Salmos 119
119
Ti nkehe tsíkꞌe̱to̱an Díos tsjikosáyeheni
Alef
1Náxrjón tꞌejó ti sin tjasinhña ijie̱
la ko ti sin títo̱ehya titekaon ti nkehe tsíkꞌe̱to̱an Díos.
2Díos ncheñao ti nkexro xritjeyá ti jehe chꞌan
la ko tjinkaon kaín a̱sén chrókjuinchexiteyá ti nkehe tsíkꞌe̱to̱an chꞌan
3la ko kohya ninkehó nkehe jínahña ichꞌe
la ko ixri nti̱e Itꞌéni Díos.
4Jaha kuéto̱an kixin chrókjuínchexiteyáni ti nkehe tsíndáchrua.
5Imá tjinkaoni jína chrókjuákꞌeni
chrókjuínchexiteyáni ti nkehe tsíkéto̱an.
6Méxra̱ chrókósuèhyani
chrókuitekaoni kaín ti nkehe tsíkéto̱an.
7Tsjikosáyeheni kaín a̱séni
ti ó tsꞌitjani jína ti nkehe tsíkéto̱an.
8Tjinkaoni sinchexiteyáni ti ley kuèntá,
méxra̱ chrókui̱to̱éhyani jehóni,
chrókjuinki̱tsani nkochríxín.
Bet
9¿Xá nkexrín jína chrókjuákꞌe ijnko ndasoá kixin chróchóntahya ijie̱?
Méxra̱ chrókjuinchexiteyá éxi nixja ti itan kuèntá, jaha Díos.
10Jeheni kaín a̱séni xritjeyáni ti jaha.
Ti̱to̱éhyani kixin tsíto̱heni ti nkehe tsíkéto̱an jaha.
11Kaín a̱séni xraxinkaoni ti itan kuèntá
kixin tjinkakonhñani chrókjuasini ijie̱
kixin jeheni tinkáchónkini ti jaha.
12Jaha Itꞌéni Díos, mé imá tjikosáyeheni ti jaha.
Tjàkua ti ley tsíkéto̱an.
13Jeheni mé tsochronkaxíni irꞌuani
kaín ti nkehe tsíkéto̱an.
14A̱ntsí tso̱chéhe̱ni tsꞌajini ti nti̱a tsíkéto̱an,
a̱ndá kanhñó chrókóchéhe̱ni ti siín nkehe imá tjete.
15Nkochríxín tsoxraxinkaoni ti nkehe tsíkéto̱an
la tsꞌitjáñehñani ti nti̱a kuèntá.
16Chéhe̱ni kixin chóntani ti ley kuèntá,
la tsꞌitjáñehñani ti itan kuèntá.
Guímel
17Chrokjuinki̱tsa kixin jína chrókjuákꞌeni, ti nkexro tꞌaha ixra̱
kixin chrókuitekaoni éxi nixja ti itan kuèntá.
18Jaha chrókuakítjenkiá ti ikoni kixin jína chrókꞌuíkoni
ti kjuaxroan ijié kuènté ti nkehe tsíkéto̱an.
19Jeheni mé éxi ijnko chojni tsíkji̱xi̱n ókjé itjeni ntihi chjasintajni.
Tjakꞌeméhñani ti itan tsíkéto̱an.
20Kaín a̱séni tjinkaoni chrókónoheni ti ley kuèntá,
kaín ña̱o chrókjuínchexiteyáni ti nkehe tsíkéto̱an.
21Jaha tjénduéhé ti sin titekakonhña
la ko ti sin tjenka̱yáxin nkehe jínahña
kixin kuítekakonhña sin ti nkehe tsíkéto̱an.
22Chrokui̱to̱éhyani kixin chrókꞌuándaxín ti sin nduáhya ixri
kixin jeheni titekaoni ti jaha.
23Ti chojni imá tꞌe̱to̱an tꞌándaxíhi̱n ti jeheni,
a̱ndá jeheni, ti nkexro tꞌaha ixra̱, la xraxinkaoni ti itan tsíkéto̱an.
24Ti nkehe tsíkéto̱an la mé nchechéhe̱ ti jeheni.
Tíha mé tjinki̱tsa nchexraxinkaoni ti itan kuèntá.
Dálet
25Méxra̱ imá tóxakoheni, la ó chjina itsꞌeni.
Jaha chrókjuánjua kjuachaxin ni̱xin
kixin jína tsjakꞌeni éxi tsíndáchroa.
26Chrónkani nkexrín tjenka̱yáxini, a̱ndá jaha la kjuáte̱hé.
A̱ndá ijie la tjàkua ti ley kuèntá.
27Tjinki̱tsa kixin jína chrókienxíni ti nkehe tsíkéto̱an,
kixin nkochríxín tsoxraxinkaoni ti kjuaxroan ijié tsíkjáko̱xián.
28A̱ndá ijie imá tsjánkani la tjoté a̱séni.
Tjínki̱tsa kixin ndoá chrókjuákꞌeni éxi tsíndáchroa.
29Ti̱to̱éhya kixin sáchrokjuini ti nti̱e ti sin chꞌia la ko nduáhya ixri.
Ti̱konoéhéni kixin chrókónoheni jína ti ley kuèntá.
30Jeheni ó kuákjani ti nti̱a chaxín ndoá.
Tóxríhi̱ni sinchexiteyáni ti ley kuèntá.
31Jeheni í títo̱ehyani ti nkehe tsíkéto̱an, jaha, Itꞌéni Díos,
méxra̱ ti̱to̱éhyani kixin chrókósuéhe̱ni.
32Tóxakoheni kixin a̱ntsí jína chrókjuínchexiteyáni ti nkehe tsíkéto̱an
kixin jaha kjuínki̱tsa kixin jína tienxíni tíha.
He
33Itꞌéni Díos, tjàkua ti nti̱a kuèntá éxi ti tsíkéto̱an.
Tjinkaoni chrókjuínchexiteyáni hasta tsjixixín.
34Jaha chrókjuánjua kjuachaxin chrókienxíni
kixin jína chrókjuínchexiteyáni ti nkehe tsíkéto̱an.
Tjinkaoni chrókjuínchexiteyáni kaín a̱séni.
35Sátjikoáni ti nti̱a kuèntá éxi ti nkehe tsíkéto̱an
la imá chrókóchéhe̱ni.
36Tjinki̱tsani kixin a̱ntsí tsotjinkaon a̱séni ti nkehe tsíkéto̱an
kixin kanhñó chrókóxríhi̱ni ti nchónhña nkehe chrókjuachani.
37Chrokjuinki̱tsa kixin kanhñó chrókóxríhi̱ni ti nkehe sínkíhya.
Chje̱héni ti kjuachón kixin jína tsochréhe̱ni ti nti̱a kuèntá.
38Jeheni ti nkexro tꞌaha ixra̱,
méxra̱ nchexiteyáni ti nkehe ndáchrua,
éxi ti nkehe tsíndáche ti sin tjiko̱sáyaha.
39Ti̱toéhya kixin chrókjuanoá ti sin tjenka̱yáxin ti nkehe jínahña ti jeheni
kixin ti nkehe tsíkéto̱an la jína.
40Imá tjinkaoni sinchexiteyáni ti nkehe tsíkꞌe̱to̱an.
Méxra̱ chje̱héni a̱ntsí kjuachaxin
kixin jína tsjakꞌeni kixin imá jína ti jaha.
Vau
41Itꞌéni Díos, tjáko̱xián kixin tjue̱héni
la sinchekaáni éxi tsíndáchrua.
42Kixin ndá jína tsjácha tsjata̱ha̱ ti chojni tꞌándaxín
kixin tinkachónkia ti itan kuèntá.
43Tjinki̱tsani kixin nkochríxín tsochronkani itan chaxín kuèntá
kixin chóheni ti nkehe tsíkéto̱an.
44Tjinkaoni sinchexiteyéheni ti nkehe tsíkéto̱an nkochríxín.
