Hechos 28
28
Pablo itjen ti isla Malta
1Ndá ti ó kjuixin tíha, la kaíni kuaáni la kónoheni kixin ti isla mé itꞌin Malta. 2A̱ndá ti sin chjasin ntiha mé imá jína kjuínki̱tsa sin kaíni la kjuaka sin ijnko xrohi ijié kixin ntiha la imá ikin la ko sítꞌaniá ichrin. Ndá kꞌuéya sin kixin tso̱chjinani tsochjíxro̱heni. 3A̱ndá chꞌin Pablo sákjuikakja íso ni̱o xámá, kixin tsjasinkáte chꞌan ti xrohi. Ndá xrína̱hña kꞌuaxrjenkíxin ijnko konche ti xrohi kixin imá sóa, ndá kꞌuísímá la kjóniehe va ti itja chꞌin Pablo. 4Ndá ti sin chjasin ntiha kꞌuíkon sin tíha, la ikjo kícho sin, ndáchro sin:
―Kjá ti nkexro i la ijnko chojni tsíkjàya, kixin kjónté kuaá chꞌan, kꞌuénxinhña ti nda̱ñao, la Díos í tjinkakonhña na̱xa̱ tsjakꞌechón chꞌan ―ichro sin.
5A̱ndá chꞌin Pablo kꞌotsjénka itja chritaón ti xrohi la kꞌuánótjen ti konche, la kohya nkehe kóhen chꞌan. 6Ndá kaín sin tjejóchóhen sin kixin áchꞌe tsꞌatjoyé ti itja chꞌan o̱ itsꞌen chꞌan. Ndá ti ó imá isé chóhen sin ndá kꞌuíkon sin kixin kohya nkehe kóhen chꞌan, ndá kjuitóxi̱n sin ti nkehe tjenka̱yáxin sin la ndáchro sin kixin Pablo mé ijnko díos.
7Chjinaxón ti kꞌuéjoni mé itjen no̱nte̱e ijnko nkexro tꞌe̱to̱an kuènté ti isla, itꞌin Publio. Jehe chꞌan mé kjuajon chꞌan kjuachaxin kꞌuéjoni ndo̱e chꞌan la ko kjuajon chꞌan nkehe kjonieni iní ña̱o. 8A̱ndá ti itꞌé ti chꞌin Publio mé tjetsínka chꞌan cama kixin níhi chꞌan, chónta chꞌan sóa la ko chinjni̱#28:8 Chinjni̱ Disentería. Ndá chꞌin Pablo sákjuitsjehe ti nkexro a, la kjuixin nixje̱he̱ chꞌan Díos, ndá kjuakꞌetja tja chꞌan ti si̱níhi, la kuito̱he jína. 9La kja̱xin kóchjina íso ti sin níhi tjejó ti isla, la kaín sin kuito̱he sin jína. 10Ndá chéhe̱ sin la jína kjuínki̱tsa sin ti jeheni. Ndá chrꞌéxi̱n ti ó kjuixin ndá kꞌuíxeheni íjnko ntabarco, la kjuajon sin kaín ti nkehe tsichánxi̱hini ti sátsjini.
