènténi nkochríxín
la jehe chꞌan tsꞌayakohen chꞌan ti jeheni nkochríxín.
Currently Selected:
Salmos 48: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