45A̱ndá xi̱kaha la jína chrókjuákꞌeni la kohya nkehe tsꞌinkákohe̱n
kixin jína sinchexiteyáni ti nkehe tsíkéto̱an.
46Tsochrónkani ti nkehe tsíkéto̱an ti tjejó ti sin rey
la ninkehó chrókósuèhyani.
47Tjue̱heni ti nkehe tsíkéto̱an
la tíha mé nchechéhe̱ ti jeheni.
48Chéhe̱ni la ko tjue̱heni ti nkehe tsíkéto̱an.
Tjenka̱yáxini nchónhña nkexrín sinchexiteyáni ti ley kuèntá.
Zain
49Xráxinkaoan jaha ti nkehe tsíndáche ti nkexro tꞌaha ixra̱
kixin tíha mé nchexraxinkaoni la tjechóheni.
50Tíha mé nchechéhe̱ ti jeheni ti ó tꞌáváni;
ti nkehe tsíndáchrua mé tjechónxini.
51Ti sin nduáhya ixri mé títo̱ehya sin nínkaon sin,
kjánchó jeheni la títo̱ehyani ti nkehe kjuàkua.
52Jeheni xraxinkaoni ti nkehe tsíkéto̱an ósé, jaha Díos,
la tíha mé nchechéhe̱ ti jeheni.
53Ti sin nduáhya ixri la kuíto̱he ti nkehe kjuàkua jaha
la imá nchekoninkaon sin ti jeheni.
54Ti ley kuèntá mé itsjeni ti itjeni ntihi
éxi ijnko chojni tsíkji̱xi̱n ókjé.
55Itꞌéni Díos, ti tie mé xraxinkaoni ti jaha.
Imá tjinkaoni sinchexiteyáni ti nkehe tsíkjàkua.
56Ticháxi̱n kixin
chrókjuinchexiteyá ti nkehe tsíkéto̱an.
Chet
57Jaha Itꞌéni Díos, jaha la éxi ijnko nkehe jína kui̱to̱nhe̱ni.
Jeheni tjenka̱yáxini sinchexiteyáni ti itan tsíkéto̱an.
58Kaín a̱séni tjinkaoni sinchexiteyáni.
Tjinki̱tsani éxi tsíndáchrua.
59Jeheni kjuákꞌeni kjuénka̱yáxini ti nti̱a nduáhya kuékꞌajini
a̱ndá ikjani kuitekaoni ti nkehe tsíkéto̱an.
60Tóxakoheni la tjoka ikjani,
la kuitekaoni ti nkehe tsíkéto̱an.
61Ti sin nduáhya ixri kua̱ntátjen ti jeheni kixin tjinkaon sin
kixin chrókjuasini ijie̱,
kjánchó kꞌuitjáñehñani ti nkehe tsíkéto̱an.
62Nkojnko kꞌáxrótjen tꞌàyani, tjajoni kjuasáya
kixin jína ti nkehe tsíkéto̱an.
63Jeheni mé tꞌitoni kaín ti sin tjiko̱sáyaha
la ko ti sin nchexiteyá ti nkehe tsíkéto̱an.
64Itꞌéni Díos, jaha tjue̱hé kuenté chjasintajni;
méxra̱ chrókjuàkua ti ley kuèntá.
Tet
65Jaha Itꞌéni Díos, jína tsjínki̱tsa ti nkexro tꞌaha ixra̱
éxi nixja ti itan kuèntá.
66Tjákohéni ti kjuaxrexinkaon jína
kixin jeheni tinkáchónkini ti nkehe tsíkéto̱an.
67Jeheni kꞌuájini ti nti̱a jínahña,
a̱ndá jaha mé kjui̱nchekjasóte ti jeheni.
A̱ndá ijie la nchexiteyáni ti itan kuèntá.
68Jaha la jína, la ko ti ixra̱ tjáko̱xián la jína.
Tjákohéni kixin jína chróchréhe̱ni ti nkehe tsíkéto̱an.
69Ti sin nchehnke kjuínchekꞌánkí sin kjuachꞌia la tꞌeka sin ijie̱ ti jeheni,
a̱ndá jeheni la kaín a̱séni tinkáchónkini ti nkehe tsíkéto̱an.
70Jehe sin chóntahya sin kjuaxrexinkaon jína la ko tienxínhña sin,
kjánchó jeheni la a̱ntsí chéhe̱ni kixin ti nkehe tjàkua jaha.
71Méxra̱ kjá jína kixin jaha kjui̱nchekjasóte ti jeheni
kixin ndá xi̱kaha kꞌuitjani ti nkehe tsíkéto̱an.
72A̱ndá tꞌikoni kixin a̱ntsí sínkí ti nkehe tsíkjàkua
ke ti nchónhña chichaon oro o̱ plata chróchóntani.
Yod
73Jaha mé itjá kjui̱chꞌénaxián ti jeheni
a̱ndá ijie la tjánjua kjuachaxin kixin tsienxíni ti nkehe tsíkéto̱an.
74Ti sin titekaon ti jaha la chéhe̱ sin ti ó tꞌikon sin ti jeheni
kixin kja̱xini tinkáchónkini ti itan kuèntá.
75Jaha Itꞌéni, ó noheni kixin jína nchekito̱exián jaha,
la ko jaha kjuénka̱yáxian jína ti ó kjui̱nchekjasóte ti jeheni.
76A̱ndá ijie ti̱konoéhéni, nchechéhéni
éxi ti tsíndáchrua tsjinki̱tsa ti jeheni.
77Ijie la tjáko̱xián kixin tjue̱héni kixin jína chrókjuákꞌeni,
chéhe̱ni kixin chóxini ti itan kuèntá.
78A̱ndá ícha jína chrókósuéhe̱ ti chojni ihnke tꞌándaxín
kixin kjónté jeheni chóntahyani ninkehó ijie̱ la tꞌeka sin ijie̱ ti jeheni,
kjánchó jeheni la xraxinkaoni ti nkehe tsíkéto̱an jaha.
79Kaín ti sin chóxin ti nkehe tsíkéto̱an jaha
la chrókóchjina sin ti itjeni
kixin tsochóxin sin ti nkehe tsíkéto̱an.
80Kaín a̱séni chrókuitekaoni ti nkehe tsíkéto̱an jaha
kixin ndá chrókósuèhyani.
Caf
81Jeheni imá tjinkaoni kixin jaha chrókjui̱nchekaáni;
méxra̱ jeheni tinkáchónkini ti itan kuèntá.
82Kꞌóxrjé ikoni chóheni tsoxiteyá ti nkehe tsíndáchrua.
Méxra̱ ndáchroni: “¿Nkesá tsꞌinka jaha si̱nchechéhéni?”
83Jeheni ó tádani, la í tjenka̱yáxinhñani jína,
kjánchó kꞌuitjáñehñani ti nkehe tsíkéto̱an.
84¿Xá hasta nkesá tsochóheni?
¿Nkesá si̱nchekjasóte ti sin nínkaon chréhe̱?
85Ti sin ihnke titekakonhña ti nkehe tsíkéto̱an
la ó tsíkjichꞌéna sin tòye̱ tsꞌitsínkáyani.
86Kaín ti nkehe tsíkéto̱an la chaxín ndoá;
méxra̱ tjinki̱tsa kixin ti sin chréhe̱ ti jeheni la nínkaon sin
kjónté chóntahyani ijie̱.
87Chrokꞌóñá sin ti jeheni,
kjánchó jeheni la kuíto̱ehyani ti nkehe tsíkéto̱an.
88Tjinki̱tsani kixin chrókꞌuenhñani
kixin jaha la imá tjue̱hé ti jeheni,
ndá tsjachani sinchexiteyáni éxi ti nkehe tsíndáchrua.
Lámed
89Itꞌéni Díos, ti itan kuèntá la nkochríxín itjen.
Ti itan a mé nkochríxín itjen nkaya nka̱jní.
90Nkochríxín jína ti jaha la ko ndoá nchexiteyá ti nkehe tsíndáchrua.