Pablo kjuíji Roma
11Ndá ó kꞌuatsínka iní nitjó kꞌuéjoni ti isla, ndá kꞌuíxeheni íjnko ntabarco tsíkito̱he ntiha kꞌuatsínkajia ti ncha̱kuén ikin. Ti ntabarco a mé tsíkji̱xi̱n Alejandría, la chónta nkehe tsíkjano̱ña ihni̱é ti díos Cástor la ko Pólux. 12Ndá kjuíjini ti puerto Siracusa la ntiha kuíto̱heni iní ña̱o. 13Ndá xíkꞌixenheni ti ntabarco la kjuíjini Regio. Ndá ti ña̱o chrꞌéxi̱n ndá kjuankíxin chjéhe xri̱nto̱ kjui̱xi̱n nó sur, ndá ti ña̱o yaáxin la kjuíjini Puteoli, ti kuíto̱he ti ntabarco. 14Ndá ntiha xétani iso kíchóni la tjinkaon sin tsꞌejókoni sin ntiha iso ña̱o. Ndá ntiha kꞌuejókoni sin ijnko semana, ndá chrꞌéxi̱n sákjuini Roma. 15Ndá ti sin kíchóni tjejó Roma la ó nohe sin kixin tsjijini. Ndá iso sin kui̱xi̱n nti̱a xétani sin la sákjuikoni sin hasta Foro Apio la ko íso sin xétani ti itꞌin iyꞌá Tabernas. Ndá ti ó kꞌuíkon chꞌin Pablo ti jehe sin la chjéhe chꞌan Díos kjuasáya, la imá kóchéhe̱ chꞌan. 16Ndá ti ó kjuíjini chjasin Roma, ndá ti capitán kjuínchekꞌayéhe̱ ti jefe ti sin tjejóchjina kixin tsꞌayakohen chꞌan. A̱ndá chꞌin Pablo la kjuajon sin kjuachaxin ókjé kjuákꞌe chꞌan, la jehó ijnko soldado ó kꞌuayakohen ti jehe chꞌan.
Pablo kjuako chjasin Roma
17Ndá ó kꞌuatsínka iní ña̱o ndá chꞌin Pablo kꞌuéye̱he̱ kaín ti sin judío tjetoan kuènté Roma. Ndá ti ó kónkotsé sin ndá ndáchro chꞌan:
―Kíchóni, kjuásinhña ninkehó ijie̱ kixin chrókónínkakohen ti sin judío ti janhan, la jehya kixin nínka̱kohan ti nkehe kꞌuékinkáchónki ti sin kꞌuaxrjeníxini. A̱ndá kjónté la itséna sin kjuakꞌechji̱na Jerusalén kixin chrókjuinchekjasótena ti sin romano. 18Ndá kꞌuitjahya sin ninkehó ijie̱ la tjinkaon sin chrókꞌuatjánta sin ti janhan kixin kohya ijie̱ chrókꞌuénxia̱n. 19#Hch. 25:11.*A̱ndá ti sin judío mé imá kónínkaon sin la na̱xa̱ tjanchia sin ijie̱. Ndá ticháxi̱n kjuánchíá kixin César chrókjuinchekito̱exín ti ijie̱ chonta, kjónté chontahya ninkehó ijie̱, kjónté tsꞌekana ijie̱ ti sin chjasin kuénta̱na. 20Méxra̱ kꞌueyahára kixin tjínka̱oan tsonixjahára kixin tinkáchónkini ti nkexro tjejóchóhen kaín ti sin israelita la xi̱kaha tꞌikonra kixin tjechrónte̱toxián ijnko cadena ntihi.
21Ndá jehe sin ndáchro sin:
―Jeheni la kꞌuáyèhyani ninkehó xroon chrókjui̱xi̱n Judea chróchronka nkehe kuèntá, la ko kuihya nijnko ti sin kíchóni judío chróndáchro sin ichrén nkehe jínahña tsíkji̱chꞌe. 22Tjinkaoni tsihini nkehe tjénka̱yáxian kixin noheni kixin itsjé chjasin tꞌándaxíhi̱n sin ti nkehe ni̱xin tjàkua ―ichro ti sin judío tjejó Roma.
23Ndá kjueyá sin ijnko ña̱o tso̱nkotsé sin kixin tsihin sin ti nkehe tsochronka Pablo. Ndá kónkotsé nchónhña chojni ti nchia kjuákꞌe chꞌan la kuenté ña̱o chrónka chꞌan nkexrín ti kjuachaxin kuènté Díos. Nixje̱he̱ chꞌan sin kixin chrókuitekaon sin ti nkehe kjuako Jesús, la chrónkaxín chꞌan kixin nkexrín nixja ti ley tsíkꞌe̱to̱an Moisés la ko ti tsíkjin ti sin profeta ósé. 24Iso sin la kuitekaon sin ti nkehe ndáchro chꞌin Pablo. A̱ndá íso sin la kuítekakonhña sin. 25Ndá nkoko̱ahya kjuénka̱yáxin sin, la iso sin sáchrokjui sin, ndá chꞌin Pablo ndáchro:
―Ndoá nixja ti nkehe chenka Ncha̱kuén Díos ti sin tsíkꞌaxrjeníxini ósé chrónkaxín profeta Isaías ndáchro:
26 #
Is. 6:9, 10. *Sátjia nixjehé ti chojni chjasin i
kixin jehe sin, kjónté tjejótihin sin, la tienxínhña sin,
kjónté tjejótsjehe sin, la tꞌikonhña sin.
