Hechos 27
27
Sákjuíko sin Pablo Roma
1Ndá ti ó kꞌue̱to̱an sin sátsjini Italia ti itjen ti nkexro imá tꞌe̱to̱an. Ndá ndáche sin ijnko capitán itꞌin Julio kixin sátsjiko sin chꞌin Pablo la ko íso sin tjejóchjina. Ti chꞌin Julio mé ijnko policía kuènté ti nkexro tꞌe̱to̱an itꞌin Augusto César. 2Ndá kꞌuíxeheni ijnko ntabarco tsíkji̱xi̱n Adramitio, la sátsji nó Asia. Kja̱xin kjuákꞌe ntiha ti chꞌin Aristarco tsíkji̱xi̱n Tesalónica nonte Macedonia. 3A̱ndá ti ña̱o chrꞌéxi̱n mé kjuíjini ti puerto Sidón. Ndá chꞌin Julio nkojína ikjo chꞌan chꞌin Pablo la kjuajon chꞌan kjuachaxin kixin sátsjitsjehe Pablo ti chojni chóxin chꞌan ntiha kixin tsjinki̱tsa sin ti jehe chꞌan. 4Ndá sákjuixini Sidón, la kjuíjini ijnko isla itꞌin Chipre la nó itjani ikjon kuíto̱he tíha kixin imá síchjéhe xri̱nto̱. 5Ti ó kꞌuatsínkani ti nda̱ñao chjinaxón Cilicia la ko Panfilia la kjuíjini Mira nonte Licia.
6Ndá ntiha kꞌuitja ti capitán íjnko ntabarco tsíkji̱xi̱n Alejandría la sátsji nó Italia. Ndá ndáchro chꞌan kixin tíha sátsjikoni. 7Ndá itsjé ña̱o kja̱xon ikjuí ti ntabarco la imá ixra̱ kjuíjini chjina Gnido. Ndá na̱xa̱ imá chjéhe xri̱nto̱ la kꞌuatsínkani chjinaxón nonte Salmón ndá kuinkátjíáxini chjina ti isla Creta. 8Ndá xi̱kahó imá ixra̱ kꞌuatsínkani chjino ti chrínta ìnta̱, la kjuíjini ijnko chjasin itꞌin Puertos Jína, chjino ti chjasin Lasea.
9Ndá kꞌuatsínka itsjé ña̱o, la ó kjuixraká ti ña̱o xitjahya sátsjiko sin ntabarco chritaón nda̱ñao kixin ó kuichjina ti ncha̱kuén ikin. Méxra̱ chꞌin Pablo nixje̱he̱ ti sin a, 10ndáchro chꞌan:
―Tihínra. Tꞌíkua̱n kixin ti na̱xa̱ sátsjini la nchónhña kjuachrakon tso̱hen. Sinchekꞌitjáñani ti ntabarco la ko ti nkehe tjinká la kja̱xin jeheni chónta tsꞌitjáñani ―ichro Pablo.
11A̱ndá ti capitán tꞌe̱tue̱hen ti sin soldado la a̱ntsí kuitekaon ti nkehe chrónka ti nkexro tjiko ti ntabarco la ko ti ìnché ti ntabarco, ke ti nkehe ndáchro Pablo. 12La ko kja̱xin kanhñó jína kixin chrókuíto̱heni ti puerto hasta chrókꞌuatsínkajia ti ncha̱kuén ikin,#27:12 ncha̱kuén ikin ti nitjó imá ikin invierno ndá kaín sin kjuénka̱yáxin sin kixin ícha jína sátsjixini ntiha, sátsjini Fenice, ijnko puerto nonte Creta, nó chókꞌá ti tji̱to̱xin ña̱o la ko nó tjiatóxin ña̱o, la ntiha chrókꞌuejóni hasta chrókꞌuatsínka ti ncha̱kuén ikin.
Chjéhe xri̱nto̱ chritaón nda̱ñao
13Ndá kjuankíxin chjéhe intsí xri̱nto̱ kjui̱xi̱n nó sur, ndá kjuénka̱yáxin sin kixin kjá jína sátsjini.
