Hechos 24
24
Pablo chenka chꞌin Félix kixin kjuasinhña chꞌan ijie̱
1A̱ndá inꞌó ña̱o chrꞌéxi̱n, la chꞌin Ananías, ti ncha̱tꞌá tꞌe̱to̱an mé kjuíji chjasin Cesarea, kjuíjiko chꞌan iso ti sin tꞌe̱to̱an kuènté ni̱nko, la ko ijnko abogado itꞌin Tértulo, kixin tsonixje̱he̱ ti gobernador la tsjanchia ijie̱ kixin itsꞌen chꞌin Pablo. 2Ndá ti ó kjui̱ka̱o sin chꞌin Pablo, ndá chꞌin Tértulo kjuankíxin chenka chꞌan ti gobernador Félix, ndáchro chꞌan:
―Kjuasáyá, jaha gobernador kixin imá kjuínki̱tsa la kjuaxróxin tjejóni la ko kjuasáya kixin imá noha této̱an ti nación kuènténi. 3Jaha mé jína této̱an la tjáhani kjuasáya kixin kaín nkehe kꞌuáyéhe̱ni. 4Tjínka̱konhña si̱ntaxrjahan, méxra̱ xrja̱noáhá kixin chrókuihín ti nkehe tso̱xrja̱nka. 5Ti nkexro i mé kónoxíxin tjasin chꞌan kjuanínkaon éxi ijnko ichin tꞌóxika kuenté chjasintajni, chꞌiyehe chꞌan ti sin judío ndá nkokónhña tjenka̱yáxin sin. Jehe chꞌan mé tꞌe̱tue̱hen chꞌan ti sin tinkáchónki ti nkexro tsíkji̱xi̱n Nazaret. 6Kja̱xin tjinkaon chꞌan chrókjuinchekji̱ta̱ chꞌan ti ni̱nko. Ndá itséni chꞌan la chrókjuinchekito̱exíni iji̱é chꞌan éxi tꞌe̱to̱an ti ley kuènténi. 7Kjánchó ti comandante Lisias kjui̱ka̱o chꞌan itsjé soldado la kuakitsje sin ti nkexro i. 8Ndá ti comandante kꞌue̱to̱an kixin ti sin tsjanchia ijie̱ la tsitsjehe sin ti jaha. Tjanchankíhí chꞌin Pablo kixin chrókónoheni jína nke ijie̱ chrókjuinchekjasótexíni chꞌan ―ichro chꞌin Tértulo.
9Ndá kaín ti sin judío tjejó ntiha la ndáchro sin:
―Kaín tíha la chaxín ―ichro sin.
10Ndá ti gobernador kjua̱ko̱xi̱n itja kixin tsonixja chꞌin Pablo. Ndá Pablo, ndáchro:
―Ó nona kixin jaha la ti juez kuènté ti nación ntihi, la itsjé nánó této̱an, la chàna tso̱xrja̱nka ti nkehe kóhen. 11Jaha chrókónoha kixin na̱ntá teyó ña̱o kjuasán Jerusalén kixin ntiha tsoxráxinka̱konxián Díos. 12La kꞌuitjaxinhña sin ti janhan tjájo̱nki̱a̱n nkojín chojni, o̱ kjui̱ntakónínka̱oan nkojín nkexro ti ni̱nko o̱ ti nchia xrako̱exín ti sin judío o̱ nkojín nketí ti chjasin i. 13Ti sin i, la xitjahya tsondáchro sin kixin chaxín kjuásian ti ijie̱ tꞌekana sin. 14Kjánchó chaxín xrja̱nká kixin tꞌa̱ha̱ ixra̱ ti Díos kꞌuékinkáchónki ti sin kꞌuaxrjeníxini, mé ti nti̱a ni̱xin, a̱ndá jehe sin nchekꞌin sin nti̱a nduáhya. Janhan titeka̱oan kaín ti nkehe tsíkjin sin ti xroon kuènté ley la ko ti nkehe kꞌuénixja ti sin kꞌuéchronka itén Díos ósé. 15La kja̱xin titeka̱oan ti Díos titekaon sin, la kja̱xian tjécho̱ha̱n ti ó Díos sinchexechón kaín ti chojni jína la ko ti chojni jínahña. 16Méxra̱ tóxakona kixin tjóá chrókjuakꞌé kixin chrókjuanchahya Díos ijie̱ la ko kja̱xin ti chojni chrókjuanchahya ijie̱ ti janhan.
