Salmos 118
118
Chjéheni kjuasáya Díos kixin kjuínchekaá chꞌan ti jeheni
1 #
1Cr. 16:34; 2Cr. 5:13; 7:3; Esd. 3:11; Sal. 100:5; 106:1; 107:1; 136:1; Jer. 33:11. *Chrokjuikosáyeheni Itꞌéni Díos kixin
imá jína chꞌan,
kixin jehe chꞌan la nkochríxín
tjue̱he chꞌan ti jeheni.
2Méxra̱ jahara Israel chróndáchrora:
“Itꞌéni Díos la tjue̱he ti jeheni nkochríxín.”
3La kja̱xin chróndáchro ti sin ncha̱tꞌá:
“Itꞌéni Díos la tjue̱he ti jeheni nkochríxín.”
4La ko kja̱xin chróndáchro ti sin tjikosáyehe
Itꞌéni Díos:
“Díos la tjue̱he ti jeheni nkochríxín.”
5A̱ndá ti tꞌáváni ndá kꞌuéye̱he̱ni Itꞌéni Díos
la jehe chꞌan mé kuíhin chꞌan
ndá kjuínchekaá chꞌan ti jeheni.
6 #
He. 13:6. *Itꞌéni Díos mé tjejókoni chꞌan,
méxra̱ chrakonhñani.
¿Xá nkehe chrókjuichꞌeheni ti chojni?
7Kixin Itꞌéni Díos mé tjejókoni chꞌan,
jehe chꞌan mé tjinki̱tsa chꞌan ti jeheni;
méxra̱ tsꞌikoni kixin tsjachahya ti sin nínkakonhen ti jeheni.
8Méxra̱ ícha jína chrókuitekaoni Itꞌéni Díos,
a̱ndá kanhñó jína chrókuitekaoni chojni ó.
9Méxra̱ ícha jína chrókuitekaoni Itꞌéni Díos
a̱ndá ti chojni imá tjetoan, la náhí.
10Kaín chojni kuenté chjasintajni mé kua̱ntátjen sin ti jeheni
kjánchó Itꞌéni Díos
mé kjuínki̱tsa la kjuachahya sin.
11La ko kja̱xin nkuíxín kua̱ntátjen sin,
kjánchó kjuachaxíen Itꞌéni Díos mé
kjuínki̱tsa la kjuachahya sin.
12Mé kua̱ntátjen sin éxi kochja̱te xi̱kaha
kixin ti kónínkaon sin la éxi ijnko xrohi ijié kꞌuákjen
landá tuénxín kꞌuànka̱.
Méxra̱ kjuachaxin ihni̱é Itꞌéni Díos
kjuínchekꞌitjáñaxíni ti jehe sin.
13Imá kónínkaon sin kótéka sin ti jeheni
kixin chrókꞌuitsínkani,
kjánchó Itꞌéni Díos mé kjuínki̱tsa la kohya nkehe kóheni.
14 #
Ex. 15:2; Is. 12:2. *Méxra̱, jeheni itsjeni, tjikosáyeheni
Itꞌéni Díos kixin jehe chꞌan
mé kjuajon chꞌan fuerza
la ko jehe chꞌan mé kjuínchekaá chꞌan ti jeheni.
15Ndo̱e ti chojni kuitekaon Itꞌéni Díos
mé siín kjuachéhe̱ itsje sin kixin kjuacha sin, kohya nkehe kóhen sin.
Ndáchro sin: “Kjuachaxin kuènté Itꞌéni Díos
mé kjua̱cha̱xi̱ni.”
16A̱ndá ti kjuachaxin kuènté Itꞌéni Díos
mé imá tjetoan
la ko ti kjuachaxin kuènté Díos
mé kjua̱cha̱xi̱ni.
17Méxra̱ tsꞌenhñani, tsjakꞌechóni
kixin tsochronkani nkexrín kjuínki̱tsa Itꞌéni Díos.
18Imá kjuínchekjasóte Itꞌéni Díos ti jeheni,
kjánchó kuíto̱ehya chꞌan kixin chrókꞌueni.
19“Takitjéhéra ti puerta kuènté ni̱nko
kixin tjinkaoni tsꞌixeheni tsotjahani kjuasáya, Itꞌéni Díos.”
20Tíhi mé ti puerta kuènté Itꞌéni Díos.