Ndá sákjuixini ntiha, kjánchó na̱xa̱ sákjuini chjinaxón ti chrínta ti isla Creta. 14Kjánchó chrꞌéxi̱n la ikjui ijnko xri̱nto̱ kjui̱xi̱n nó noroeste kꞌuindate ti ntabarco. 15La kjuankíxin kótéka xri̱nto̱ ti ntabarco la xrokjuahya sátsjini ti sítji̱xi̱n ti xri̱nto̱. Ndá ticháxi̱n kuíto̱heni sákjuíko xri̱nto̱ ti ntabarco tjejóxeheni. 16Ndá kꞌuatsínkani chjino ijnko isla intsí itꞌin Cauda, kixin ntiha la kanhñó síchjéhe xri̱nto̱. La kjónté la imá ixra̱ kjuínchekꞌi̱tꞌótjeni ti ntabarco intsí, tjejótji̱a̱n ti ntabarco ijié kixin sátsjikohya xri̱nto̱. 17Ndá ti ó kjuixin kjuínchekꞌi̱tꞌótjen sin ti ntabarco intsí, la kjuínchenteto sin kuenté ti ntabarco kixin kohya nkehe tso̱hen. Kja̱xin tóxakohen sin kixin tsíkjinie nchesen ti ntabarco ti tsjiji sin ti siín nchesen itꞌin Sirte. Ndá kuakjijin sin ti ika chónta ti ntabarco, ndá kuíto̱he sin sákjuiko xri̱nto̱. 18A̱ndá ti ña̱o chrꞌéxi̱n la na̱xa̱ imá chjéhe xri̱nto̱. Ndá ikꞌue sin ti nkehe sítjinká ti ntabarco kixin kanhñó tso̱ye. 19A̱ndá ti ña̱o níxin la itja sin kuakitsjexín sin íso ti nkehe kuènté ti ntabarco la ikꞌue sin. 20Isé kꞌuíkonhñani ña̱o la ko ti konotsé la imá chjéhe xri̱nto̱ la í chuénhñani kixin na̱xa̱ chrókuaáni.
21Ndá ó kꞌuatsínka itsjé ña̱o kjoniehñani, ndá chꞌin Pablo kꞌuínkatjen nixje̱he̱ kaín ti sin tjejóxehen ntabarco, ndáchro:
―Chrókuitekáonra ti nkehe xrja̱nká kixin chrókuito̱heni ti nonte Creta, la chrókꞌuitjáñahña ti nkehe tjinká ti ntabarco í. 22A̱ndá ijie la tóxakuanhñara kixin nijnkoni kohya nkehe tso̱heni, kjánchó ti ntabarco la tsꞌitjáña. 23Kixin ti tie i, mé kꞌuíkua̱n ijnko ángel ichrꞌán ti Díos tinkachónkia la ko tꞌa̱ha̱ ixra̱ 24la ndáchro: “Chrakonhña, jaha Pablo. Ticháxi̱n tsjasán ti itjen ti emperador, la Díos tsjinki̱tsa jaha la ti sin tjejoko̱a la tsꞌenhña sin.” 25Méxra̱ chrakonhñara kixin ó nona kixin ti Díos tinkachónkia la chaxín sinchexiteyá tíha, éxi ndáchro ti ángel, 26kjánchó ticháxi̱n sátsjiko xri̱nto̱ ti ntabarco ijnko nonte xámá ―ichro Pablo.
27Ó kꞌuatsínka yaá semana, ndá ijnko tie la kjuíjini ijnko chrínta nda̱ñao itꞌin Adria, a̱ndá ti xri̱nto̱ sákjuíko ti ntabarco ijnko lado la íjnko lado. Ndá chjina kꞌáxrótjen, ndá ti sin tjiko ti ntabarco mé kónohe sin kixin ó chjina kjuixraká sin ijnko nonte xámá. 28Ndá kjuacho̱a sin nkekja̱ín ni̱nkaxín ti ìnta̱, mé chónta treinta y seis metro ni̱nkaxín. Ndá sákjuini kjínhña la xíkjacho̱a sin la chónta veintisiete metro. 29Ndá imá chrákon sin kixin tsꞌitja̱to̱n ti ntabarco ijnko itjo̱, la kjuinkájin sin noó chika iye nóton ti ntabarco kixin ntahó tsochóhen. Ndá ntahó kꞌuéjoni hasta kꞌuínkaséña. 30Ndá ti sin tjiko ti ntabarco la kjuénka̱yáxin sin chrókuinká sin, la kjuankíxin kjuinkájin sin ti ntabarco intsí chritaón ìnta̱, kjánchó kjuíchꞌe sin éxi tjinkaon sin chrókjuinkajin sin ti chika iye chónta ikja ti ntabarco kixin tso̱noehña ti íso sin. 31A̱ndá chꞌin Pablo ndáche chꞌan ti capitán la ko kaín ti sin soldado:
―Ti tsíto̱ehya ti sin i nkaxehen ntabarco, la xitjahya tsaára.
