Hebreos 1
1
Díos nixja̱xi̱n ti Xje̱en
1Ti imá ósé mé Díos nixje̱he̱ ti sin tsíkꞌaxrjeníxini, nkoya̱xón nixja chꞌan la ko nchónhña nkehe kjua̱ko̱xi̱n chꞌan kixin chrókienxín chojni; nixja̱xi̱n chꞌan ti sin kꞌuéchronka itén Díos ósé. 2A̱ndá ijie ti ña̱o tsjixixín la Díos ichrꞌán ti Xje̱en kixin tsochronkaxín ti itén Díos tsihini. Kjuachaxíen Díos la ko ti xje̱en chꞌan mé kꞌónaxín nka̱jní la ko chjasintajni la ko kaín ti nkehe siín, la ti xje̱en Díos mé tsꞌáyéhe̱ kaín tíha. 3Ti Xje̱en Díos mé tꞌinkaséñaxín ti kjuachaxin kuènté Díos, la ko éxi itjen Díos, itjen chꞌan. Méxra̱ ti xje̱en chꞌan tꞌayakohen kaín ti nkehe siín kixin ti kjuachaxin ijié chónta ti itan nixja chꞌan. La ti kjuixin kjuínchetjóá chꞌan ti ijie̱ chóntani, ndá sákjui̱ chꞌan kjuákꞌetja̱xi̱n chꞌan ti itja chjina kuènté Díos.
Ti Xje̱en Díos mé imá tꞌe̱to̱an, ke ti sin ángel
4Ti Xje̱en Díos mé kꞌuáyéhe̱ kaín kjuachaxin kixin tsꞌe̱tue̱hen ti sin ángel, kixin ti ihni̱é chꞌan tja̱ko̱xi̱n kixin a̱ntsí chónta chꞌan kjuachaxin, ke ti sin ángel. 5#Sal. 2:7; 2Sam. 7:14; 1Cr. 17:13.*Kixin Díos la chénkahya nijnko ángel:
Jaha mé Xja̱na,
la ndesi ijie janhan mé ti Itꞌá.
La ko chenkahya Díos nijnko ti sin ángel:
Janhan tsꞌóna Itꞌá,
la ko jaha mé tsꞌóna xja̱na.
6 #
Dt. 32:43. *Méxra̱ ti ó ichrꞌán Díos ti nkoko̱axón Xje̱en ti chjasintajni, la ndáchro:
Kaín ti ángel kuénta̱na tsjikosáyehe ti xja̱na.
7 #
Sal. 104:4. *La nixja Díos kuènté ti sin ángel, ndáchro:
Ti sin ángel kuénta̱na mé tsꞌóna éxi xri̱nto̱,
la ti sin chꞌehe ixra̱ ti janhan mé éxi xrohi tꞌóna.
8 #
Sal. 45:6, 7. *A̱ndá Díos ndáche ti Xje̱en:
Ti této̱an, jaha Díos, mé nkochríxín
la ndoá této̱an jaha.
9Jaha tjue̱hé ti nkehe jína, a̱ndá ti nkehe jínahña la tóxriànhña.
Méxra̱ Díos tsíkjeyá ti jaha,
la ko ti Díos kuèntá imá kjuintacháha ke ti íso sin kꞌuájiko̱a.
10 #
Sal. 102:25-27. *Kja̱xin ndáchro:
Ìnchéni, ti xránkíxixín la jaha kjui̱chꞌéna chjasintajni,
la ko itjá kjui̱chꞌénaxián nka̱jní.
11Kaín ti nkehe la tsꞌitjáña, kjánchó jaha la nkochríxín tsjakꞌe.
Kaín ti nkehe la tsinkákjeje̱ éxi iké chojni xi̱kaha,
12la ko éxi ika tsoxrátꞌo̱ kixin ó tsíkjeje̱,
la ko tsꞌixitoxi̱n éxi ijnko chojni tjitóxi̱n iké.
Kjánchó jaha la tsꞌixitóxinhña,
jaha la tsjakꞌe nkochríxín.
13 #
Sal. 110:1. *Díos la chenkahya nijnko ángel:
“Tjakꞌétja̱xian ti tjaná chjina ti této̱anxián janhan
hasta tsjixinjña tsétua̱ha̱n kaín ti sin nínkakohan kixin tsꞌejó sin chrínkí to̱tá.”
14Kaín ti sin ángel chꞌehe Díos ixra̱ la Díos ichrꞌán ti jehe sin kixin tsjinki̱tsa kaín ti chojni tsꞌáyéhe̱ kjuachón.
Currently Selected:
Hebreos 1: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
