Salmos 102
102
Ijnko nkexro tꞌává nixje̱he̱ Díos
1Itꞌéni Díos, tihín ti nkehe chrónòahani.
Ti nkehe chrónòani la chrókjuíji ti itjen jaha.
2Tjakꞌémèhñani ti ña̱o tꞌáváni; tjakꞌe tihín jaha.
Tjáte̱hé tjoka ti nkehe tjanchiani.
3Ti ña̱o kuènténi la tinkákꞌitjáña éxi ihnchi.
Ti huéso̱eni la tiín, síche éxi xrinta.
4Ti a̱séni la náxrjónhña itjen,
itjen éxi ijnko kayoa tsíxámá xi̱kaha,
hasta kꞌuitjáñeheni, í niehñani.
5Tꞌáváni, tsjánkani
la tsíxámá ti huéso̱eni.
6Nóaxi̱n itjeni éxi yóhe̱ ijnko kontakíto̱ siín nte̱je̱
o̱ éxi konchi̱a̱ jehó itjen ti chjasin tsíkꞌo̱ya̱.
7Xrokjuahya tꞌajuani, jehó tjetsjeheni.
Itjeni éxi ijnko koxroxe nóaxi̱n itjen chritaón nchia.
8Kaín ña̱o ti sin nínkaon xritjeyá ti jeheni.
Tꞌákje̱xi̱n sin ihni̱éni, ncheno̱to̱n sin ti jeheni.
9Ti chrókjonieni nio la éxi nteso inieni.
A̱ndá ti nkehe itꞌini la sítꞌixinkíkjaxin nda̱koni.
10Jaha mé imá kónínkaoan.
Jaha kjuánjua kjuachaxin imá kuékꞌe̱to̱ani,
a̱ndá chrꞌéxi̱n la jaha kuakítsjehéni ti kjuachaxin.
11A̱ndá ti ña̱o kuènténi la kꞌuatsínka
éxi ijnko itsꞌuan ó,
la ko tinkáxámáni éxi ijnko kayoa.
12A̱ndá jaha, Itꞌéni Díos, mé této̱an nkochríxín.
Ti ihni̱á mé nkochríxín tsoxraxinkaon chojni.
13Ijnko ña̱o jaha mé tsi̱konoéhé ti chjasin Jerusalén,
mé ó kui ti ña̱o a,
ó kjuixraká ti hora.
14Ti sin tꞌaha ixra̱ tjue̱he ti chjasin Jerusalén,
la tꞌává sin kixin tsíxika ti tja̱tꞌo̱ la ko ti chjasin.
15A̱ndá ti sin siín chjasintajni la tsochrako̱he̱n sin ti ihni̱á, jaha Díos
la ko kaín ti sin rey siín chjasintajni
tsjikosáyehe sin ti kjuachaxin kuèntá.
16Kixin jaha si̱chꞌéna ti chjasin Jerusalén ínaá
la ko tsjáko̱xian ti kjuachaxin kuèntá.
17Jaha tsjánjua ti nkehe tjanchia ti sin nóa,
jehya chrókuahya kuentá ti nkehe tjanchia sin.
18Janhan ikjian tíhi kixin sinchekuáxin ti sin itsi chrꞌéxi̱n;
kixin ti sin tíjie tsokjíhi la tsjikosáyehe sin Itꞌéni Díos.
19Ndesi ti imá noi itjen Díos
la tsjehe chꞌan ti chjasintajni
20kixin kuíhin chꞌan tꞌéya ti sin tjejóchjina,
la kjuínchekaá chꞌan ti sin tjejótjasóte chrókꞌuen.
21Kixin ti sin chjasin Jerusalén chróchronka sin ihni̱é Itꞌéni Díos
la chrókjuikosáyehe sin chꞌan
22ti ó kaín chojni chjasintajni tso̱nkotsé sin
la nkoko̱a tsjikosáyehe sin Díos.
23Díos la kjua̱tse̱n ti kjuachaxin kꞌuéchóntani,
la ko kuakitsje chꞌan iso ti ña̱o na̱xa̱ chrókjuákꞌeni.
24A̱ndá ndáchroni:
“Díos kuènténi, takítsjéhyani iso ti ña̱o na̱xa̱ chrókjuákꞌeni,
kixin ti nánó kuèntá la chóntahya nketí tsjeje̱xin.”
25 #
He. 1:10-12. *Ti xránkíxixín jaha la kjui̱chꞌéna chjasintajni
la ko tsíkji̱chꞌéna ti nka̱jní.
26A̱ndá kaín tíha la tsꞌitjáña,
a̱ndá jaha la nkochríxín itjen.
Kaín tíha la tso̱ntaxin éxi ijnko ika tꞌinkáya chojni xi̱kaha tso̱hen.
A̱ndá jaha mé tsjínkiá tíha éxi chrókjuánjua ika ni̱xin
chrókjuitóxi̱n chojni.
27A̱ndá jaha la tꞌixitóxi̱nhña
la ko ti nánó kuèntá la tjeje̱hya.
28Xje̱en ti nkexro tꞌaha ixra̱ la tsꞌejóko̱a sin
la ko ti sin tsꞌaxrjeníxin sin kja̱xin tsꞌejó sin ti itjen jaha.
Currently Selected:
Salmos 102: poeNTplus
Highlight
Share
Compare
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
