Salmos 3
3
David tinkáchónki Díos
Salmo kuènté David
1Itꞌéni Díos, itsjé chojni nínkakohen ti jeheni.
La nchónhña chojni kꞌuínkatjen tjinkaon tsꞌóñá ti jeheni.
2Itsjé chojni tꞌándaxín, ndáchro:
“Díos la tsjinki̱tsahya ti jaha”, ichro sin.
3Kjánchó jaha Itꞌéni Díos, mé tꞌayakonhéni.
Jaha mé tjinki̱tsani la tsjachani kixin jaha tsjánjua fuerza.
4Kꞌuéye̱he̱ni ti jaha, Itꞌéni Díos,
a̱ndá jaha kjuáte̱hé ndesi ti ijna̱ tjóá itjén.
5Jeheni tjakꞌetsínkani la tꞌajuani
la ti ña̱o chrꞌéxi̱n tꞌayani kixin jaha Itꞌéni Díos mé tꞌayakonhéni.
6La chrakonhñani kjónté ite mil soldado
chrókua̱ndatjen ntihi tjinkaon chrókjuinchekꞌitjáña ti jeheni.
7Jaha, Itꞌéni Díos, tjinki̱tsani.
Chróchje̱hé tue̱en ti sin nínkaon
la tꞌochjenjña ñeno ti sin tjenka̱yáxin ti nkehe jínahña.
8Jaha mé ti Díos tsaáxini.
Méxra̱ ncheñaoan kaín ti sin chjasin kuèntá.
Currently Selected:
Salmos 3: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
