Salmos 36
36
Díos la imá jína
Salmo kuènté David
1 #
Ro. 3:18. *Ti sin tjenka̱yáxin ti nkehe jínahña
mé jehó tjenka̱yáxin sin tsjasin sin ijie̱,
la í chrakuenhña sin Díos.
2Ndáchro sin kixin imá jína sin,
la tjenka̱yáxinhña sin kixin jínahña ti nkehe ichꞌe sin.
3Ti ó nixja sin la chꞌia sin la ko tꞌándaxín sin,
la tjenka̱yáxinhña sin sichꞌe sin ti nkehe jína.
4Ti ó tjejóto̱kꞌéhe sin la tjenka̱yáxin sin
ti nkehe jínahña sichꞌe sin,
la jehó ti nti̱a jínahña ixri sin,
la tjinkakonhña sin tsíto̱he sin ti ijie̱.
5A̱ndá ti tju̱éxiani, jaha Itꞌéni Díos,
la mé ijié éxi noixín ti nka̱jní
la ti nkehe jína ichꞌe la nte̱to éxi noixín siín ti itji̱.
6Ti jína jaha mé éxi ti ijna̱ imá noi.
A̱ndá ti tꞌéto̱axián mé éxi ti nda̱ñao ijié la ko ni̱nka.
Itꞌéni Díos, jaha tꞌayakohén kaín chojni la ko kaín iko.
7Itꞌéni Díos, imá náxrjón ti tjue̱héni
la kaín chojni tjeyá ti itsꞌuan kuèntá kixin jaha tsꞌayakohén sin.
8Méxra̱ ti sin a la tso̱kje̱he sin jína
kixin ti ndo̱a la siín itsjé nkehe jína sinie sin,
la jaha tsochje̱hé sin ti nda̱río náxrjón itsꞌi sin.
9Jahuá mé tjánjua ti kjuachón, éxi ti ìnta̱ sítꞌaxrje xi̱kaha,
la jaha mé ti xrohi tꞌinkaséñexíni.
10Méxra̱ jaha chrótjue̱hé ti sin tinkáchónki ti jaha
la ko chrókjui̱nchekaá ti chojni nchexiteyá ti nkehe této̱an.
11Tjájonhña kjuachaxin kixin chrókuinkátja
ti sin ihnke ti jeheni,
la ti̱toéhya kixin ti sin nduáhya ixri
chrókjuinchekjasóte ti jeheni.
12Tsjehé ó kꞌuitsínka ti sin tjenka̱yáxin ti nkehe jínahña,
la í xrokjuahya tsꞌaya sin.
Currently Selected:
Salmos 36: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