17 #
Hch. 21:17-28. *’La ó kꞌuatsínka iso nánó kꞌuájia ókjé chjasin ndá ikjan chjasená kixin tsjánjua chichaon tsákja ti sin nóa la ko kja̱xin tsotjahá Díos kjuasáya. 18Ndá xi̱kaha kjuakꞌé nkaxehen ni̱nko, ndá iso ti sin judío tsíkji̱xi̱n Asia mé kꞌuitja sin ti janhan ntiha, ti ó kjuixin kótjóáni, la tsjéhya chojni siín la kjuájo̱nki̱a̱nhña nijnko chojni. 19Méxra̱ ti sin a mé ticháxi̱n chrókui sin ntihi kixin chrókjuanchia sin ijie̱, ti kꞌuíkon sin nduáhya kjui̱tꞌa. 20Ó ti sin tjejó ntihi tsochronka sin nkehe ijie̱ kꞌuitja sin ti ó kjuakꞌé ti tjejó ti sin tꞌe̱to̱an kuènté sin judío. 21#Hch. 23:6.*Kjá ti tsondáchro sin kixin náxrjónhña ijnko nkehe itsen ndáxrja̱n: “Ijie si̱nchekito̱exínra ijie̱ kuénta̱na la si̱nchekjasóterana kixin titeka̱oan kixin tsoxechón ti chojni tsíkꞌen” ―mé xi̱kaha ichro Pablo.
22Ndá ti ó kuíhin ti gobernador Félix tíha, la ó nohe chꞌan jína nkexrín ti nti̱a ni̱xin kuènté Cristo, la chrohya chꞌan sinchekito̱exín chꞌan ijie̱ kuènté ti chꞌin a, la ndáchro chꞌan:
―Tsjijia ti comandante Lisias ndá tsochronka chꞌan ndá tso̱nona nkexrín siín tíha ―ichro ti gobernador.
23Ndá ti gobernador kꞌue̱tue̱hen ti capitán kixin tsꞌayakohen ti chꞌin Pablo, kjánchó tsíto̱he sin kixin jína tsꞌaji chꞌan la ko tsíto̱he sin tsꞌixehen ti sin chóxin chꞌan, tsitsjehe sin chꞌan.
24Ndá iso ña̱o chrꞌéxi̱n, ndá kjuíjiko chꞌin Félix ti ichjién chꞌan, Drusila, ijnko tjan judía. Ndá kꞌue̱to̱an chꞌan kixin tsjikꞌéye̱he̱ sin ti chꞌin Pablo kixin tsochronka chꞌan nkexrín tsitekaon sin Jesucristo. 25Ndá chꞌin Pablo kjuako nkexrín tsꞌejó chojni jína la ko nkexrín tsꞌe̱tue̱hen a̱sén chojni kixin tsjasinhña sin ijie̱ la ko nkexrín sinchekito̱exín Díos ijie̱ kuènté nkojnko chojni ti ña̱o tsjixixín. Ndá ti ó kuíhin ti gobernador Félix ndá chrákon chꞌan, la ndáchro chꞌan:
―Táhó sátjia. Ti ó chonta tiempo ndá tsꞌeyahá ínaá.
26Chꞌin Félix la tjechóhen chꞌan kixin kjá chꞌin Pablo tsjajon chichaon, ndá tsjajon chꞌan kjuachaxin sátsji chꞌan. Ndá xi̱kaha nkoya̱xón kꞌuéye̱he̱ chꞌan kixin itsjo chꞌan. 27Ndá kꞌuatsínka yaá nánó ndá chꞌin Félix kuíto̱he ti ixra̱ gobernador, ndá ijnko nkexro itꞌin Porcio Festo kꞌuíxehen ti ixra̱ a. A̱ndá chꞌin Félix kuíto̱he chꞌan ti chꞌin Pablo tjechjina kixin tjinkaon chꞌan chrókjuinchexiteyéhe chꞌan ti nkehe tjinkaon ti sin judío.