32A̱ndá ti sin soldado mé kóchríjin sin ti ihno̱ kuènté ti ntabarco intsí kixin sátsji tsjiánkí ìnta̱.
33Ndá ti ó chjina tsꞌinkaséña, ndá chꞌin Pablo nixje̱he̱ kaín ti sin tjejó ntiha ndáchro chꞌan kixin chrókjonie sin nkojín nkehe. Ndáchro chꞌan:
―Ó kꞌuatsínka yaá semana kꞌuejóchrinhñara la ko kjontehyara. 34Méxra̱ ndáxrja̱n kixin ticháxi̱n chrókjontera nkojín nkehe ti tjinkáonra na̱xa̱ tsaára kixin ninkexró tsꞌitjáñahña la nijnko ti ka̱xi̱hi chónta ikjára tsꞌitjáña.
35Ndá xi̱kaha ichro chꞌin Pablo, ndá kuákja chꞌan ijnko nio̱tja̱, la ntiha ti tjejó kaín sin chjéhe chꞌan kjuasáye Díos, ndá kóchrítꞌo̱ chꞌan ti nio̱tja̱ ndá kjuankíxin kjónie chꞌan. 36Ndá kóchéhe̱ sin la kaín sin kjónie sin kja̱xin sin. 37Kaín ti sin kꞌuejó nkaxehen ti ntabarco mé yaá ciento setenta y seis chojni. 38Ndá ti ó kjuixin kjónie sin la ikꞌue sin ti noa trigo tjinká ti ntabarco, kixin kanhñó tso̱ye.
Kꞌuaniánkí ìnta̱ ti ntabarco
39A̱ndá ti ó kꞌuínkaséña, la ti sin tjiko ti ntabarco la kjuátso̱anhña sin ti nonte itjen chjinaxón, kjánchó kꞌuíkon sin ijnko chrínta ìnta̱. Ndá kjuénka̱yáxin sin sátsjiko sin ti ntabarco ntiha. 40Ndá kóchríjin sin ti ihno̱ síchroéxin ti chika iye kuíto̱he chrínkí nda̱ñao. Ndá kjuínchentá sin ti nkehe tjikoxin sin ti ntabarco la kjuínchekꞌi̱tꞌótjen sin ti ika tjiko nkayakon ti ntabarco. A̱ndá ti ntabarco kjuankíxin sákjuí chrínta nta̱. 41Xrína̱hña kjuíji ti ntabarco ti kónkojiéxin ìnta̱, ti siín itsjé nchesen ndá ntiha kjuikjiatꞌó ti ikja ti ntabarco, ndá í xitjahya tꞌinki ninkehó, a̱ndá ti nóton ti ntabarco la kjuankíxin síxika kixin imá tji̱a̱n chjéhe ìnta̱. 42Ndá ti sin soldado mé tjinkaon sin chrókꞌóñá sin ti sin tjejóchjina kixin tjinkakonhña sin kixin tsinká sin. 43A̱ndá ti nkexro tꞌe̱tue̱hen ti sin soldado mé tjinkakonhña chꞌan kixin itsꞌen chꞌin Pablo, ndá kjuajonhña chꞌan kjuachaxin. Kꞌue̱to̱an chꞌan kixin ti sin nohe tji nada la senó sin sátsji sin kixin tsjiji sin ti nonte xámá, 44a̱ndá ti sin tsjachahya la sátsjiko ti ntatabla o̱ itꞌo̱ ti ntabarco. Ndá xi̱kaha kaíni kjuíjini ti nonte xámá la kuaáni.
