Salmos 109
109
Kjuanchia David kixin tsjasóte ti sin nínkaon
Salmo kuènté David.
1Jaha Díos, tjikosayéheni ti jaha la ko chrónòahani
kixin tjoka chrókjuáte̱hé.
2Ti chojni tjenka̱yáxin nkehe jínahña la ti chojni chꞌia la tꞌándaxìna sin,
la chaxínhña ti nkehe ndáchro sin.
3Kóchjina sin ti itjeni la tóchji̱no̱xíhin sin.
Tꞌeka sin ijie̱ ti jeheni ti nkehe chaxínhña.
4Ti tjue̱heni sin la jehe sin la a̱ntsí nínkakohen sin ti jeheni.
A̱ndá jeheni la chrónoéhe̱ni ti jaha Díos.
5Ijnko nkehe jína kjuíchꞌeheni sin
landá jehe sin la nkehe jínahña kjuíchꞌehe sin ti jeheni.
Tjue̱heni sin, a̱ndá jehe sin a̱ntsí kónínkakohen sin ti jeheni.
6Díos, jaha chrókjuéyá ijnko juez nduáhya tjenka̱yáxin
kixin nkokón ti sin tjenka̱yáxin jínahña
chrókjuinchekito̱exíhin kícho sin.
7A̱ndá chrókónoxín kixin ti nkexro a chónta ijie̱.
Ti ijie̱ kjuasin chꞌan chrókjuasótexín chꞌan.
8 #
Hch. 1:20. *Séhya chrókjuákꞌe ti nkexro a
la íjnko nkexro chrókꞌuáyéhe̱ ti ixra̱ kꞌuéchónta chꞌan.
9Ti xje̱en chꞌan la chrókuíto̱he nòé,
la ti ichjién chꞌan la chrókuíto̱he ikꞌán,
10la ko ti xje̱en chꞌan chrókꞌuájikjanchakꞌá sin,
kixin ti ndo̱e chꞌan la ó kónte̱jí.
11Ti sin kꞌuékjinchekjen chꞌan chichaon
chrókuakitsje sin kaín nkehe kꞌuéchónta chꞌan.
La ko ti sin chónhña chꞌan
chrókuákja sin ti nkehe kuènté chꞌan.
12Kohya nkexro chrókui̱konoéhe ti xje̱en chꞌan
la chrókuíto̱he sin nòé.
13Chrokꞌuitjáña kaín ti sin tsíkꞌaxrjeníxin chꞌan,
chróxika ti ihni̱é chꞌan nkochríxín.
14A̱ndá chróxraxinkaon Itꞌéni Díos ti ijie̱ kjuasin ti itꞌé la ko ìñé chꞌan
la chróxikahya ti ijie̱ kꞌuéchónta sin.
15Itꞌéni Díos chróxraxinkaon nkochríxín ti iji̱é sin.
A̱ndá ti chojni tjejó ijie la chróxraxinkakonhña ti jehe sin.
16Ti nkexro la kjuénka̱yáxinhña chrókui̱konoéhe
ti sin nóa tꞌává.
Chréhe̱ chꞌan la kꞌóñá chꞌan ti jehe sin.
17A̱ndá imá kóxríhi̱n chꞌan kixin chrókjuasóte íso chojni.
A̱ndá ijie jaha Díos kja̱xin si̱nchekjasóte chꞌan.
Jehe chꞌan kjuanchia chꞌan kixin jaha tsjínki̱tsahya chojni.
A̱ndá ijie la jaha chrókjuínki̱tsahya ti jehe chꞌan.
18A̱ndá ti nkehe jínahña la éxi ijnko ika chrókꞌuinkáya chꞌan;
tíha la éxi ìnta̱ chrókꞌuixehen tse̱e chꞌan
la ko éxi aceite chrókꞌuixehen huéso̱e chꞌan.
19A̱ndá ijie jehe chꞌan chrókjuasótexín chꞌan ti ijie̱ kjuasin chꞌan
éxi ijnko ika chrókꞌuinkáya chꞌan xi̱kaha
la ko éxi tjo̱a̱ chrókꞌuinkatꞌóxin chꞌan
mé xi̱kaha tso̱hen kixin ti nkehe jínahña kjuíchꞌe chꞌan.
20Mé xi̱kaha chrókjuénke̱hé jaha
ti chojni nínkaon la ko ti chojni tꞌándaxíhi̱n ti jeheni.
21Jaha Itꞌéni Díos,
ti̱konoéhéni kixin jeheni tinkáchónkini ti ihni̱á.
Tjínki̱tsani tsaáni kixin jaha la imá jína,
22kixin jeheni imá tꞌáváni la nóani.
Imá náxrjónhña itjen a̱séni.
23Ó tinkákꞌitjáñani éxi ijnko itsꞌuan.
Ti xri̱nto̱ chjéhe mé tjakakoni éxi ijnko kochjoá.
24To̱téni la í chóntahya fuerza kixin niehñani;
kóntachini kixin í niehñani.
25 #
Mt. 27:39; Mr. 15:29. *Imá kꞌuékónínkakohen sin ti jeheni
ndá ti kománi sin la tinkatjia ikja sin
titekakonhña sin ti jeheni.
26Tjínki̱tsani jaha, Itꞌéni Díos kuènténi,
nchekaáni kixin tjue̱héni.
27Xi̱kaha chrókjuákoxian jaha kixin tjue̱héni
ndá chrókꞌuikon nchónhña chojni kixin jaha kjuínki̱tsani.
28Kjónté tꞌándaxíhi̱n sin ti jeheni, la jaha ncheñaoan ti jeheni,
a̱ndá jehe sin la tso̱suéhe̱ sin.
A̱ndá jeheni, mé ti nkexro tꞌaha ixra̱, la tso̱chéhe̱ni.
29Ti sin xritꞌeka ijie̱ ti jeheni la imá chrókósuéhe̱ sin.
Ti kjuatosuéhe̱ chrókꞌuisímá sin éxi ijnko ika tsꞌitsáte chojni.
30A̱ndá ti irꞌuani mé chrótjáxiani kjuasáya Itꞌéni Díos.
Mé ti siín nchónhña chojni tsíkónkotsé
la ntiha chrótjáxiani kjuasáya.
31Jaha la tjínki̱tsa ti sin nóa,
la ko nchekaá ti sin xritjeyá ti jaha.
Currently Selected:
Salmos 109: poeNTplus
Highlight
Share
Compare
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