Jaha kjui̱chꞌéna chjasintajni la hasta ijie la na̱xa̱ tꞌayakohén ti nonte.
91Kaín nkehe la jína tjejó ijie kixin jaha la xi̱kaha kuéto̱an;
méxra̱ kaín tíha la sitꞌaha ixra̱.
92Ti chrókójehya ti nkehe tjàkua la chrókjuakꞌehyani kjuaxróxin
landá ti kjuatꞌává la ó chrókꞌuitjáñaxíni.
93Í tsꞌitjáñahña ti nkehe tsíkéto̱an
kixin tíha mé tjajon ti kjuachón.
94Nchekaáni kixin jeheni tinkáchónkini ti jaha
kixin jeheni la xritjeyáni ti nkehe tsíkéto̱an.
95A̱ndá ti sin nduáhya ixri
la xrichóhen sin chrókjuinchekꞌitjáña sin ti jeheni.
A̱ndá jeheni la nkochríxín xraxinkaoni ti nkehe tsíkéto̱an.
96Jeheni la ó kꞌuíkoni kixin kaín nkehe siín chjasintajni chónta tsjeje̱.
A̱ndá ti itan kuèntá la tsjeje̱hya, nkochríxín tsjakꞌe.
Mem
97Méxra̱ jeheni imá tjue̱heni ti nkehe tsíkéto̱an.
Kaín ña̱o tjenka̱yáxini tíha.
98Ti nkehe tsíkéto̱an mé nkochríxín tjinki̱tsa ti jeheni.
Tíhi mé kjuínki̱tsani kixin tso̱noheni a̱ntsí,
ke ti sin nínkakohen ti jeheni.
99A̱ntsí tienxíni ke kaín ti sin kjuako,
kixin xraxinkaoni ti nkehe tsíkjàkua.
100A̱ntsí tienxíni ke ti sin táda,
kixin nchexiteyáni ti nkehe tsíkéto̱an.
101Jeheni kuíto̱heni kaín ti nti̱a jínahña kuékꞌajini
kixin jína sinchexiteyéheni ti itan kuèntá.
102Jeheni kuíto̱ehyani ti nkehe tsíkéto̱an
kixin jaha mé kjuákohéni.
103A̱ntsí ixé ti itan kuèntá,
ke ti itsje̱n kotsje̱nta.
104Ti nkehe tsíkéto̱an jaha la kjuínki̱tsani kónoheni nkexrín ti jína;
méxra̱ tóxrìenhñani kaín ti nkehe nduáhya tjenka̱yáxin chojni.
Nun
105Ti itan kuèntá mé ijnko xrohi tꞌinkaséñaxín to̱téni,
la ko tíha mé ijnko xrohi tꞌinkaséñaxín nti̱eni.
106A̱ndá ijnko nkehe ndáchroni, Itꞌéni Díos
la ticháxi̱n sinchexiteyáni;
méxra̱ ijie ticháxi̱n sinchexiteyáni ti nkehe tsíkéto̱an
kixin tíha la imá ndoá.
107Itꞌéni Díos, imá tóxakoheni la ko tꞌáváni,
a̱ndá ijie la tjinki̱tsani
la chje̱héni a̱ntsí kjuachaxin
kixin jína tsjakꞌeni éxi ti nkehe tsíndáchrua.
108Chrónoéhe̱ni ti jaha, Itꞌéni Díos, kixin chrókóxríhan
ti nkehe tsonixjani la ko ti tjikosáyahani;
méxra̱ tjákohéni ti nkehe tsíkéto̱an.
109Xráxín kjuaxróxinhña itjeni kixin tjinkaon chojni chrókꞌóñá ti jeheni,
kjánchó kꞌuitjáñehñani ti nkehe tsíkjàkua.
110Ti sin nduáhya ixri la kjuakꞌe sin ijnko nkehe chrókjuasixíni ijie̱
kixin chrókuíto̱heni ti nkehe tsíkéto̱an,
kjánchó jeheni la kꞌuitjáñehñani ti nkehe tsíkéto̱an.
111Ti nkehe kjuíncheki̱to̱nhe̱ni la mé ti ley kuèntá tsjeje̱hya nkochríxín
kixin jehó tíha mé nchechéhe̱ a̱séni.
112A̱séni tjinkaon sinchexiteyá ti nkehe tsíkéto̱an
hasta tsjixixín.
Sámec
113Jeheni nínkakoheni ti chojni nduáhya tjenka̱yáxin,
kjánchó tjue̱heni ti nkehe tsíkéto̱an.
114Jaha mé tjinki̱tsani la ko tꞌayakonhéni.
Jehó ti itan kuèntá mé tjechóheni kixin tꞌayakonhéni.
115Ti̱to̱hérani, jahara chojni jínahña tjenka̱yáxin
kixin jeheni tjinkaoni sinchexiteyéheni
ti nkehe tsíkꞌe̱to̱an ti Díos kuènténi.
116Itꞌéni Díos, jaha chrókjuinki̱tsani éxi ti nkehe tsíndáchrua
kixin jína tsjakꞌeni;
jaha chrókjuájonhña kjuachaxin
kixin chrókósuéhe̱ni
kixin chróndáchro chojni kixin jaha tjinki̱tsahyani.
117Tjinki̱tsani kixin tsaáni,
a̱ndá xi̱kaha la chrókóchéhe̱ni sinchexiteyáni ti nkehe tsíkéto̱an.
118Jaha tóxríanhña ti sin kuíto̱he ti nkehe tsíkéto̱an
kixin ti nkehe tjenka̱yáxin sin la chóntahya kjuaxrexinkaon jína.
119Ti sin nduáhya ixri siín chjasintajni
la jaha la tꞌíkuan éxi chji̱nínó.
A̱ndá jeheni la tjue̱heni ti nkehe tsíkéto̱an.
120A̱ndá ti cuerpo kuènténi síxrànka̱ chrakon ti itjen jaha
kixin imá tjikosayéheni ti nkehe tsíkéto̱an.
Ayin
121Í títo̱ehyani chrókjuíchꞌeni ti nkehe jína.
Méxra̱ jaha chrókui̱toéhya kixin ti sin nínkakohen ti jeheni chrókjuinchekjasóte ti jeheni.
122Jaha tsꞌayakonhéni kixin jína tsjakꞌeni
kixin ti sin ihnke, nduáhya ixri
chrókjuinchekjasótehya sin ti jeheni.
123Kꞌóxrjé ikoni kixin tjechóheni si̱nchekaáni,
la ko tjechóheni tsjínki̱tsa ti jeheni,
si̱nchekaáni éxi tsíndáchrua.
124Mé xi̱kaha chrókjuinki̱tsa ti jeheni,
ti nkexro tꞌaha ixra̱
kixin jaha tjue̱hé ti jeheni,
la chrókjuàkua ti ley kuèntá.
125Jeheni mé ijnko nkexro tꞌaha ixra̱.
Tsjánjua kjuachaxin kixin jeheni chrókienxíni jína
kixin tjinkaoni chrókꞌuitjani ti nkehe tsíkéto̱an.
126Itꞌéni Díos, ó kjuixraká ti ña̱o
chrókjui̱nchekjasóte ti sin tjenka̱yáxin ti nkehe jínahña,
kixin kuitekakuenhña sin ti nkehe tsíkéto̱an.
127Méxra̱ jeheni a̱ntsí tóxríhi̱ni ti nkehe tsíkéto̱an
ke ti chika oro imá náxrjón.
128Méxra̱ jeheni imá tjue̱heni kaín nkehe tsíkéto̱an
la tóxríe̱hñani ti nti̱a nduáhya.
Pe
129Ti nkehe tsíkéto̱an la ijnko kjuaxroan ijié;
méxra̱ kaín a̱séni nchexiteyéheni tíha.
130Ti chrónkaxín sin ti itan kuèntá
mé tíha tꞌinkaséñaxín ti jeheni
la ko tíha chrókjuinki̱tsa chrókienxín ti chojni noehña.
