Salmos 14
14
Ti sin titekakonhña Díos
Salmo kuènté David
1 #
Ro. 3:10-12. *Ti sin lo̱nti̱ la ndáchro sin kixin kohya Díos.
Kaín sin kjuasin sin ijie̱,
kjuíchꞌe sin ti nkehe jínahña.
Kohya ninkexró chrókjuénka̱yáxin chrókjuíchꞌe ti nkehe jína.
2Itꞌéni Díos itjen nkaya nka̱jní mé tjetsjehe chꞌan kaín ti nkehe ichꞌe chojni,
tsjehe chꞌan á siín nkojín nkexro chrókienxín jína
la ko chrókjueyá ti jehe chꞌan.
3Kjánchó kaín sin ixri sin ti nti̱a jínahña,
kaín sin kjuichròe sin.
Kohya ninkexró chrókjuénka̱yáxin jína, kohya nijnko chojni jína.
4¿Á chaxín tienxínhña ti chojni tjenka̱yáxin nkehe jínahña ní?
Jehe sin ncheníhi sin ti sin chjaséni éxi chrókjonie sin ijnko nio̱tja̱,
la tꞌéye̱hya sin Ìnchéni.
5Méxra̱ jehe sin tsoxrànka̱ sin, tsochrakon sin
kixin Itꞌéni Díos la tjejóko chꞌan ti sin titekaon ti jehe chꞌan.
6Jahara chojni tjenka̱yáxinhña ti jína, la tjanoára ti nkehe tjenka̱yáxin ti sin nóa,
kjánchó Itꞌéni Díos la tsjinki̱tsa ti sin nóa.
7¡Xá chrókóchaxín kixin ti ijna̱ Jerusalén
chrókui̱xi̱n ti nkexro chrókuaáxin ti sin Israel!
Itꞌéni Díos mé tsjinki̱tsa tsokjan sin chjasén sin,
ndá xi̱kaha tso̱chéhe̱ ti sin tsíkꞌaxrjeníxin Jacob
la ko kaín ti sin chjasin Israel.
Currently Selected:
Salmos 14: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