Tíha mé tsꞌixehen ti sin jína kuitekaon Itꞌéni Díos.
21Tsotjahani kjuasáya, Itꞌéni Díos, kixin
jaha kjuáte̱hé ti ó kꞌuéyeheni
la ko jaha mé kuaáxini.
22 #
Lc. 20:17; Hch. 4:11; 1Pe. 2:7. #
Mt. 21:42; Mr. 12:10, 11. *Ti ixro̱ kóxríe̱nhña ti sin chꞌéna tja̱tꞌo̱
landá ijie mé tsíkꞌóna ti ixro̱ imá tjetoan.
23Tíhi mé ixra̱ kjuíchꞌe Itꞌéni Díos,
méxra̱ imá chrakoni kixin xi̱kaha tsíkóhen.
24Tíhi mé ti ña̱o kuènté Itꞌéni Díos;
méxra̱ ijie náxrjón chrókꞌuejóni,
chrókóchéhe̱ni, chrókjuikosáyeheni Díos.
25 #
Mt. 21:9; Mr. 11:9; Jn. 12:13. *Itꞌéni Díos, chrónòahani si̱nchekaáni.
Chrónòahani Itꞌéni Díos, tsjínki̱tsani
kixin jína chrókꞌuejóni.
26 #
Mt. 21:9; 23:39; Mr. 11:9; Lc. 13:35; 19:38; Jn. 12:13. *Náxrjón ti nkexro kui̱xi̱n ihni̱é Itꞌéni Díos,
mé tsjikosáyaxíni ti nkexro a
ti nkaxehen ni̱nkué Díos.
27Itꞌéni Díos mé ti xrohi tꞌinkaséñaxín.
Ó xrákia ti kia, sátsjikoni ti ntatsjo hasta ti itjen ntèé ti altar.
28Jaha Díos, tsjikosáyahani,
kixin jaha mé Díos kuènténi
la ko imá ijié ti kjuachaxin kuèntá.
29Méxra̱ chróchje̱héra kjuasáya Itꞌéni Díos
kixin jehe chꞌan mé imá jína chꞌan,
mé tjue̱he chꞌan ti jeheni nkochríxín.
Currently Selected:
Salmos 118: poeNTplus
Highlight
Share
Compare
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Salmos 118
118
Chjéheni kjuasáya Díos kixin kjuínchekaá chꞌan ti jeheni
1 #
1Cr. 16:34; 2Cr. 5:13; 7:3; Esd. 3:11; Sal. 100:5; 106:1; 107:1; 136:1; Jer. 33:11. *Chrokjuikosáyeheni Itꞌéni Díos kixin
imá jína chꞌan,
kixin jehe chꞌan la nkochríxín
tjue̱he chꞌan ti jeheni.
2Méxra̱ jahara Israel chróndáchrora:
“Itꞌéni Díos la tjue̱he ti jeheni nkochríxín.”
3La kja̱xin chróndáchro ti sin ncha̱tꞌá:
“Itꞌéni Díos la tjue̱he ti jeheni nkochríxín.”
4La ko kja̱xin chróndáchro ti sin tjikosáyehe
Itꞌéni Díos:
“Díos la tjue̱he ti jeheni nkochríxín.”
5A̱ndá ti tꞌáváni ndá kꞌuéye̱he̱ni Itꞌéni Díos
la jehe chꞌan mé kuíhin chꞌan
ndá kjuínchekaá chꞌan ti jeheni.
6 #
He. 13:6. *Itꞌéni Díos mé tjejókoni chꞌan,
méxra̱ chrakonhñani.
¿Xá nkehe chrókjuichꞌeheni ti chojni?
7Kixin Itꞌéni Díos mé tjejókoni chꞌan,
jehe chꞌan mé tjinki̱tsa chꞌan ti jeheni;
méxra̱ tsꞌikoni kixin tsjachahya ti sin nínkakonhen ti jeheni.
8Méxra̱ ícha jína chrókuitekaoni Itꞌéni Díos,
a̱ndá kanhñó jína chrókuitekaoni chojni ó.
9Méxra̱ ícha jína chrókuitekaoni Itꞌéni Díos
a̱ndá ti chojni imá tjetoan, la náhí.
10Kaín chojni kuenté chjasintajni mé kua̱ntátjen sin ti jeheni
kjánchó Itꞌéni Díos
mé kjuínki̱tsa la kjuachahya sin.