131Imá tjinkaoni chrókꞌuitjani ti nkehe tsíkéto̱an;
méxra̱ kuakitje̱he̱ni irꞌuani chóheni kixin tsonixja jaha.
132Kománi la ti̱konoéhéni
éxi ti̱konoéhé kaín ti sin tjue̱he ti jaha.
133Tjínki̱tsa ti jeheni kixin tsꞌajini éxi ndáchro ti itan.
Tjájonhña kjuachaxin kixin ti jínahña chrókjuachròe ti jeheni.
134Tjínki̱tsa ti jeheni kixin siín chojni nduáhya tjejó
la tjinkaon sin chrókjuinchekjasóte sin ti jeheni
kixin tjinkaoni sinchexiteyáni ti nkehe tsíkéto̱an.
135Ti kjuachaxin kuèntá a mé chrókꞌuinkaséñaxín ti itjeni
kixin jeheni ti nkexro tꞌa̱há ixra̱
la chrókjuàkua ti nkehe tsíkéto̱an.
136Imá tsjánkani tꞌáváni
kixin kohya nkexro titekaon ti nkehe tsíkéto̱an.
Tsade
137Jaha Itꞌéni, la jína
la ko ndoá si̱nchekito̱exián.
138Kaín ti nkehe tsíkéto̱an la jína
la ko chaxín ndoá.
139Nínkaon a̱séni kixin ti sin nínkakohen ti jeheni
tsíkꞌitjáñehen sin ti nkehe tsíkéto̱an.
140Jeheni kꞌuíkoni kixin imá ndoá ti itan kuèntá;
méxra̱ jeheni ti nkexro tꞌaha ixra̱ la imá tjue̱heni ti itan.
141Jeheni mé ijnko chojni nòé
la itsjé chojni chóntehya sin kjuasáya ti jeheni,
kjánchó kꞌuitjáñehñani ti nkehe tsíkéto̱an.
142Jaha la imá jína la nkochríxín jína tjáko̱xián
la ko ti nkehe tjàkua la chaxín ndoá.
143Ti ña̱o tꞌáváni la ko tóxakoheni
la ti nkehe tsíkéto̱an tjinki̱tsa nchechéhe̱ ti jeheni.
144Ti nkehe tsíkéto̱an mé nkochríxín jína.
Méxra̱ chrókjuinki̱tsani chrókjuákoxian ti itan kixin jína chrókjuákꞌeni.
Cof
145Itꞌéni Díos, kaín a̱séni tꞌéye̱he̱ni ti jaha, tjáte̱hé,
Tjinkaoni sinchexiteyáni ti nkehe tsíkéto̱an.
146Jaha tꞌéye̱he̱ni nchekaá ti jeheni
kixin jína sinchexiteyáni ti nkehe tsíkéto̱an.
147Imá nchítjen tꞌayani, chrónoéhe̱ni ti jaha.
Tjechóheni sinchexiteyáni ti nkehe tsíndáchrua.
148Kuenté tie tjetsjeheni
kixin tjenka̱yáxini ti nkehe tsíkéto̱an.
149Tihín ti tꞌéyani, Itꞌéni Díos, kixin imá tjue̱héni;
nchekaáni kixin imá jína jaha.
150Ti sin kuítekakonhña ti nkehe tsíkéto̱an
la ó kui sin chjinaxón ti itjeni, la nínkakohen sin ti jeheni.
151Kjánchó jaha Itꞌéni Díos, imá chjinaxón itjen
la kaín nkehe tsíkéto̱an la chaxín ndoá tíha.
152Imá ósé chóxini ti itan tsíkéto̱an;
la ti itan tsíkéto̱an jaha la nkochríxín itjen.
Resh
153Tsjehé jaha kixin tjetjasóteni la nchekaáni
kixin kꞌuitjáñehñani ti nkehe tsíkjàkua.
154Jaha chrókjuinki̱tsa kixin kjuaxróxinhña itjeni la nchekaáni.
Tjánjua kjuachaxin kixin na̱xa̱ tsjakꞌechóni éxi tsíndáchrua.
155Ti sin tjenka̱yáxin nkehe jínahña imá ikjín kuíto̱he sin
ti nkehe chrókuaáxin sin,
kixin tjeyáhya sin ti nkehe tsíkéto̱an.
156Itꞌéni Díos, jaha imá ti̱konoéhé chojni.
Tjánjua kjuachaxin na̱xa̱ jína tsjakꞌechóni
kixin jaha la imá jína.
157Nchónhña chojni nínkakohen ti jeheni chréhe̱,
a̱ndá ti nkehe tsíkéto̱an la kuíto̱ehyani.
158Tóxrìe̱nhñani ti chojni tjenka̱yáxin ti nkehe jínahña
kixin titekakonhña sin ti nkehe tsíkéto̱an.
159Itꞌéni Díos tsjehé, imá tjue̱heni ti nkehe tsíkéto̱an jaha.
Tjánjua a̱ntsí kjuachaxin kixin jína tsjakꞌeni
kixin jaha imá ti̱konoéhéni.
160Ti itan kuèntá mé chrónkaxín ti nkehe ndoá
kixin nkochríxín tsjakꞌe ti nkehe tsíkéto̱an.
Sin
161Chojni tꞌe̱to̱an chréhe̱ ti jeheni nínkaon sin,
kjónté jeheni la chóntahyani ijie̱
la ko a̱séni la imá tjikosayéheni ti itan kuèntá.
162A̱ndá ti itan kuèntá mé nchechéhe̱ ti a̱séni.
Jeheni mé éxi ijnko nkexro tsíkꞌitja ijnko nkehe imá tjete sínkí.
163Tóxríe̱nhñani ti kjuachꞌia nixja chojni,
a̱ndá tjue̱heni ti nkehe tjàkua.
164Nkojnko ña̱o tjikosayéheni ti jaha
kixin ti nkehe tsíkéto̱an la imá jína.
165Ti nkexro tjue̱he ti nkehe kjuàkua la náxrjón tjejó a̱sén sin
la kohya nkehe jínahña chrókjuíchꞌe sin.
166Itꞌéni Díos, chóheni kixin sinchekaáni
kixin kjuínchexiteyáni ti nkehe tsíkéto̱an.
167Jeheni la kjuínchexiteyáni ti nkehe tsíkéto̱an,
kaín a̱séni tjue̱heni tíha.
168Jeheni la kjuínchexiteyáni ti ley kuèntá
la ko kaín nkehe tsíkéto̱an.
Jaha la choxián kaín ti nkehe tjenka̱yáxini.
Tau
169A̱ndá ti nixjani mé chrókjuíji ti itjen jaha, Itꞌéni Díos.
Chrokjuánjua kjuachaxin kixin chrókienxíni éxi ndáchro ti itan kuèntá.
170Ti nixjahani la mé chrókjuíji ti itjen.
Nchekaáni éxi tsíndáchrua.
171Ti irꞌuani la chrókꞌuaxrjexín ti itan jína tsjikosáyexíni ti jaha
kixin jaha kjuàkua ti nkehe tsíkéto̱an.
172Jína chrótsjexini ti itan kuèntá
kixin kaín nkehe tsíkéto̱an la jína.
173A̱ndá ijie la jaha la chrókjuaké ijnko itjá kixin chrókjuinki̱tsani
kixin kjueyáni sinchexiteyáni ti nkehe tsíkéto̱an.
174Itꞌéni Díos, tjinkaoni kixin chrókjui̱nchekaáni
kixin náxrjón itjeni kixin tinkáchónkini ti nkehe tsíkjàkua.
175Tjinkaoni jína tsjakꞌeni kixin tsjikosáyeheni ti jaha
kixin ti kjuachaxin kuèntá chrókjuinki̱tsa ti jeheni.
176Kjuíchròeni éxi ijnko kolélo.
Xrákia jaha tjéyá ti jeheni,
kixin kꞌuitjáñehñani ti nkehe tsíkéto̱an.
