Hebreos 2
2
Chrokuihini jína ti itan tsaáxini
1Méxra̱ ticháxi̱n a̱ntsí jína chrókienxíni ti itan jína kuíhini senó kixin xi̱kaha tsíto̱ehyani ti nti̱a ó kuákjani. 2Ti itan tsíchronka ti sin ángel ósé la chaxín tíha, a̱ndá ti sin kuítekakonhña la kjuasóte sin kixin ti nkehe nduáhya kjuíchꞌe sin. 3Ndá, ¿nkexrín chrókuaáni ti chrókuitekakonhñani ti itan jína tsaáxini? Méxra̱ Ìnchéni tsíchronka sa̱o nkexrín tsaáni, ndá chrꞌéxi̱n kaín ti sin tsíkihin mé kjuako sin kixin chaxín tíha. 4Kja̱xin Díos chrónkaxín kixin chaxín ti itan i kixin kjua̱ko̱xi̱n chꞌan itsjé kjuaxroan la ko kjuínchekito̱he chꞌan jína itsjé chojni. Kja̱xin kjuajon chꞌan ti Ncha̱kuén chꞌan tsꞌáyéhe̱ni éxi tjinkaon chꞌan.
Jesucristo kꞌóna éxi chojni chjasintajni
5Díos la chjéhya kjuachaxin ti sin ángel kixin tsꞌe̱to̱an ti chjasintajni ni̱xin tsjakꞌe chrꞌéxi̱n, tjejótjoni ijie. 6#Sal. 8:4-6.*Náhí. Méxra̱ ndáchro jnko nkexro ti xroon itén Díos:
¿Xá nkexro ti chojni, kixin xráxinkaoan ti jehe sin?
Kixin ti chojni la chóxin itsꞌen,
¿ndá nkekuènté imá tóxakohan ti jehe sin?
7Kjánchó kꞌuíkua̱n ti jehe chꞌan éxi jnko nkexro kanhñó sínkí ke ti sin ángel,
la imá kjuikosáyehé chꞌan
la kjuánjua kjuachaxin kixin tsꞌe̱tue̱hen chꞌan kaín ti nkehe tsíkji̱chꞌénaxián itjá.
8Jaha kuéto̱an kixin kaín nkehe tsitekakohen ti jehe chꞌan.
Mé xi̱kaha tsíchjéhe Díos kjuachaxin kixin chrókꞌue̱tue̱hen chꞌan kaín nkehe, la Díos kuíto̱ehya ninkehó nkehe kixin chrókuitekakuenhña ti jehe chꞌan. Kjánchó ijie la na̱xa̱ tꞌikonhñani kixin kaín nkehe nchexiteyéhe ti jehe chꞌan. 9Kjánchó Díos kꞌuíkon Jesús éxi ijnko chojni kanhñó tjetoan ke ti sin ángel, kjánchó jehya nkochríxín. Díos mé imá tjue̱he kaín chojni, ndá tjinkaon chꞌan kixin Jesús chrókꞌuenyákohe̱n chꞌan kaín sin. La ijie Jesús mé kꞌuáyéhe̱ ti kjuachaxin ijié la ko kaín kjuasàya kixin kjuasóte chꞌan la ko ikꞌuén chꞌan.
10Méxra̱ kaín ti nkehe siín la kuènté Díos kixin ti kjuachaxin kuènté chꞌan mé síxin kaín ti nkehe síchón.
A̱ndá Díos tjinkaon kixin kaín xje̱en chꞌan la chrókꞌuejó sin ti tjetꞌe̱to̱anxín chꞌan. Méxra̱ kjuajon chꞌan kjuachaxin kixin kjuasóte Ìnchéni Jesucristo, ndá xi̱kaha kjua̱ko̱xi̱n chꞌan kixin jína tsaáxini ti jehe chꞌan. 11Kaín ti sin ó tsíkótjóá la ko ti nkexro kjuínchetjóá ti jehe sin mé chónta sin nkoko̱a Itꞌé sin, Díos. Méxra̱ ti Xje̱en Díos la tósuèhya tsondáchro kixin kícho chꞌan ti jeheni. 12#Sal. 22:22.*Éxi ndáchro ti xroon itén Díos:
Tsochenkani ti sin kíchóni nkexrín itjen jaha,
la ko tsjikosáyahani la ko tsotsjeni ti tónkotsé kaín ti sin kíchóni.