27A̱ndá a̱sén ti chojni chjasin i la tsíkócha
la ti ndatsjon sin la tsíkꞌikjehe̱
la ti ikon sin la tsíkꞌikjehe̱
kixin tsꞌikonxínhña sin,
kixin kjónté tsihin sin la tsienxínhña sin ti nkehe tihin sin.
Í tjinkakonhña sin chrókjan sin chrókuinkáchónki sin ti janhan kixin chrókjui̱ntakito̱ha̱ sin jína.
28Méxra̱ tihínra jína kixin jaí la ti sin jehya judío mé tsꞌáyéhe̱ sin ti kjuachaxin tsjajon Díos tsaáxin sin kixin jehe sin mé tsihin sin.
29Ndá ti ó kuíhin sin xi̱kaha ichro chꞌin Pablo, ndá kaín sin sákjuí sin la tinkákjo kícho sin.
30Chꞌin Pablo kjuákꞌe ti nchia tsíkjen chꞌan yaá nánó. La ntiha kꞌuejó ti sin kjuíjitsjehe ti jehe chꞌan. 31La kjuako chꞌan nkexrín itjen ti kjuachaxin kuènté Díos la ko kjuako chꞌan kuènté Ìnchéni Jesucristo. La ninkexró kꞌuinkákuenhña ti nkehe kjuako chꞌan. Ótjen.
Currently Selected:
Hechos 28: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Hechos 28
28
Pablo itjen ti isla Malta
1Ndá ti ó kjuixin tíha, la kaíni kuaáni la kónoheni kixin ti isla mé itꞌin Malta. 2A̱ndá ti sin chjasin ntiha mé imá jína kjuínki̱tsa sin kaíni la kjuaka sin ijnko xrohi ijié kixin ntiha la imá ikin la ko sítꞌaniá ichrin. Ndá kꞌuéya sin kixin tso̱chjinani tsochjíxro̱heni. 3A̱ndá chꞌin Pablo sákjuikakja íso ni̱o xámá, kixin tsjasinkáte chꞌan ti xrohi. Ndá xrína̱hña kꞌuaxrjenkíxin ijnko konche ti xrohi kixin imá sóa, ndá kꞌuísímá la kjóniehe va ti itja chꞌin Pablo. 4Ndá ti sin chjasin ntiha kꞌuíkon sin tíha, la ikjo kícho sin, ndáchro sin:
―Kjá ti nkexro i la ijnko chojni tsíkjàya, kixin kjónté kuaá chꞌan, kꞌuénxinhña ti nda̱ñao, la Díos í tjinkakonhña na̱xa̱ tsjakꞌechón chꞌan ―ichro sin.
5A̱ndá chꞌin Pablo kꞌotsjénka itja chritaón ti xrohi la kꞌuánótjen ti konche, la kohya nkehe kóhen chꞌan. 6Ndá kaín sin tjejóchóhen sin kixin áchꞌe tsꞌatjoyé ti itja chꞌan o̱ itsꞌen chꞌan. Ndá ti ó imá isé chóhen sin ndá kꞌuíkon sin kixin kohya nkehe kóhen chꞌan, ndá kjuitóxi̱n sin ti nkehe tjenka̱yáxin sin la ndáchro sin kixin Pablo mé ijnko díos.