Currently Selected:
Salmos 119: poeNTplus
Highlight
Share
Compare
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Salmos 119
119
Ti nkehe tsíkꞌe̱to̱an Díos tsjikosáyeheni
Alef
1Náxrjón tꞌejó ti sin tjasinhña ijie̱
la ko ti sin títo̱ehya titekaon ti nkehe tsíkꞌe̱to̱an Díos.
2Díos ncheñao ti nkexro xritjeyá ti jehe chꞌan
la ko tjinkaon kaín a̱sén chrókjuinchexiteyá ti nkehe tsíkꞌe̱to̱an chꞌan
3la ko kohya ninkehó nkehe jínahña ichꞌe
la ko ixri nti̱e Itꞌéni Díos.
4Jaha kuéto̱an kixin chrókjuínchexiteyáni ti nkehe tsíndáchrua.
5Imá tjinkaoni jína chrókjuákꞌeni
chrókjuínchexiteyáni ti nkehe tsíkéto̱an.
6Méxra̱ chrókósuèhyani
chrókuitekaoni kaín ti nkehe tsíkéto̱an.
7Tsjikosáyeheni kaín a̱séni
ti ó tsꞌitjani jína ti nkehe tsíkéto̱an.
8Tjinkaoni sinchexiteyáni ti ley kuèntá,
méxra̱ chrókui̱to̱éhyani jehóni,
chrókjuinki̱tsani nkochríxín.
Bet
9¿Xá nkexrín jína chrókjuákꞌe ijnko ndasoá kixin chróchóntahya ijie̱?
Méxra̱ chrókjuinchexiteyá éxi nixja ti itan kuèntá, jaha Díos.
10Jeheni kaín a̱séni xritjeyáni ti jaha.
Ti̱to̱éhyani kixin tsíto̱heni ti nkehe tsíkéto̱an jaha.
11Kaín a̱séni xraxinkaoni ti itan kuèntá
kixin tjinkakonhñani chrókjuasini ijie̱
kixin jeheni tinkáchónkini ti jaha.
12Jaha Itꞌéni Díos, mé imá tjikosáyeheni ti jaha.
Tjàkua ti ley tsíkéto̱an.
13Jeheni mé tsochronkaxíni irꞌuani
kaín ti nkehe tsíkéto̱an.
14A̱ntsí tso̱chéhe̱ni tsꞌajini ti nti̱a tsíkéto̱an,
a̱ndá kanhñó chrókóchéhe̱ni ti siín nkehe imá tjete.
15Nkochríxín tsoxraxinkaoni ti nkehe tsíkéto̱an
la tsꞌitjáñehñani ti nti̱a kuèntá.
16Chéhe̱ni kixin chóntani ti ley kuèntá,
la tsꞌitjáñehñani ti itan kuèntá.
Guímel
17Chrokjuinki̱tsa kixin jína chrókjuákꞌeni, ti nkexro tꞌaha ixra̱
kixin chrókuitekaoni éxi nixja ti itan kuèntá.
18Jaha chrókuakítjenkiá ti ikoni kixin jína chrókꞌuíkoni
ti kjuaxroan ijié kuènté ti nkehe tsíkéto̱an.
19Jeheni mé éxi ijnko chojni tsíkji̱xi̱n ókjé itjeni ntihi chjasintajni.
Tjakꞌeméhñani ti itan tsíkéto̱an.
20Kaín a̱séni tjinkaoni chrókónoheni ti ley kuèntá,
kaín ña̱o chrókjuínchexiteyáni ti nkehe tsíkéto̱an.
21Jaha tjénduéhé ti sin titekakonhña
la ko ti sin tjenka̱yáxin nkehe jínahña
kixin kuítekakonhña sin ti nkehe tsíkéto̱an.
22Chrokui̱to̱éhyani kixin chrókꞌuándaxín ti sin nduáhya ixri
kixin jeheni titekaoni ti jaha.
23Ti chojni imá tꞌe̱to̱an tꞌándaxíhi̱n ti jeheni,
a̱ndá jeheni, ti nkexro tꞌaha ixra̱, la xraxinkaoni ti itan tsíkéto̱an.
24Ti nkehe tsíkéto̱an la mé nchechéhe̱ ti jeheni.
Tíha mé tjinki̱tsa nchexraxinkaoni ti itan kuèntá.
Dálet
25Méxra̱ imá tóxakoheni, la ó chjina itsꞌeni.
Jaha chrókjuánjua kjuachaxin ni̱xin
kixin jína tsjakꞌeni éxi tsíndáchroa.
26Chrónkani nkexrín tjenka̱yáxini, a̱ndá jaha la kjuáte̱hé.
A̱ndá ijie la tjàkua ti ley kuèntá.
27Tjinki̱tsa kixin jína chrókienxíni ti nkehe tsíkéto̱an,
kixin nkochríxín tsoxraxinkaoni ti kjuaxroan ijié tsíkjáko̱xián.
28A̱ndá ijie imá tsjánkani la tjoté a̱séni.
Tjínki̱tsa kixin ndoá chrókjuákꞌeni éxi tsíndáchroa.
29Ti̱to̱éhya kixin sáchrokjuini ti nti̱e ti sin chꞌia la ko nduáhya ixri.
Ti̱konoéhéni kixin chrókónoheni jína ti ley kuèntá.
30Jeheni ó kuákjani ti nti̱a chaxín ndoá.
Tóxríhi̱ni sinchexiteyáni ti ley kuèntá.
31Jeheni í títo̱ehyani ti nkehe tsíkéto̱an, jaha, Itꞌéni Díos,
méxra̱ ti̱to̱éhyani kixin chrókósuéhe̱ni.
32Tóxakoheni kixin a̱ntsí jína chrókjuínchexiteyáni ti nkehe tsíkéto̱an
kixin jaha kjuínki̱tsa kixin jína tienxíni tíha.
He
33Itꞌéni Díos, tjàkua ti nti̱a kuèntá éxi ti tsíkéto̱an.
Tjinkaoni chrókjuínchexiteyáni hasta tsjixixín.
34Jaha chrókjuánjua kjuachaxin chrókienxíni
kixin jína chrókjuínchexiteyáni ti nkehe tsíkéto̱an.
Tjinkaoni chrókjuínchexiteyáni kaín a̱séni.
35Sátjikoáni ti nti̱a kuèntá éxi ti nkehe tsíkéto̱an
la imá chrókóchéhe̱ni.
36Tjinki̱tsani kixin a̱ntsí tsotjinkaon a̱séni ti nkehe tsíkéto̱an
kixin kanhñó chrókóxríhi̱ni ti nchónhña nkehe chrókjuachani.
37Chrokjuinki̱tsa kixin kanhñó chrókóxríhi̱ni ti nkehe sínkíhya.
Chje̱héni ti kjuachón kixin jína tsochréhe̱ni ti nti̱a kuèntá.
38Jeheni ti nkexro tꞌaha ixra̱,
méxra̱ nchexiteyáni ti nkehe ndáchrua,
éxi ti nkehe tsíndáche ti sin tjiko̱sáyaha.
39Ti̱toéhya kixin chrókjuanoá ti sin tjenka̱yáxin ti nkehe jínahña ti jeheni
kixin ti nkehe tsíkéto̱an la jína.
40Imá tjinkaoni sinchexiteyáni ti nkehe tsíkꞌe̱to̱an.
Méxra̱ chje̱héni a̱ntsí kjuachaxin
kixin jína tsjakꞌeni kixin imá jína ti jaha.
Vau
41Itꞌéni Díos, tjáko̱xián kixin tjue̱héni
la sinchekaáni éxi tsíndáchrua.
42Kixin ndá jína tsjácha tsjata̱ha̱ ti chojni tꞌándaxín
kixin tinkachónkia ti itan kuèntá.
43Tjinki̱tsani kixin nkochríxín tsochronkani itan chaxín kuèntá
kixin chóheni ti nkehe tsíkéto̱an.
44Tjinkaoni sinchexiteyéheni ti nkehe tsíkéto̱an nkochríxín.
