Hebreos 3
3
A̱ntsí tjetoan Ìnchéni Jesús, ke Moisés
1A̱ndá jahara kíchóni, ó kjuintatjóára Díos, la kꞌuéya̱hára chꞌan kixin tsꞌónara xje̱en chꞌan, la jína chróxraxinkáonra kixin Díos ichrꞌán Jesucristo, ti ncha̱tꞌá tꞌe̱to̱an, ti nkexro titekaoni. 2#Nm. 12:7.*Ìnchéni Jesús mé jína kuitekakohen Díos, ti nkexro tsíkjeyá ti jehe chꞌan kixin sichꞌehe chꞌan ixra̱, éxi kja̱xin Moisés la jína kjuíchꞌe ixra̱, kꞌuayakohen ti ndo̱e Díos. 3Kjánchó Jesús a̱ntsí chrókꞌuáyéhe̱ kjuasàya ke chꞌin Moisés, kixin xi̱kaha a̱ntsí tjikosáyehe chojni ti nkexro chꞌéna ijnko nchia, a̱ndá ti nchia la náhí. 4Nkojnko nchia tsíkꞌóna la ijnko chojni tsíkjichꞌéna, a̱ndá kaín ti nkehe siín chjasintajni mé Díos kjuíchꞌéna. 5Méxra̱ Moisés la jína kjuíchꞌe ixra̱, kꞌuayakohen ti nchia kuènté Díos. Ti ixra̱ kjuíchꞌe chꞌan mé kꞌuénixja chꞌan kuènté ti nkehe tsochronka Díos chrꞌéxi̱n. 6A̱ndá Cristo mé ti Xje̱en Díos, la jína kjuínchexiteyá chꞌan la kꞌuayakohen chꞌan ti nchia kuènté Díos, la tíha mé kaíni, kixin ndoá chrókꞌuejóni chrókuinkáchónkini chꞌan ndá tso̱chéhe̱ni kixin tsꞌáyéhe̱ni ti nkehe tjejóchóheni.
Ti tso̱kꞌéhe ti chjasin kuènté Díos
7 #
Sal. 95:7-11. *Méxra̱ éxi ndáchro Ncha̱kuén Díos:
Ti ijie chrókuihínra ti nkehe ndáchro Díos,
8la chrókjui̱nchecháhyara a̱sánra éxi kjuíchꞌe ti sin ósé,
kuitekakuenhña sin Díos ti kꞌuejó sin nte̱je̱
la kjuínchekonínkaon sin Díos.
9Mé xi̱kaha ti sin tsíkꞌaxrjeníxinra mé kuítekakonhña sin,
kjónté cuarenta nánó kꞌuíkon sin ti nkehe kjui̱tꞌa.
10Méxra̱ kónínka̱koha̱n sin,
la ndáxrja̱n: “Nkochríxín xrichròe sin,
la tjinkakonhña sin tsochóxin sin ti nti̱a kuénta̱na.”
11Méxra̱ janhan kónínka̱konha̱n sin, la ndátjan sin
kixin chaxín tsoxiteyá ti nkehe ndáxrja̱n,
kixin xitjahya tsꞌatsínka sin tso̱kꞌéhe sin ti nonte chrókjuánjua.
12Kíchóni, tsjehéra jína kixin nijnkora chrókjuénka̱yáxinhñara ti nkehe jínahña, ndá chrókui̱to̱héra ti Díos tjechón. 13Méxra̱ chrókócháhara, chrónixjehéra kichuara kaín ña̱o ti na̱xa̱ siín kjuachaxin, kixin nijnkora na̱xa̱ chrókjuénka̱yáxinra chrókjuásinra ijie̱ la ko í chróndáchrohya a̱sánra na̱xa̱ chrókónínkáonra. 14A̱ndá ti ndoá tsꞌejóni éxi ti xránkíxixín, ndá ti ó tsjixraká ti ña̱o tsjixixín, ndá jína tsꞌejókoni Cristo.
15 #
Sal. 95:7, 8. *Mé xi̱kaha ndáchro xroon itén Díos:
Ti ijie chrókuihínra ti nkehe ndáchro Díos,
la chrókjui̱nchecháhyara a̱sánra éxi kjuíchꞌe ti sin ósé kuitekakuenhña sin Díos.
16 #
Nm. 14:1-35. *¿Nkexro ti sin kuíhin itén Díos, a̱ndá kuítekakonhña sin? ¡Kaín ti sin tsíkakítsjexín Moisés ti nonte Egipto! 17A̱ndá, ¿nkexro kónínkakohen Díos ti cuarenta nánó? ¿Á jehya ti sin kjuasin ijie̱, la kꞌuénxin sin nte̱je̱ ní? 18A̱ndá, ¿nkexro ndáche Díos kixin chaxín tsꞌatsínkahya sin tso̱kꞌéhe sin ti nonte tsjajon chꞌan? ¿Á jehya ti sin kuítekakonhña ní? 19Méxra̱ ó tꞌikoni kixin xrokjuahya kꞌuatsínka sin kixin kuitekakuenhña sin Díos.