11La ko kja̱xin nkuíxín kua̱ntátjen sin,
kjánchó kjuachaxíen Itꞌéni Díos mé
kjuínki̱tsa la kjuachahya sin.
12Mé kua̱ntátjen sin éxi kochja̱te xi̱kaha
kixin ti kónínkaon sin la éxi ijnko xrohi ijié kꞌuákjen
landá tuénxín kꞌuànka̱.
Méxra̱ kjuachaxin ihni̱é Itꞌéni Díos
kjuínchekꞌitjáñaxíni ti jehe sin.
13Imá kónínkaon sin kótéka sin ti jeheni
kixin chrókꞌuitsínkani,
kjánchó Itꞌéni Díos mé kjuínki̱tsa la kohya nkehe kóheni.
14 #
Ex. 15:2; Is. 12:2. *Méxra̱, jeheni itsjeni, tjikosáyeheni
Itꞌéni Díos kixin jehe chꞌan
mé kjuajon chꞌan fuerza
la ko jehe chꞌan mé kjuínchekaá chꞌan ti jeheni.
15Ndo̱e ti chojni kuitekaon Itꞌéni Díos
mé siín kjuachéhe̱ itsje sin kixin kjuacha sin, kohya nkehe kóhen sin.
Ndáchro sin: “Kjuachaxin kuènté Itꞌéni Díos
mé kjua̱cha̱xi̱ni.”
16A̱ndá ti kjuachaxin kuènté Itꞌéni Díos
mé imá tjetoan
la ko ti kjuachaxin kuènté Díos
mé kjua̱cha̱xi̱ni.
17Méxra̱ tsꞌenhñani, tsjakꞌechóni
kixin tsochronkani nkexrín kjuínki̱tsa Itꞌéni Díos.
18Imá kjuínchekjasóte Itꞌéni Díos ti jeheni,
kjánchó kuíto̱ehya chꞌan kixin chrókꞌueni.
19“Takitjéhéra ti puerta kuènté ni̱nko
kixin tjinkaoni tsꞌixeheni tsotjahani kjuasáya, Itꞌéni Díos.”
20Tíhi mé ti puerta kuènté Itꞌéni Díos.
Tíha mé tsꞌixehen ti sin jína kuitekaon Itꞌéni Díos.
21Tsotjahani kjuasáya, Itꞌéni Díos, kixin
jaha kjuáte̱hé ti ó kꞌuéyeheni
la ko jaha mé kuaáxini.
22 #
Lc. 20:17; Hch. 4:11; 1Pe. 2:7. #
Mt. 21:42; Mr. 12:10, 11. *Ti ixro̱ kóxríe̱nhña ti sin chꞌéna tja̱tꞌo̱
landá ijie mé tsíkꞌóna ti ixro̱ imá tjetoan.
23Tíhi mé ixra̱ kjuíchꞌe Itꞌéni Díos,
méxra̱ imá chrakoni kixin xi̱kaha tsíkóhen.
24Tíhi mé ti ña̱o kuènté Itꞌéni Díos;
méxra̱ ijie náxrjón chrókꞌuejóni,
chrókóchéhe̱ni, chrókjuikosáyeheni Díos.
25 #
Mt. 21:9; Mr. 11:9; Jn. 12:13. *Itꞌéni Díos, chrónòahani si̱nchekaáni.
Chrónòahani Itꞌéni Díos, tsjínki̱tsani
kixin jína chrókꞌuejóni.
26 #
Mt. 21:9; 23:39; Mr. 11:9; Lc. 13:35; 19:38; Jn. 12:13. *Náxrjón ti nkexro kui̱xi̱n ihni̱é Itꞌéni Díos,
mé tsjikosáyaxíni ti nkexro a
ti nkaxehen ni̱nkué Díos.
27Itꞌéni Díos mé ti xrohi tꞌinkaséñaxín.
Ó xrákia ti kia, sátsjikoni ti ntatsjo hasta ti itjen ntèé ti altar.
28Jaha Díos, tsjikosáyahani,
kixin jaha mé Díos kuènténi
la ko imá ijié ti kjuachaxin kuèntá.
29Méxra̱ chróchje̱héra kjuasáya Itꞌéni Díos
kixin jehe chꞌan mé imá jína chꞌan,
mé tjue̱he chꞌan ti jeheni nkochríxín.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.