7Chjinaxón ti kꞌuéjoni mé itjen no̱nte̱e ijnko nkexro tꞌe̱to̱an kuènté ti isla, itꞌin Publio. Jehe chꞌan mé kjuajon chꞌan kjuachaxin kꞌuéjoni ndo̱e chꞌan la ko kjuajon chꞌan nkehe kjonieni iní ña̱o. 8A̱ndá ti itꞌé ti chꞌin Publio mé tjetsínka chꞌan cama kixin níhi chꞌan, chónta chꞌan sóa la ko chinjni̱#28:8 Chinjni̱ Disentería. Ndá chꞌin Pablo sákjuitsjehe ti nkexro a, la kjuixin nixje̱he̱ chꞌan Díos, ndá kjuakꞌetja tja chꞌan ti si̱níhi, la kuito̱he jína. 9La kja̱xin kóchjina íso ti sin níhi tjejó ti isla, la kaín sin kuito̱he sin jína. 10Ndá chéhe̱ sin la jína kjuínki̱tsa sin ti jeheni. Ndá chrꞌéxi̱n ti ó kjuixin ndá kꞌuíxeheni íjnko ntabarco, la kjuajon sin kaín ti nkehe tsichánxi̱hini ti sátsjini.
Pablo kjuíji Roma
11Ndá ó kꞌuatsínka iní nitjó kꞌuéjoni ti isla, ndá kꞌuíxeheni íjnko ntabarco tsíkito̱he ntiha kꞌuatsínkajia ti ncha̱kuén ikin. Ti ntabarco a mé tsíkji̱xi̱n Alejandría, la chónta nkehe tsíkjano̱ña ihni̱é ti díos Cástor la ko Pólux. 12Ndá kjuíjini ti puerto Siracusa la ntiha kuíto̱heni iní ña̱o. 13Ndá xíkꞌixenheni ti ntabarco la kjuíjini Regio. Ndá ti ña̱o chrꞌéxi̱n ndá kjuankíxin chjéhe xri̱nto̱ kjui̱xi̱n nó sur, ndá ti ña̱o yaáxin la kjuíjini Puteoli, ti kuíto̱he ti ntabarco. 14Ndá ntiha xétani iso kíchóni la tjinkaon sin tsꞌejókoni sin ntiha iso ña̱o. Ndá ntiha kꞌuejókoni sin ijnko semana, ndá chrꞌéxi̱n sákjuini Roma. 15Ndá ti sin kíchóni tjejó Roma la ó nohe sin kixin tsjijini. Ndá iso sin kui̱xi̱n nti̱a xétani sin la sákjuikoni sin hasta Foro Apio la ko íso sin xétani ti itꞌin iyꞌá Tabernas. Ndá ti ó kꞌuíkon chꞌin Pablo ti jehe sin la chjéhe chꞌan Díos kjuasáya, la imá kóchéhe̱ chꞌan. 16Ndá ti ó kjuíjini chjasin Roma, ndá ti capitán kjuínchekꞌayéhe̱ ti jefe ti sin tjejóchjina kixin tsꞌayakohen chꞌan. A̱ndá chꞌin Pablo la kjuajon sin kjuachaxin ókjé kjuákꞌe chꞌan, la jehó ijnko soldado ó kꞌuayakohen ti jehe chꞌan.
Pablo kjuako chjasin Roma
17Ndá ó kꞌuatsínka iní ña̱o ndá chꞌin Pablo kꞌuéye̱he̱ kaín ti sin judío tjetoan kuènté Roma. Ndá ti ó kónkotsé sin ndá ndáchro chꞌan:
―Kíchóni, kjuásinhña ninkehó ijie̱ kixin chrókónínkakohen ti sin judío ti janhan, la jehya kixin nínka̱kohan ti nkehe kꞌuékinkáchónki ti sin kꞌuaxrjeníxini. A̱ndá kjónté la itséna sin kjuakꞌechji̱na Jerusalén kixin chrókjuinchekjasótena ti sin romano. 18Ndá kꞌuitjahya sin ninkehó ijie̱ la tjinkaon sin chrókꞌuatjánta sin ti janhan kixin kohya ijie̱ chrókꞌuénxia̱n. 19#Hch. 25:11.*A̱ndá ti sin judío mé imá kónínkaon sin la na̱xa̱ tjanchia sin ijie̱. Ndá ticháxi̱n kjuánchíá kixin César chrókjuinchekito̱exín ti ijie̱ chonta, kjónté chontahya ninkehó ijie̱, kjónté tsꞌekana ijie̱ ti sin chjasin kuénta̱na. 20Méxra̱ kꞌueyahára kixin tjínka̱oan tsonixjahára kixin tinkáchónkini ti nkexro tjejóchóhen kaín ti sin israelita la xi̱kaha tꞌikonra kixin tjechrónte̱toxián ijnko cadena ntihi.