45A̱ndá xi̱kaha la jína chrókjuákꞌeni la kohya nkehe tsꞌinkákohe̱n
kixin jína sinchexiteyáni ti nkehe tsíkéto̱an.
46Tsochrónkani ti nkehe tsíkéto̱an ti tjejó ti sin rey
la ninkehó chrókósuèhyani.
47Tjue̱heni ti nkehe tsíkéto̱an
la tíha mé nchechéhe̱ ti jeheni.
48Chéhe̱ni la ko tjue̱heni ti nkehe tsíkéto̱an.
Tjenka̱yáxini nchónhña nkexrín sinchexiteyáni ti ley kuèntá.
Zain
49Xráxinkaoan jaha ti nkehe tsíndáche ti nkexro tꞌaha ixra̱
kixin tíha mé nchexraxinkaoni la tjechóheni.
50Tíha mé nchechéhe̱ ti jeheni ti ó tꞌáváni;
ti nkehe tsíndáchrua mé tjechónxini.
51Ti sin nduáhya ixri mé títo̱ehya sin nínkaon sin,
kjánchó jeheni la títo̱ehyani ti nkehe kjuàkua.
52Jeheni xraxinkaoni ti nkehe tsíkéto̱an ósé, jaha Díos,
la tíha mé nchechéhe̱ ti jeheni.
53Ti sin nduáhya ixri la kuíto̱he ti nkehe kjuàkua jaha
la imá nchekoninkaon sin ti jeheni.
54Ti ley kuèntá mé itsjeni ti itjeni ntihi
éxi ijnko chojni tsíkji̱xi̱n ókjé.
55Itꞌéni Díos, ti tie mé xraxinkaoni ti jaha.
Imá tjinkaoni sinchexiteyáni ti nkehe tsíkjàkua.
56Ticháxi̱n kixin
chrókjuinchexiteyá ti nkehe tsíkéto̱an.
Chet
57Jaha Itꞌéni Díos, jaha la éxi ijnko nkehe jína kui̱to̱nhe̱ni.
Jeheni tjenka̱yáxini sinchexiteyáni ti itan tsíkéto̱an.
58Kaín a̱séni tjinkaoni sinchexiteyáni.
Tjinki̱tsani éxi tsíndáchrua.
59Jeheni kjuákꞌeni kjuénka̱yáxini ti nti̱a nduáhya kuékꞌajini
a̱ndá ikjani kuitekaoni ti nkehe tsíkéto̱an.
60Tóxakoheni la tjoka ikjani,
la kuitekaoni ti nkehe tsíkéto̱an.
61Ti sin nduáhya ixri kua̱ntátjen ti jeheni kixin tjinkaon sin
kixin chrókjuasini ijie̱,
kjánchó kꞌuitjáñehñani ti nkehe tsíkéto̱an.
62Nkojnko kꞌáxrótjen tꞌàyani, tjajoni kjuasáya
kixin jína ti nkehe tsíkéto̱an.
63Jeheni mé tꞌitoni kaín ti sin tjiko̱sáyaha
la ko ti sin nchexiteyá ti nkehe tsíkéto̱an.
64Itꞌéni Díos, jaha tjue̱hé kuenté chjasintajni;
méxra̱ chrókjuàkua ti ley kuèntá.
Tet
65Jaha Itꞌéni Díos, jína tsjínki̱tsa ti nkexro tꞌaha ixra̱
éxi nixja ti itan kuèntá.
66Tjákohéni ti kjuaxrexinkaon jína
kixin jeheni tinkáchónkini ti nkehe tsíkéto̱an.
67Jeheni kꞌuájini ti nti̱a jínahña,
a̱ndá jaha mé kjui̱nchekjasóte ti jeheni.
A̱ndá ijie la nchexiteyáni ti itan kuèntá.
68Jaha la jína, la ko ti ixra̱ tjáko̱xián la jína.
Tjákohéni kixin jína chróchréhe̱ni ti nkehe tsíkéto̱an.
69Ti sin nchehnke kjuínchekꞌánkí sin kjuachꞌia la tꞌeka sin ijie̱ ti jeheni,
a̱ndá jeheni la kaín a̱séni tinkáchónkini ti nkehe tsíkéto̱an.
70Jehe sin chóntahya sin kjuaxrexinkaon jína la ko tienxínhña sin,
kjánchó jeheni la a̱ntsí chéhe̱ni kixin ti nkehe tjàkua jaha.
71Méxra̱ kjá jína kixin jaha kjui̱nchekjasóte ti jeheni
kixin ndá xi̱kaha kꞌuitjani ti nkehe tsíkéto̱an.
72A̱ndá tꞌikoni kixin a̱ntsí sínkí ti nkehe tsíkjàkua
ke ti nchónhña chichaon oro o̱ plata chróchóntani.
Yod
73Jaha mé itjá kjui̱chꞌénaxián ti jeheni
a̱ndá ijie la tjánjua kjuachaxin kixin tsienxíni ti nkehe tsíkéto̱an.
74Ti sin titekaon ti jaha la chéhe̱ sin ti ó tꞌikon sin ti jeheni
kixin kja̱xini tinkáchónkini ti itan kuèntá.
75Jaha Itꞌéni, ó noheni kixin jína nchekito̱exián jaha,
la ko jaha kjuénka̱yáxian jína ti ó kjui̱nchekjasóte ti jeheni.
76A̱ndá ijie ti̱konoéhéni, nchechéhéni
éxi ti tsíndáchrua tsjinki̱tsa ti jeheni.
77Ijie la tjáko̱xián kixin tjue̱héni kixin jína chrókjuákꞌeni,
chéhe̱ni kixin chóxini ti itan kuèntá.
78A̱ndá ícha jína chrókósuéhe̱ ti chojni ihnke tꞌándaxín
kixin kjónté jeheni chóntahyani ninkehó ijie̱ la tꞌeka sin ijie̱ ti jeheni,
kjánchó jeheni la xraxinkaoni ti nkehe tsíkéto̱an jaha.
79Kaín ti sin chóxin ti nkehe tsíkéto̱an jaha
la chrókóchjina sin ti itjeni
kixin tsochóxin sin ti nkehe tsíkéto̱an.
80Kaín a̱séni chrókuitekaoni ti nkehe tsíkéto̱an jaha
kixin ndá chrókósuèhyani.
Caf
81Jeheni imá tjinkaoni kixin jaha chrókjui̱nchekaáni;
méxra̱ jeheni tinkáchónkini ti itan kuèntá.
82Kꞌóxrjé ikoni chóheni tsoxiteyá ti nkehe tsíndáchrua.
Méxra̱ ndáchroni: “¿Nkesá tsꞌinka jaha si̱nchechéhéni?”
83Jeheni ó tádani, la í tjenka̱yáxinhñani jína,
kjánchó kꞌuitjáñehñani ti nkehe tsíkéto̱an.
84¿Xá hasta nkesá tsochóheni?
¿Nkesá si̱nchekjasóte ti sin nínkaon chréhe̱?
85Ti sin ihnke titekakonhña ti nkehe tsíkéto̱an
la ó tsíkjichꞌéna sin tòye̱ tsꞌitsínkáyani.
86Kaín ti nkehe tsíkéto̱an la chaxín ndoá;
méxra̱ tjinki̱tsa kixin ti sin chréhe̱ ti jeheni la nínkaon sin
kjónté chóntahyani ijie̱.
87Chrokꞌóñá sin ti jeheni,
kjánchó jeheni la kuíto̱ehyani ti nkehe tsíkéto̱an.
88Tjinki̱tsani kixin chrókꞌuenhñani
kixin jaha la imá tjue̱hé ti jeheni,
ndá tsjachani sinchexiteyáni éxi ti nkehe tsíndáchrua.
Lámed
89Itꞌéni Díos, ti itan kuèntá la nkochríxín itjen.
Ti itan a mé nkochríxín itjen nkaya nka̱jní.
90Nkochríxín jína ti jaha la ko ndoá nchexiteyá ti nkehe tsíndáchrua.