Currently Selected:
Hechos 27: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Hechos 27
27
Sákjuíko sin Pablo Roma
1Ndá ti ó kꞌue̱to̱an sin sátsjini Italia ti itjen ti nkexro imá tꞌe̱to̱an. Ndá ndáche sin ijnko capitán itꞌin Julio kixin sátsjiko sin chꞌin Pablo la ko íso sin tjejóchjina. Ti chꞌin Julio mé ijnko policía kuènté ti nkexro tꞌe̱to̱an itꞌin Augusto César. 2Ndá kꞌuíxeheni ijnko ntabarco tsíkji̱xi̱n Adramitio, la sátsji nó Asia. Kja̱xin kjuákꞌe ntiha ti chꞌin Aristarco tsíkji̱xi̱n Tesalónica nonte Macedonia. 3A̱ndá ti ña̱o chrꞌéxi̱n mé kjuíjini ti puerto Sidón. Ndá chꞌin Julio nkojína ikjo chꞌan chꞌin Pablo la kjuajon chꞌan kjuachaxin kixin sátsjitsjehe Pablo ti chojni chóxin chꞌan ntiha kixin tsjinki̱tsa sin ti jehe chꞌan. 4Ndá sákjuixini Sidón, la kjuíjini ijnko isla itꞌin Chipre la nó itjani ikjon kuíto̱he tíha kixin imá síchjéhe xri̱nto̱. 5Ti ó kꞌuatsínkani ti nda̱ñao chjinaxón Cilicia la ko Panfilia la kjuíjini Mira nonte Licia.
6Ndá ntiha kꞌuitja ti capitán íjnko ntabarco tsíkji̱xi̱n Alejandría la sátsji nó Italia. Ndá ndáchro chꞌan kixin tíha sátsjikoni. 7Ndá itsjé ña̱o kja̱xon ikjuí ti ntabarco la imá ixra̱ kjuíjini chjina Gnido. Ndá na̱xa̱ imá chjéhe xri̱nto̱ la kꞌuatsínkani chjinaxón nonte Salmón ndá kuinkátjíáxini chjina ti isla Creta. 8Ndá xi̱kahó imá ixra̱ kꞌuatsínkani chjino ti chrínta ìnta̱, la kjuíjini ijnko chjasin itꞌin Puertos Jína, chjino ti chjasin Lasea.
9Ndá kꞌuatsínka itsjé ña̱o, la ó kjuixraká ti ña̱o xitjahya sátsjiko sin ntabarco chritaón nda̱ñao kixin ó kuichjina ti ncha̱kuén ikin. Méxra̱ chꞌin Pablo nixje̱he̱ ti sin a, 10ndáchro chꞌan:
―Tihínra. Tꞌíkua̱n kixin ti na̱xa̱ sátsjini la nchónhña kjuachrakon tso̱hen. Sinchekꞌitjáñani ti ntabarco la ko ti nkehe tjinká la kja̱xin jeheni chónta tsꞌitjáñani ―ichro Pablo.
11A̱ndá ti capitán tꞌe̱tue̱hen ti sin soldado la a̱ntsí kuitekaon ti nkehe chrónka ti nkexro tjiko ti ntabarco la ko ti ìnché ti ntabarco, ke ti nkehe ndáchro Pablo. 12La ko kja̱xin kanhñó jína kixin chrókuíto̱heni ti puerto hasta chrókꞌuatsínkajia ti ncha̱kuén ikin,#27:12 ncha̱kuén ikin ti nitjó imá ikin invierno ndá kaín sin kjuénka̱yáxin sin kixin ícha jína sátsjixini ntiha, sátsjini Fenice, ijnko puerto nonte Creta, nó chókꞌá ti tji̱to̱xin ña̱o la ko nó tjiatóxin ña̱o, la ntiha chrókꞌuejóni hasta chrókꞌuatsínka ti ncha̱kuén ikin.
Chjéhe xri̱nto̱ chritaón nda̱ñao
13Ndá kjuankíxin chjéhe intsí xri̱nto̱ kjui̱xi̱n nó sur, ndá kjuénka̱yáxin sin kixin kjá jína sátsjini.