13 #
Is. 8:17;
Is. 8:18. *La ko kja̱xin ndáchro:
Janhan la titeka̱oan Díos. La ko kja̱xin ndáchro:
Ntihi tjéki̱a̱n ti sin kjuajon Díos.
14Éxi ti xje̱en ijnko chojni mé nkoko̱a kícho sin, kixin kꞌónaxín into la ko ijni̱; mé xi̱kaha Ìnchéni Jesús kꞌóna into la ko ijni̱, la xi̱kaha kꞌóna chꞌan chojni chjasintajni kixin jína itsꞌen chꞌan la ko jína sinchekꞌitjáña chꞌan ti kjuachꞌén#2:14 kjuachꞌén muerte mé tíha ti jínahña. 15Mé xi̱kaha ikꞌuén Ìnchéni kixin jína tsaáxin kaín chojni, kixin kꞌuéchrákon sin kuekꞌejó sin éxi ijnko chojni tjechjina kixin chrakon sin itsꞌen sin nkojín ña̱o. 16#Is. 41:8, 9.*Kixin Jesús kuihya kixin tsjinki̱tsa ti sin ángel. Ikui kixin tsjinki̱tsa ti sin tsíkꞌaxrjeníxin Abraham. 17Mé xi̱kaha ticháxi̱n chrókóyóhe̱ Ìnchéni Jesús éxi ti sin kícho chꞌan, kixin tsꞌóna chꞌan ncha̱tꞌá tꞌe̱to̱an kuènté Díos, la tsi̱konoéhe̱ chꞌan ti jehe sin, ndá xi̱kaha jína tsja̱tse̱n chꞌan iji̱é kaín chojni kixin kꞌuenyákohe̱n chꞌan ti jehe sin. 18Ìnchéni Jesús mé kjuasóte la ti Jínahña tjinkaon chrókjuachròe ti jehe chꞌan kixin chrókjuasin chꞌan ijie̱, kjánchó kjuachahya. Méxra̱ ijie ti ó chrókjuachròe ti Jínahña ti chojni la Jesús jína tsjinki̱tsehe chꞌan kaín sin.
Currently Selected:
Hebreos 2: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Hebreos 2
2
Chrokuihini jína ti itan tsaáxini
1Méxra̱ ticháxi̱n a̱ntsí jína chrókienxíni ti itan jína kuíhini senó kixin xi̱kaha tsíto̱ehyani ti nti̱a ó kuákjani. 2Ti itan tsíchronka ti sin ángel ósé la chaxín tíha, a̱ndá ti sin kuítekakonhña la kjuasóte sin kixin ti nkehe nduáhya kjuíchꞌe sin. 3Ndá, ¿nkexrín chrókuaáni ti chrókuitekakonhñani ti itan jína tsaáxini? Méxra̱ Ìnchéni tsíchronka sa̱o nkexrín tsaáni, ndá chrꞌéxi̱n kaín ti sin tsíkihin mé kjuako sin kixin chaxín tíha. 4Kja̱xin Díos chrónkaxín kixin chaxín ti itan i kixin kjua̱ko̱xi̱n chꞌan itsjé kjuaxroan la ko kjuínchekito̱he chꞌan jína itsjé chojni. Kja̱xin kjuajon chꞌan ti Ncha̱kuén chꞌan tsꞌáyéhe̱ni éxi tjinkaon chꞌan.
Jesucristo kꞌóna éxi chojni chjasintajni
5Díos la chjéhya kjuachaxin ti sin ángel kixin tsꞌe̱to̱an ti chjasintajni ni̱xin tsjakꞌe chrꞌéxi̱n, tjejótjoni ijie. 6#Sal. 8:4-6.*Náhí. Méxra̱ ndáchro jnko nkexro ti xroon itén Díos:
¿Xá nkexro ti chojni, kixin xráxinkaoan ti jehe sin?
Kixin ti chojni la chóxin itsꞌen,
¿ndá nkekuènté imá tóxakohan ti jehe sin?
7Kjánchó kꞌuíkua̱n ti jehe chꞌan éxi jnko nkexro kanhñó sínkí ke ti sin ángel,
la imá kjuikosáyehé chꞌan
la kjuánjua kjuachaxin kixin tsꞌe̱tue̱hen chꞌan kaín ti nkehe tsíkji̱chꞌénaxián itjá.
