Proverbios 26
26
1Éxi tꞌániá chrintá ti ncha̱kuén sóa
o̱ chrókꞌuaniá ichrin ti ña̱o tsotjá chojni
mé xi̱kaha ti chrókjuikosáyeheni ti chojni lo̱nti̱.
2Éxi ti koxéva sátsji va o̱ éxi ti golondrina xritjaká va,
mé xi̱kaha ti chojni tjanchajihi̱n ijnko chojni, la ó chónkó tíha.
3Ti ntasé mé tsꞌekoxín ti koka̱te̱,
a̱ndá irꞌua ti kolócho la tꞌinka chika freno,
mé xi̱kaha ti chojni lo̱nti̱ la ijnko ntasé tsꞌekoxín.
4Chrokjuáte̱ehya ijnko nkehe lo̱nti̱ ti nkehe nixja ti chojni lo̱nti̱
kixin ti tsjate̱hé la tsꞌóna éxi jehe sin.
5Chrokjuáte̱hé ijnko nkehe ndoá ti chrónixja̱ha ti chojni lo̱nti̱,
ndá xi̱kaha sinchenkehya sin kixin imá nohe sin.
6Éxi ijnko chojni chrókóchríjin to̱té
mé xi̱kaha ti nkexro ichrꞌán ijnko chojni lo̱nti̱ sátsjichronka nkojín nkehe kóhen.
7Ijnko chojni xrokjuahya itji, la kjínhña sátsji,
mé xi̱kaha ti kjuaxrexinkaon, ijnko chojni lo̱nti̱ la chꞌehya ixra̱.
8Ti chrókjuikosáyeheni ijnko chojni lo̱nti̱ la chónkó tíha
éxi ijnko ixro̱ chrókꞌuite nkaya ti hno̱xro̱nchísén la xitjahya sátsji.
9Éxi jnko chojni tsékoan tsíkꞌinhi̱n itja ijnko ichꞌi̱
mé xi̱kaha ti nkehe nixja ijnko chojni lo̱nti̱ la chónkó.
10Éxi ijnko nkexro xraá flecha ncheníexín kaín ti nkexro tꞌatsínka nti̱a
mé xi̱kaha ti nkexro chjéhe ixra̱ jnko chojni lo̱nti̱ o̱ chojni xriyéhi.
11 #
2Pe. 2:22. *Éxi ti koni̱a̱ ikjan inie ti nkehe tꞌókjan
mé xi̱kaha ti chojni lo̱nti̱ la ikjan ichꞌe ti nduáhya ínaá.
12¿Á kꞌuíkuan ijnko chojni tjenka̱yáxin kixin imá nohe ní?
Ícha jína chrókjoni ijnko nkexro lo̱nti̱ ke ti nkexro a.
13Ti chojni séhe la chꞌia ndáchro:
“Nti̱a la siín koxra̱ tjinkaon sinie chojni.”
14Ijnko puerta la jehó xitje̱he̱ la ko tꞌikjéhe̱
mé xi̱kaha ti chojni séhe la jehó xrachjehen la ko xrakja̱ña chritaón ti càmé.
15Ti nkexro séhe la itsé ti nkehe tjinká plato,
kjánchó séhe chróchrꞌaxehen irꞌua.
16Ti chojni séhe la tjenka̱yáxin kixin a̱ntsí nohe
ke yato ti chojni a̱ntsí nohe tjáte̱he kaín nkehe.
17Ti tsjiaté ijnko kjuanínkaon ókjé
la éxi chrókꞌuitja̱tsehén ndatsjon ijnko koni̱a̱ imá jie̱he.
18Éxi ijnko chojni loco itꞌe
flecha síchrꞌákjen xrohi tsꞌenxín chojni,
19mé xi̱kaha ti nkexro chꞌiyehe ti nkexro tꞌiton
ndá chrꞌéxi̱n tsondáchro kixin kaín tíha la jehó ijnko kjuatsítán ó.
20Ti kohya ni̱o la tsꞌanka ti xrohi
la ti kohya ti nkexro imá xriko kjuachꞌia la tsꞌitjáña ti kjuanínkaon.
21Ti chꞌoni la tꞌóna xrinta; ti ni̱o la tꞌákjen xrohi
mé xi̱kaha ti tjajo̱n chojni la tji̱xi̱n ti kjuanínkaon.
22Ti kjuachꞌia xriko chojni la éxi ijnko nkehe imá náxrjón inie chojni,
kjánchó tíha la ncheníhi ti jehe sin.
23Éxi ti plata tsíkjimá ijnko ichi̱
mé xi̱kaha ti nkehe náxrjón nixja ti chojni jínahña, kjánchó chaxínhña.
24Ti nkexro nínkaon la chꞌiyaxón jína nixja,
kjánchó nkaya a̱sén la tjenka̱yáxin ti nkehe jínahña sichꞌe.
25Chrokuitekákonhña kjónté imá jína chrónixja sin
kixin ti nkehe tjenka̱yáxin sin la jehó nkehe jínahña.
26Kjónté tjinkaon sin sinchemá sin ti kjuanínkaon chónta sin,
la chrꞌéxi̱n la kaín chojni tso̱nohe tíha.
27Ti nkexro takjenkehe ijnko tòye̱ la tíha tsꞌánótje̱ñá;
a̱ndá ti nkexro nchenkájin ijnko ixro̱ la tíha tsoxratja.
28Ti nkexro chꞌia la ncheníhi ti nkexro kjuíchꞌiyehe;
la ti chojni chꞌiyehe iso chojni la tíha tsꞌitjáñaxín sin.
Currently Selected:
Proverbios 26: poeNTplus
Highlight
Share
Compare
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