Jaha kjui̱chꞌéna chjasintajni la hasta ijie la na̱xa̱ tꞌayakohén ti nonte.
91Kaín nkehe la jína tjejó ijie kixin jaha la xi̱kaha kuéto̱an;
méxra̱ kaín tíha la sitꞌaha ixra̱.
92Ti chrókójehya ti nkehe tjàkua la chrókjuakꞌehyani kjuaxróxin
landá ti kjuatꞌává la ó chrókꞌuitjáñaxíni.
93Í tsꞌitjáñahña ti nkehe tsíkéto̱an
kixin tíha mé tjajon ti kjuachón.
94Nchekaáni kixin jeheni tinkáchónkini ti jaha
kixin jeheni la xritjeyáni ti nkehe tsíkéto̱an.
95A̱ndá ti sin nduáhya ixri
la xrichóhen sin chrókjuinchekꞌitjáña sin ti jeheni.
A̱ndá jeheni la nkochríxín xraxinkaoni ti nkehe tsíkéto̱an.
96Jeheni la ó kꞌuíkoni kixin kaín nkehe siín chjasintajni chónta tsjeje̱.
A̱ndá ti itan kuèntá la tsjeje̱hya, nkochríxín tsjakꞌe.
Mem
97Méxra̱ jeheni imá tjue̱heni ti nkehe tsíkéto̱an.
Kaín ña̱o tjenka̱yáxini tíha.
98Ti nkehe tsíkéto̱an mé nkochríxín tjinki̱tsa ti jeheni.
Tíhi mé kjuínki̱tsani kixin tso̱noheni a̱ntsí,
ke ti sin nínkakohen ti jeheni.
99A̱ntsí tienxíni ke kaín ti sin kjuako,
kixin xraxinkaoni ti nkehe tsíkjàkua.
100A̱ntsí tienxíni ke ti sin táda,
kixin nchexiteyáni ti nkehe tsíkéto̱an.
101Jeheni kuíto̱heni kaín ti nti̱a jínahña kuékꞌajini
kixin jína sinchexiteyéheni ti itan kuèntá.
102Jeheni kuíto̱ehyani ti nkehe tsíkéto̱an
kixin jaha mé kjuákohéni.
103A̱ntsí ixé ti itan kuèntá,
ke ti itsje̱n kotsje̱nta.
104Ti nkehe tsíkéto̱an jaha la kjuínki̱tsani kónoheni nkexrín ti jína;
méxra̱ tóxrìenhñani kaín ti nkehe nduáhya tjenka̱yáxin chojni.
Nun
105Ti itan kuèntá mé ijnko xrohi tꞌinkaséñaxín to̱téni,
la ko tíha mé ijnko xrohi tꞌinkaséñaxín nti̱eni.
106A̱ndá ijnko nkehe ndáchroni, Itꞌéni Díos
la ticháxi̱n sinchexiteyáni;
méxra̱ ijie ticháxi̱n sinchexiteyáni ti nkehe tsíkéto̱an
kixin tíha la imá ndoá.
107Itꞌéni Díos, imá tóxakoheni la ko tꞌáváni,
a̱ndá ijie la tjinki̱tsani
la chje̱héni a̱ntsí kjuachaxin
kixin jína tsjakꞌeni éxi ti nkehe tsíndáchrua.
108Chrónoéhe̱ni ti jaha, Itꞌéni Díos, kixin chrókóxríhan
ti nkehe tsonixjani la ko ti tjikosáyahani;
méxra̱ tjákohéni ti nkehe tsíkéto̱an.
109Xráxín kjuaxróxinhña itjeni kixin tjinkaon chojni chrókꞌóñá ti jeheni,
kjánchó kꞌuitjáñehñani ti nkehe tsíkjàkua.
110Ti sin nduáhya ixri la kjuakꞌe sin ijnko nkehe chrókjuasixíni ijie̱
kixin chrókuíto̱heni ti nkehe tsíkéto̱an,
kjánchó jeheni la kꞌuitjáñehñani ti nkehe tsíkéto̱an.
111Ti nkehe kjuíncheki̱to̱nhe̱ni la mé ti ley kuèntá tsjeje̱hya nkochríxín
kixin jehó tíha mé nchechéhe̱ a̱séni.
112A̱séni tjinkaon sinchexiteyá ti nkehe tsíkéto̱an
hasta tsjixixín.
Sámec
113Jeheni nínkakoheni ti chojni nduáhya tjenka̱yáxin,
kjánchó tjue̱heni ti nkehe tsíkéto̱an.
114Jaha mé tjinki̱tsani la ko tꞌayakonhéni.
Jehó ti itan kuèntá mé tjechóheni kixin tꞌayakonhéni.
115Ti̱to̱hérani, jahara chojni jínahña tjenka̱yáxin
kixin jeheni tjinkaoni sinchexiteyéheni
ti nkehe tsíkꞌe̱to̱an ti Díos kuènténi.
116Itꞌéni Díos, jaha chrókjuinki̱tsani éxi ti nkehe tsíndáchrua
kixin jína tsjakꞌeni;
jaha chrókjuájonhña kjuachaxin
kixin chrókósuéhe̱ni
kixin chróndáchro chojni kixin jaha tjinki̱tsahyani.
117Tjinki̱tsani kixin tsaáni,
a̱ndá xi̱kaha la chrókóchéhe̱ni sinchexiteyáni ti nkehe tsíkéto̱an.
118Jaha tóxríanhña ti sin kuíto̱he ti nkehe tsíkéto̱an
kixin ti nkehe tjenka̱yáxin sin la chóntahya kjuaxrexinkaon jína.
119Ti sin nduáhya ixri siín chjasintajni
la jaha la tꞌíkuan éxi chji̱nínó.
A̱ndá jeheni la tjue̱heni ti nkehe tsíkéto̱an.
120A̱ndá ti cuerpo kuènténi síxrànka̱ chrakon ti itjen jaha
kixin imá tjikosayéheni ti nkehe tsíkéto̱an.
Ayin
121Í títo̱ehyani chrókjuíchꞌeni ti nkehe jína.
Méxra̱ jaha chrókui̱toéhya kixin ti sin nínkakohen ti jeheni chrókjuinchekjasóte ti jeheni.
122Jaha tsꞌayakonhéni kixin jína tsjakꞌeni
kixin ti sin ihnke, nduáhya ixri
chrókjuinchekjasótehya sin ti jeheni.
123Kꞌóxrjé ikoni kixin tjechóheni si̱nchekaáni,
la ko tjechóheni tsjínki̱tsa ti jeheni,
si̱nchekaáni éxi tsíndáchrua.
124Mé xi̱kaha chrókjuinki̱tsa ti jeheni,
ti nkexro tꞌaha ixra̱
kixin jaha tjue̱hé ti jeheni,
la chrókjuàkua ti ley kuèntá.
125Jeheni mé ijnko nkexro tꞌaha ixra̱.
Tsjánjua kjuachaxin kixin jeheni chrókienxíni jína
kixin tjinkaoni chrókꞌuitjani ti nkehe tsíkéto̱an.
126Itꞌéni Díos, ó kjuixraká ti ña̱o
chrókjui̱nchekjasóte ti sin tjenka̱yáxin ti nkehe jínahña,
kixin kuitekakuenhña sin ti nkehe tsíkéto̱an.
127Méxra̱ jeheni a̱ntsí tóxríhi̱ni ti nkehe tsíkéto̱an
ke ti chika oro imá náxrjón.
128Méxra̱ jeheni imá tjue̱heni kaín nkehe tsíkéto̱an
la tóxríe̱hñani ti nti̱a nduáhya.
Pe
129Ti nkehe tsíkéto̱an la ijnko kjuaxroan ijié;
méxra̱ kaín a̱séni nchexiteyéheni tíha.
130Ti chrónkaxín sin ti itan kuèntá
mé tíha tꞌinkaséñaxín ti jeheni
la ko tíha chrókjuinki̱tsa chrókienxín ti chojni noehña.
