Salmos 12
12
Jaha Díos nkochríxín tjinki̱tsani
Salmo kuènté David
1Jaha Itꞌéni Díos, tjinki̱tsani kixin
í kohya nkexro kaín a̱sén tinkáchónki ti jaha,
í kohya chojni jína.
2Jehe sin la chꞌiyehe kícho sin;
nixja sin ti nkehe jína, kjánchó chaxínhña, jehya jína ti a̱sén sin.
3Itꞌéni Díos, sinchekꞌitjáña ti chojni chꞌia
la ko ti chojni nchehnke.
4Ti sin a mé ndáchro sin:
“Imá noheni nixjani la ti nkehe ndáchroni la chónta kjuachaxin.
¿Xá nkexro chrókjuacha chrókꞌue̱tue̱hen ti jeheni?”, ichro sin.
5A̱ndá Itꞌéni Díos ndáchro:
“Ti chojni nduáhya tjenka̱yáxin la kjuíchꞌiyehe sin ti sin nóa
la ko kjuínchekjasóte sin ti sin kanhñó nohe.
A̱ndá ijie janhan tsꞌínkatjen kixin si̱ntakaá ti sin nóa.”
6Ti nkehe nixja Itꞌéni Díos la ndoá la ko chaxín
éxi ti plata yato vece tsíkꞌixehen itja̱ kixin tso̱tjóá, mé xi̱kaha ti itén chꞌan.
7Jaha Itꞌéni Díos, tꞌayakohén ti jeheni;
nkochríxín tsꞌayakohéni,
8kjónté ti chojni tjenka̱yáxin nkehe jínahña ixri ta̱ntatjen ti jeheni
la kaín chojni tóxríhi̱n sin ti nkehe jínahña ichꞌe ti sin a.
Currently Selected:
Salmos 12: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