21Ndá jehe sin ndáchro sin:
―Jeheni la kꞌuáyèhyani ninkehó xroon chrókjui̱xi̱n Judea chróchronka nkehe kuèntá, la ko kuihya nijnko ti sin kíchóni judío chróndáchro sin ichrén nkehe jínahña tsíkji̱chꞌe. 22Tjinkaoni tsihini nkehe tjénka̱yáxian kixin noheni kixin itsjé chjasin tꞌándaxíhi̱n sin ti nkehe ni̱xin tjàkua ―ichro ti sin judío tjejó Roma.
23Ndá kjueyá sin ijnko ña̱o tso̱nkotsé sin kixin tsihin sin ti nkehe tsochronka Pablo. Ndá kónkotsé nchónhña chojni ti nchia kjuákꞌe chꞌan la kuenté ña̱o chrónka chꞌan nkexrín ti kjuachaxin kuènté Díos. Nixje̱he̱ chꞌan sin kixin chrókuitekaon sin ti nkehe kjuako Jesús, la chrónkaxín chꞌan kixin nkexrín nixja ti ley tsíkꞌe̱to̱an Moisés la ko ti tsíkjin ti sin profeta ósé. 24Iso sin la kuitekaon sin ti nkehe ndáchro chꞌin Pablo. A̱ndá íso sin la kuítekakonhña sin. 25Ndá nkoko̱ahya kjuénka̱yáxin sin, la iso sin sáchrokjui sin, ndá chꞌin Pablo ndáchro:
―Ndoá nixja ti nkehe chenka Ncha̱kuén Díos ti sin tsíkꞌaxrjeníxini ósé chrónkaxín profeta Isaías ndáchro:
26 #
Is. 6:9, 10. *Sátjia nixjehé ti chojni chjasin i
kixin jehe sin, kjónté tjejótihin sin, la tienxínhña sin,
kjónté tjejótsjehe sin, la tꞌikonhña sin.
27A̱ndá a̱sén ti chojni chjasin i la tsíkócha
la ti ndatsjon sin la tsíkꞌikjehe̱
la ti ikon sin la tsíkꞌikjehe̱
kixin tsꞌikonxínhña sin,
kixin kjónté tsihin sin la tsienxínhña sin ti nkehe tihin sin.
Í tjinkakonhña sin chrókjan sin chrókuinkáchónki sin ti janhan kixin chrókjui̱ntakito̱ha̱ sin jína.
28Méxra̱ tihínra jína kixin jaí la ti sin jehya judío mé tsꞌáyéhe̱ sin ti kjuachaxin tsjajon Díos tsaáxin sin kixin jehe sin mé tsihin sin.
29Ndá ti ó kuíhin sin xi̱kaha ichro chꞌin Pablo, ndá kaín sin sákjuí sin la tinkákjo kícho sin.
30Chꞌin Pablo kjuákꞌe ti nchia tsíkjen chꞌan yaá nánó. La ntiha kꞌuejó ti sin kjuíjitsjehe ti jehe chꞌan. 31La kjuako chꞌan nkexrín itjen ti kjuachaxin kuènté Díos la ko kjuako chꞌan kuènté Ìnchéni Jesucristo. La ninkexró kꞌuinkákuenhña ti nkehe kjuako chꞌan. Ótjen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.