131Imá tjinkaoni chrókꞌuitjani ti nkehe tsíkéto̱an;
méxra̱ kuakitje̱he̱ni irꞌuani chóheni kixin tsonixja jaha.
132Kománi la ti̱konoéhéni
éxi ti̱konoéhé kaín ti sin tjue̱he ti jaha.
133Tjínki̱tsa ti jeheni kixin tsꞌajini éxi ndáchro ti itan.
Tjájonhña kjuachaxin kixin ti jínahña chrókjuachròe ti jeheni.
134Tjínki̱tsa ti jeheni kixin siín chojni nduáhya tjejó
la tjinkaon sin chrókjuinchekjasóte sin ti jeheni
kixin tjinkaoni sinchexiteyáni ti nkehe tsíkéto̱an.
135Ti kjuachaxin kuèntá a mé chrókꞌuinkaséñaxín ti itjeni
kixin jeheni ti nkexro tꞌa̱há ixra̱
la chrókjuàkua ti nkehe tsíkéto̱an.
136Imá tsjánkani tꞌáváni
kixin kohya nkexro titekaon ti nkehe tsíkéto̱an.
Tsade
137Jaha Itꞌéni, la jína
la ko ndoá si̱nchekito̱exián.
138Kaín ti nkehe tsíkéto̱an la jína
la ko chaxín ndoá.
139Nínkaon a̱séni kixin ti sin nínkakohen ti jeheni
tsíkꞌitjáñehen sin ti nkehe tsíkéto̱an.
140Jeheni kꞌuíkoni kixin imá ndoá ti itan kuèntá;
méxra̱ jeheni ti nkexro tꞌaha ixra̱ la imá tjue̱heni ti itan.
141Jeheni mé ijnko chojni nòé
la itsjé chojni chóntehya sin kjuasáya ti jeheni,
kjánchó kꞌuitjáñehñani ti nkehe tsíkéto̱an.
142Jaha la imá jína la nkochríxín jína tjáko̱xián
la ko ti nkehe tjàkua la chaxín ndoá.
143Ti ña̱o tꞌáváni la ko tóxakoheni
la ti nkehe tsíkéto̱an tjinki̱tsa nchechéhe̱ ti jeheni.
144Ti nkehe tsíkéto̱an mé nkochríxín jína.
Méxra̱ chrókjuinki̱tsani chrókjuákoxian ti itan kixin jína chrókjuákꞌeni.
Cof
145Itꞌéni Díos, kaín a̱séni tꞌéye̱he̱ni ti jaha, tjáte̱hé,
Tjinkaoni sinchexiteyáni ti nkehe tsíkéto̱an.
146Jaha tꞌéye̱he̱ni nchekaá ti jeheni
kixin jína sinchexiteyáni ti nkehe tsíkéto̱an.
147Imá nchítjen tꞌayani, chrónoéhe̱ni ti jaha.
Tjechóheni sinchexiteyáni ti nkehe tsíndáchrua.
148Kuenté tie tjetsjeheni
kixin tjenka̱yáxini ti nkehe tsíkéto̱an.
149Tihín ti tꞌéyani, Itꞌéni Díos, kixin imá tjue̱héni;
nchekaáni kixin imá jína jaha.
150Ti sin kuítekakonhña ti nkehe tsíkéto̱an
la ó kui sin chjinaxón ti itjeni, la nínkakohen sin ti jeheni.
151Kjánchó jaha Itꞌéni Díos, imá chjinaxón itjen
la kaín nkehe tsíkéto̱an la chaxín ndoá tíha.
152Imá ósé chóxini ti itan tsíkéto̱an;
la ti itan tsíkéto̱an jaha la nkochríxín itjen.
Resh
153Tsjehé jaha kixin tjetjasóteni la nchekaáni
kixin kꞌuitjáñehñani ti nkehe tsíkjàkua.
154Jaha chrókjuinki̱tsa kixin kjuaxróxinhña itjeni la nchekaáni.
Tjánjua kjuachaxin kixin na̱xa̱ tsjakꞌechóni éxi tsíndáchrua.
155Ti sin tjenka̱yáxin nkehe jínahña imá ikjín kuíto̱he sin
ti nkehe chrókuaáxin sin,
kixin tjeyáhya sin ti nkehe tsíkéto̱an.
156Itꞌéni Díos, jaha imá ti̱konoéhé chojni.
Tjánjua kjuachaxin na̱xa̱ jína tsjakꞌechóni
kixin jaha la imá jína.
157Nchónhña chojni nínkakohen ti jeheni chréhe̱,
a̱ndá ti nkehe tsíkéto̱an la kuíto̱ehyani.
158Tóxrìe̱nhñani ti chojni tjenka̱yáxin ti nkehe jínahña
kixin titekakonhña sin ti nkehe tsíkéto̱an.
159Itꞌéni Díos tsjehé, imá tjue̱heni ti nkehe tsíkéto̱an jaha.
Tjánjua a̱ntsí kjuachaxin kixin jína tsjakꞌeni
kixin jaha imá ti̱konoéhéni.
160Ti itan kuèntá mé chrónkaxín ti nkehe ndoá
kixin nkochríxín tsjakꞌe ti nkehe tsíkéto̱an.
Sin
161Chojni tꞌe̱to̱an chréhe̱ ti jeheni nínkaon sin,
kjónté jeheni la chóntahyani ijie̱
la ko a̱séni la imá tjikosayéheni ti itan kuèntá.
162A̱ndá ti itan kuèntá mé nchechéhe̱ ti a̱séni.
Jeheni mé éxi ijnko nkexro tsíkꞌitja ijnko nkehe imá tjete sínkí.
163Tóxríe̱nhñani ti kjuachꞌia nixja chojni,
a̱ndá tjue̱heni ti nkehe tjàkua.
164Nkojnko ña̱o tjikosayéheni ti jaha
kixin ti nkehe tsíkéto̱an la imá jína.
165Ti nkexro tjue̱he ti nkehe kjuàkua la náxrjón tjejó a̱sén sin
la kohya nkehe jínahña chrókjuíchꞌe sin.
166Itꞌéni Díos, chóheni kixin sinchekaáni
kixin kjuínchexiteyáni ti nkehe tsíkéto̱an.
167Jeheni la kjuínchexiteyáni ti nkehe tsíkéto̱an,
kaín a̱séni tjue̱heni tíha.
168Jeheni la kjuínchexiteyáni ti ley kuèntá
la ko kaín nkehe tsíkéto̱an.
Jaha la choxián kaín ti nkehe tjenka̱yáxini.
Tau
169A̱ndá ti nixjani mé chrókjuíji ti itjen jaha, Itꞌéni Díos.
Chrokjuánjua kjuachaxin kixin chrókienxíni éxi ndáchro ti itan kuèntá.
170Ti nixjahani la mé chrókjuíji ti itjen.
Nchekaáni éxi tsíndáchrua.
171Ti irꞌuani la chrókꞌuaxrjexín ti itan jína tsjikosáyexíni ti jaha
kixin jaha kjuàkua ti nkehe tsíkéto̱an.
172Jína chrótsjexini ti itan kuèntá
kixin kaín nkehe tsíkéto̱an la jína.
173A̱ndá ijie la jaha la chrókjuaké ijnko itjá kixin chrókjuinki̱tsani
kixin kjueyáni sinchexiteyáni ti nkehe tsíkéto̱an.
174Itꞌéni Díos, tjinkaoni kixin chrókjui̱nchekaáni
kixin náxrjón itjeni kixin tinkáchónkini ti nkehe tsíkjàkua.
175Tjinkaoni jína tsjakꞌeni kixin tsjikosáyeheni ti jaha
kixin ti kjuachaxin kuèntá chrókjuinki̱tsa ti jeheni.
176Kjuíchròeni éxi ijnko kolélo.
Xrákia jaha tjéyá ti jeheni,
kixin kꞌuitjáñehñani ti nkehe tsíkéto̱an.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.