Hebreos 8
8
Ncha̱tꞌá kuènté ti nkehe ni̱xin
1 #
Sal. 110:1. *A̱ndá ti nkehe tjetoan chrónkani mé tíhi, kixin chóntani ijnko ncha̱tꞌá tꞌe̱to̱an la tetja̱xi̱n chꞌan ti tja chjina kuènté Díos tꞌe̱to̱an nkaya nka̱jní. 2Tíha mé ijnko ncha̱tꞌá tꞌe̱to̱an ti ni̱nko chaxín tsíkjichꞌéna Díos, jehya chojni tsíkjichꞌéna. 3Kaín ncha̱tꞌá tꞌe̱to̱an tsíkꞌayéhe̱ ti ixra̱ la tjajon sin iko itsꞌen la ko iso nkehe tsꞌáyéhe̱ Díos. Méxra̱ Jesucristo ticháxi̱n tsjajon chꞌan nkehe kja̱xin. 4Ti na̱xa̱ chrókjuákꞌe chꞌan chjasintajni, la chrókꞌónahña chꞌan ncha̱tꞌá kixin na̱xa̱ siín ncha̱tꞌá tjajon ti nkehe tꞌe̱to̱an ti ley kjuajon Moisés. 5#Ex. 25:40.*A̱ndá ti sin ncha̱tꞌá kꞌuékjajon nkehe tóyóhó ti nkehe siín nkaya nka̱jní. Noheni kixin ó tóyóhó tíha kixin ti ó sichꞌéna Moisés ijnko ni̱nko la nixja Díos ndáchro: “Tsjehé jína, ndá chꞌéna ti ni̱nko éxi kjuákohá chritaón ti ijna̱.” 6A̱ndá ti ixra̱ kꞌuáyéhe̱ ti ncha̱tꞌá kuènténi la a̱ntsí jína, kixin jehe chꞌan mé ti nkexro nixja̱xi̱n ti kjuachaxin ni̱xin la xi̱kaha tsíchronka Díos ti nkehe a̱ntsí jína tsjajon chꞌan chrꞌéxi̱n.
Ti nkehe kꞌue̱to̱an Díos ósé
7Ti chróxiteyá jína ti nkehe tsíkꞌe̱to̱an Díos sa̱oxín, la tsicháxi̱nhña chrókui ti yóxin kjuachaxin kꞌue̱to̱an chꞌan. 8#Jer. 31:31-34.*Kjánchó kjuínchexiteyáhya sin, méxra̱ ndáchro xroon itén Díos:
Ndáchro Díos: Itsi íjnko ña̱o
mé tsjánjua ijnko kjuachaxin ni̱xin sinchexiteyá ti sin chjasin Israel la ko ti sin Judá.
9Tíhi la jehya éxi ti kuétua̱ha̱n ti sin tsíkꞌaxrjeníxinra
tió kꞌuaxrjexín sin Egipto,
kjánchó kjuínchexiteyáhya sin ti nkehe kuétua̱ha̱n sin,
méxra̱ kui̱to̱ha̱ sin, ichro Díos.
10Ti nkehe ni̱xin tsétua̱nha̱n ti chjasin Israel chrꞌéxi̱n, mé tíhi:
Janhan si̱ntaxráxinka̱oan sin ti ley kixin tsꞌitjáñehña sin,
la ko tsochónta a̱sén sin ti nkehe tsétua̱nha̱n sin.
La janhan tsꞌóna Díos kuènté sin,
la jehe sin tsꞌóna sin chjasin kuénta̱na.
11La í ninkexró tsicháxi̱nhña tsja̱ko̱he̱ kícho
nkexrín tsochóxin ti janhan;
kixin kaín sin tsochóxin sin ti janhan,
kjónté ti sin na̱xa̱ chájan la o̱ ti sin ó táda.
12Janhan si̱ntakꞌitjáña ti ijie̱ kjuasin sin
la í tsoxraxinka̱konhña.
13Ti ó nixja Díos kuènté ti kjuachaxin ni̱xin kꞌuáyéhe̱ni la í chꞌehya ixra̱ ti kjuachaxin tsíkꞌe̱to̱an chꞌan ósé, tíha mé tinkákóntaxin la í séhya ndá tsꞌitjáña.
Currently Selected:
Hebreos 8: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