Ndá sákjuixini ntiha, kjánchó na̱xa̱ sákjuini chjinaxón ti chrínta ti isla Creta. 14Kjánchó chrꞌéxi̱n la ikjui ijnko xri̱nto̱ kjui̱xi̱n nó noroeste kꞌuindate ti ntabarco. 15La kjuankíxin kótéka xri̱nto̱ ti ntabarco la xrokjuahya sátsjini ti sítji̱xi̱n ti xri̱nto̱. Ndá ticháxi̱n kuíto̱heni sákjuíko xri̱nto̱ ti ntabarco tjejóxeheni. 16Ndá kꞌuatsínkani chjino ijnko isla intsí itꞌin Cauda, kixin ntiha la kanhñó síchjéhe xri̱nto̱. La kjónté la imá ixra̱ kjuínchekꞌi̱tꞌótjeni ti ntabarco intsí, tjejótji̱a̱n ti ntabarco ijié kixin sátsjikohya xri̱nto̱. 17Ndá ti ó kjuixin kjuínchekꞌi̱tꞌótjen sin ti ntabarco intsí, la kjuínchenteto sin kuenté ti ntabarco kixin kohya nkehe tso̱hen. Kja̱xin tóxakohen sin kixin tsíkjinie nchesen ti ntabarco ti tsjiji sin ti siín nchesen itꞌin Sirte. Ndá kuakjijin sin ti ika chónta ti ntabarco, ndá kuíto̱he sin sákjuiko xri̱nto̱. 18A̱ndá ti ña̱o chrꞌéxi̱n la na̱xa̱ imá chjéhe xri̱nto̱. Ndá ikꞌue sin ti nkehe sítjinká ti ntabarco kixin kanhñó tso̱ye. 19A̱ndá ti ña̱o níxin la itja sin kuakitsjexín sin íso ti nkehe kuènté ti ntabarco la ikꞌue sin. 20Isé kꞌuíkonhñani ña̱o la ko ti konotsé la imá chjéhe xri̱nto̱ la í chuénhñani kixin na̱xa̱ chrókuaáni.
21Ndá ó kꞌuatsínka itsjé ña̱o kjoniehñani, ndá chꞌin Pablo kꞌuínkatjen nixje̱he̱ kaín ti sin tjejóxehen ntabarco, ndáchro:
―Chrókuitekáonra ti nkehe xrja̱nká kixin chrókuito̱heni ti nonte Creta, la chrókꞌuitjáñahña ti nkehe tjinká ti ntabarco í. 22A̱ndá ijie la tóxakuanhñara kixin nijnkoni kohya nkehe tso̱heni, kjánchó ti ntabarco la tsꞌitjáña. 23Kixin ti tie i, mé kꞌuíkua̱n ijnko ángel ichrꞌán ti Díos tinkachónkia la ko tꞌa̱ha̱ ixra̱ 24la ndáchro: “Chrakonhña, jaha Pablo. Ticháxi̱n tsjasán ti itjen ti emperador, la Díos tsjinki̱tsa jaha la ti sin tjejoko̱a la tsꞌenhña sin.” 25Méxra̱ chrakonhñara kixin ó nona kixin ti Díos tinkachónkia la chaxín sinchexiteyá tíha, éxi ndáchro ti ángel, 26kjánchó ticháxi̱n sátsjiko xri̱nto̱ ti ntabarco ijnko nonte xámá ―ichro Pablo.
27Ó kꞌuatsínka yaá semana, ndá ijnko tie la kjuíjini ijnko chrínta nda̱ñao itꞌin Adria, a̱ndá ti xri̱nto̱ sákjuíko ti ntabarco ijnko lado la íjnko lado. Ndá chjina kꞌáxrótjen, ndá ti sin tjiko ti ntabarco mé kónohe sin kixin ó chjina kjuixraká sin ijnko nonte xámá. 28Ndá kjuacho̱a sin nkekja̱ín ni̱nkaxín ti ìnta̱, mé chónta treinta y seis metro ni̱nkaxín. Ndá sákjuini kjínhña la xíkjacho̱a sin la chónta veintisiete metro. 29Ndá imá chrákon sin kixin tsꞌitja̱to̱n ti ntabarco ijnko itjo̱, la kjuinkájin sin noó chika iye nóton ti ntabarco kixin ntahó tsochóhen. Ndá ntahó kꞌuéjoni hasta kꞌuínkaséña. 30Ndá ti sin tjiko ti ntabarco la kjuénka̱yáxin sin chrókuinká sin, la kjuankíxin kjuinkájin sin ti ntabarco intsí chritaón ìnta̱, kjánchó kjuíchꞌe sin éxi tjinkaon sin chrókjuinkajin sin ti chika iye chónta ikja ti ntabarco kixin tso̱noehña ti íso sin. 31A̱ndá chꞌin Pablo ndáche chꞌan ti capitán la ko kaín ti sin soldado:
―Ti tsíto̱ehya ti sin i nkaxehen ntabarco, la xitjahya tsaára.