Currently Selected:
Hebreos 3: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Hebreos 3
3
A̱ntsí tjetoan Ìnchéni Jesús, ke Moisés
1A̱ndá jahara kíchóni, ó kjuintatjóára Díos, la kꞌuéya̱hára chꞌan kixin tsꞌónara xje̱en chꞌan, la jína chróxraxinkáonra kixin Díos ichrꞌán Jesucristo, ti ncha̱tꞌá tꞌe̱to̱an, ti nkexro titekaoni. 2#Nm. 12:7.*Ìnchéni Jesús mé jína kuitekakohen Díos, ti nkexro tsíkjeyá ti jehe chꞌan kixin sichꞌehe chꞌan ixra̱, éxi kja̱xin Moisés la jína kjuíchꞌe ixra̱, kꞌuayakohen ti ndo̱e Díos. 3Kjánchó Jesús a̱ntsí chrókꞌuáyéhe̱ kjuasàya ke chꞌin Moisés, kixin xi̱kaha a̱ntsí tjikosáyehe chojni ti nkexro chꞌéna ijnko nchia, a̱ndá ti nchia la náhí. 4Nkojnko nchia tsíkꞌóna la ijnko chojni tsíkjichꞌéna, a̱ndá kaín ti nkehe siín chjasintajni mé Díos kjuíchꞌéna. 5Méxra̱ Moisés la jína kjuíchꞌe ixra̱, kꞌuayakohen ti nchia kuènté Díos. Ti ixra̱ kjuíchꞌe chꞌan mé kꞌuénixja chꞌan kuènté ti nkehe tsochronka Díos chrꞌéxi̱n. 6A̱ndá Cristo mé ti Xje̱en Díos, la jína kjuínchexiteyá chꞌan la kꞌuayakohen chꞌan ti nchia kuènté Díos, la tíha mé kaíni, kixin ndoá chrókꞌuejóni chrókuinkáchónkini chꞌan ndá tso̱chéhe̱ni kixin tsꞌáyéhe̱ni ti nkehe tjejóchóheni.
Ti tso̱kꞌéhe ti chjasin kuènté Díos
7 #
Sal. 95:7-11. *Méxra̱ éxi ndáchro Ncha̱kuén Díos:
Ti ijie chrókuihínra ti nkehe ndáchro Díos,
8la chrókjui̱nchecháhyara a̱sánra éxi kjuíchꞌe ti sin ósé,
kuitekakuenhña sin Díos ti kꞌuejó sin nte̱je̱
la kjuínchekonínkaon sin Díos.
9Mé xi̱kaha ti sin tsíkꞌaxrjeníxinra mé kuítekakonhña sin,
kjónté cuarenta nánó kꞌuíkon sin ti nkehe kjui̱tꞌa.
10Méxra̱ kónínka̱koha̱n sin,
la ndáxrja̱n: “Nkochríxín xrichròe sin,
la tjinkakonhña sin tsochóxin sin ti nti̱a kuénta̱na.”
11Méxra̱ janhan kónínka̱konha̱n sin, la ndátjan sin
kixin chaxín tsoxiteyá ti nkehe ndáxrja̱n,
kixin xitjahya tsꞌatsínka sin tso̱kꞌéhe sin ti nonte chrókjuánjua.
12Kíchóni, tsjehéra jína kixin nijnkora chrókjuénka̱yáxinhñara ti nkehe jínahña, ndá chrókui̱to̱héra ti Díos tjechón. 13Méxra̱ chrókócháhara, chrónixjehéra kichuara kaín ña̱o ti na̱xa̱ siín kjuachaxin, kixin nijnkora na̱xa̱ chrókjuénka̱yáxinra chrókjuásinra ijie̱ la ko í chróndáchrohya a̱sánra na̱xa̱ chrókónínkáonra. 14A̱ndá ti ndoá tsꞌejóni éxi ti xránkíxixín, ndá ti ó tsjixraká ti ña̱o tsjixixín, ndá jína tsꞌejókoni Cristo.
15 #
Sal. 95:7, 8. *Mé xi̱kaha ndáchro xroon itén Díos:
Ti ijie chrókuihínra ti nkehe ndáchro Díos,
la chrókjui̱nchecháhyara a̱sánra éxi kjuíchꞌe ti sin ósé kuitekakuenhña sin Díos.
16 #
Nm. 14:1-35. *¿Nkexro ti sin kuíhin itén Díos, a̱ndá kuítekakonhña sin? ¡Kaín ti sin tsíkakítsjexín Moisés ti nonte Egipto! 17A̱ndá, ¿nkexro kónínkakohen Díos ti cuarenta nánó? ¿Á jehya ti sin kjuasin ijie̱, la kꞌuénxin sin nte̱je̱ ní? 18A̱ndá, ¿nkexro ndáche Díos kixin chaxín tsꞌatsínkahya sin tso̱kꞌéhe sin ti nonte tsjajon chꞌan? ¿Á jehya ti sin kuítekakonhña ní? 19Méxra̱ ó tꞌikoni kixin xrokjuahya kꞌuatsínka sin kixin kuitekakuenhña sin Díos.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.