8Jaha kuéto̱an kixin kaín nkehe tsitekakohen ti jehe chꞌan.
Mé xi̱kaha tsíchjéhe Díos kjuachaxin kixin chrókꞌue̱tue̱hen chꞌan kaín nkehe, la Díos kuíto̱ehya ninkehó nkehe kixin chrókuitekakuenhña ti jehe chꞌan. Kjánchó ijie la na̱xa̱ tꞌikonhñani kixin kaín nkehe nchexiteyéhe ti jehe chꞌan. 9Kjánchó Díos kꞌuíkon Jesús éxi ijnko chojni kanhñó tjetoan ke ti sin ángel, kjánchó jehya nkochríxín. Díos mé imá tjue̱he kaín chojni, ndá tjinkaon chꞌan kixin Jesús chrókꞌuenyákohe̱n chꞌan kaín sin. La ijie Jesús mé kꞌuáyéhe̱ ti kjuachaxin ijié la ko kaín kjuasàya kixin kjuasóte chꞌan la ko ikꞌuén chꞌan.
10Méxra̱ kaín ti nkehe siín la kuènté Díos kixin ti kjuachaxin kuènté chꞌan mé síxin kaín ti nkehe síchón.
A̱ndá Díos tjinkaon kixin kaín xje̱en chꞌan la chrókꞌuejó sin ti tjetꞌe̱to̱anxín chꞌan. Méxra̱ kjuajon chꞌan kjuachaxin kixin kjuasóte Ìnchéni Jesucristo, ndá xi̱kaha kjua̱ko̱xi̱n chꞌan kixin jína tsaáxini ti jehe chꞌan. 11Kaín ti sin ó tsíkótjóá la ko ti nkexro kjuínchetjóá ti jehe sin mé chónta sin nkoko̱a Itꞌé sin, Díos. Méxra̱ ti Xje̱en Díos la tósuèhya tsondáchro kixin kícho chꞌan ti jeheni. 12#Sal. 22:22.*Éxi ndáchro ti xroon itén Díos:
Tsochenkani ti sin kíchóni nkexrín itjen jaha,
la ko tsjikosáyahani la ko tsotsjeni ti tónkotsé kaín ti sin kíchóni.
13 #
Is. 8:17;
Is. 8:18. *La ko kja̱xin ndáchro:
Janhan la titeka̱oan Díos. La ko kja̱xin ndáchro:
Ntihi tjéki̱a̱n ti sin kjuajon Díos.
14Éxi ti xje̱en ijnko chojni mé nkoko̱a kícho sin, kixin kꞌónaxín into la ko ijni̱; mé xi̱kaha Ìnchéni Jesús kꞌóna into la ko ijni̱, la xi̱kaha kꞌóna chꞌan chojni chjasintajni kixin jína itsꞌen chꞌan la ko jína sinchekꞌitjáña chꞌan ti kjuachꞌén#2:14 kjuachꞌén muerte mé tíha ti jínahña. 15Mé xi̱kaha ikꞌuén Ìnchéni kixin jína tsaáxin kaín chojni, kixin kꞌuéchrákon sin kuekꞌejó sin éxi ijnko chojni tjechjina kixin chrakon sin itsꞌen sin nkojín ña̱o. 16#Is. 41:8, 9.*Kixin Jesús kuihya kixin tsjinki̱tsa ti sin ángel. Ikui kixin tsjinki̱tsa ti sin tsíkꞌaxrjeníxin Abraham. 17Mé xi̱kaha ticháxi̱n chrókóyóhe̱ Ìnchéni Jesús éxi ti sin kícho chꞌan, kixin tsꞌóna chꞌan ncha̱tꞌá tꞌe̱to̱an kuènté Díos, la tsi̱konoéhe̱ chꞌan ti jehe sin, ndá xi̱kaha jína tsja̱tse̱n chꞌan iji̱é kaín chojni kixin kꞌuenyákohe̱n chꞌan ti jehe sin. 18Ìnchéni Jesús mé kjuasóte la ti Jínahña tjinkaon chrókjuachròe ti jehe chꞌan kixin chrókjuasin chꞌan ijie̱, kjánchó kjuachahya. Méxra̱ ijie ti ó chrókjuachròe ti Jínahña ti chojni la Jesús jína tsjinki̱tsehe chꞌan kaín sin.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.