32A̱ndá ti sin soldado mé kóchríjin sin ti ihno̱ kuènté ti ntabarco intsí kixin sátsji tsjiánkí ìnta̱.
33Ndá ti ó chjina tsꞌinkaséña, ndá chꞌin Pablo nixje̱he̱ kaín ti sin tjejó ntiha ndáchro chꞌan kixin chrókjonie sin nkojín nkehe. Ndáchro chꞌan:
―Ó kꞌuatsínka yaá semana kꞌuejóchrinhñara la ko kjontehyara. 34Méxra̱ ndáxrja̱n kixin ticháxi̱n chrókjontera nkojín nkehe ti tjinkáonra na̱xa̱ tsaára kixin ninkexró tsꞌitjáñahña la nijnko ti ka̱xi̱hi chónta ikjára tsꞌitjáña.
35Ndá xi̱kaha ichro chꞌin Pablo, ndá kuákja chꞌan ijnko nio̱tja̱, la ntiha ti tjejó kaín sin chjéhe chꞌan kjuasáye Díos, ndá kóchrítꞌo̱ chꞌan ti nio̱tja̱ ndá kjuankíxin kjónie chꞌan. 36Ndá kóchéhe̱ sin la kaín sin kjónie sin kja̱xin sin. 37Kaín ti sin kꞌuejó nkaxehen ti ntabarco mé yaá ciento setenta y seis chojni. 38Ndá ti ó kjuixin kjónie sin la ikꞌue sin ti noa trigo tjinká ti ntabarco, kixin kanhñó tso̱ye.
Kꞌuaniánkí ìnta̱ ti ntabarco
39A̱ndá ti ó kꞌuínkaséña, la ti sin tjiko ti ntabarco la kjuátso̱anhña sin ti nonte itjen chjinaxón, kjánchó kꞌuíkon sin ijnko chrínta ìnta̱. Ndá kjuénka̱yáxin sin sátsjiko sin ti ntabarco ntiha. 40Ndá kóchríjin sin ti ihno̱ síchroéxin ti chika iye kuíto̱he chrínkí nda̱ñao. Ndá kjuínchentá sin ti nkehe tjikoxin sin ti ntabarco la kjuínchekꞌi̱tꞌótjen sin ti ika tjiko nkayakon ti ntabarco. A̱ndá ti ntabarco kjuankíxin sákjuí chrínta nta̱. 41Xrína̱hña kjuíji ti ntabarco ti kónkojiéxin ìnta̱, ti siín itsjé nchesen ndá ntiha kjuikjiatꞌó ti ikja ti ntabarco, ndá í xitjahya tꞌinki ninkehó, a̱ndá ti nóton ti ntabarco la kjuankíxin síxika kixin imá tji̱a̱n chjéhe ìnta̱. 42Ndá ti sin soldado mé tjinkaon sin chrókꞌóñá sin ti sin tjejóchjina kixin tjinkakonhña sin kixin tsinká sin. 43A̱ndá ti nkexro tꞌe̱tue̱hen ti sin soldado mé tjinkakonhña chꞌan kixin itsꞌen chꞌin Pablo, ndá kjuajonhña chꞌan kjuachaxin. Kꞌue̱to̱an chꞌan kixin ti sin nohe tji nada la senó sin sátsji sin kixin tsjiji sin ti nonte xámá, 44a̱ndá ti sin tsjachahya la sátsjiko ti ntatabla o̱ itꞌo̱ ti ntabarco. Ndá xi̱kaha kaíni kjuíjini ti nonte xámá la kuaáni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.