Currently Selected:
Hechos 24: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Hechos 24
24
Pablo chenka chꞌin Félix kixin kjuasinhña chꞌan ijie̱
1A̱ndá inꞌó ña̱o chrꞌéxi̱n, la chꞌin Ananías, ti ncha̱tꞌá tꞌe̱to̱an mé kjuíji chjasin Cesarea, kjuíjiko chꞌan iso ti sin tꞌe̱to̱an kuènté ni̱nko, la ko ijnko abogado itꞌin Tértulo, kixin tsonixje̱he̱ ti gobernador la tsjanchia ijie̱ kixin itsꞌen chꞌin Pablo. 2Ndá ti ó kjui̱ka̱o sin chꞌin Pablo, ndá chꞌin Tértulo kjuankíxin chenka chꞌan ti gobernador Félix, ndáchro chꞌan:
―Kjuasáyá, jaha gobernador kixin imá kjuínki̱tsa la kjuaxróxin tjejóni la ko kjuasáya kixin imá noha této̱an ti nación kuènténi. 3Jaha mé jína této̱an la tjáhani kjuasáya kixin kaín nkehe kꞌuáyéhe̱ni. 4Tjínka̱konhña si̱ntaxrjahan, méxra̱ xrja̱noáhá kixin chrókuihín ti nkehe tso̱xrja̱nka. 5Ti nkexro i mé kónoxíxin tjasin chꞌan kjuanínkaon éxi ijnko ichin tꞌóxika kuenté chjasintajni, chꞌiyehe chꞌan ti sin judío ndá nkokónhña tjenka̱yáxin sin. Jehe chꞌan mé tꞌe̱tue̱hen chꞌan ti sin tinkáchónki ti nkexro tsíkji̱xi̱n Nazaret. 6Kja̱xin tjinkaon chꞌan chrókjuinchekji̱ta̱ chꞌan ti ni̱nko. Ndá itséni chꞌan la chrókjuinchekito̱exíni iji̱é chꞌan éxi tꞌe̱to̱an ti ley kuènténi. 7Kjánchó ti comandante Lisias kjui̱ka̱o chꞌan itsjé soldado la kuakitsje sin ti nkexro i. 8Ndá ti comandante kꞌue̱to̱an kixin ti sin tsjanchia ijie̱ la tsitsjehe sin ti jaha. Tjanchankíhí chꞌin Pablo kixin chrókónoheni jína nke ijie̱ chrókjuinchekjasótexíni chꞌan ―ichro chꞌin Tértulo.
9Ndá kaín ti sin judío tjejó ntiha la ndáchro sin:
―Kaín tíha la chaxín ―ichro sin.
10Ndá ti gobernador kjua̱ko̱xi̱n itja kixin tsonixja chꞌin Pablo. Ndá Pablo, ndáchro:
―Ó nona kixin jaha la ti juez kuènté ti nación ntihi, la itsjé nánó této̱an, la chàna tso̱xrja̱nka ti nkehe kóhen. 11Jaha chrókónoha kixin na̱ntá teyó ña̱o kjuasán Jerusalén kixin ntiha tsoxráxinka̱konxián Díos. 12La kꞌuitjaxinhña sin ti janhan tjájo̱nki̱a̱n nkojín chojni, o̱ kjui̱ntakónínka̱oan nkojín nkexro ti ni̱nko o̱ ti nchia xrako̱exín ti sin judío o̱ nkojín nketí ti chjasin i. 13Ti sin i, la xitjahya tsondáchro sin kixin chaxín kjuásian ti ijie̱ tꞌekana sin. 14Kjánchó chaxín xrja̱nká kixin tꞌa̱ha̱ ixra̱ ti Díos kꞌuékinkáchónki ti sin kꞌuaxrjeníxini, mé ti nti̱a ni̱xin, a̱ndá jehe sin nchekꞌin sin nti̱a nduáhya. Janhan titeka̱oan kaín ti nkehe tsíkjin sin ti xroon kuènté ley la ko ti nkehe kꞌuénixja ti sin kꞌuéchronka itén Díos ósé. 15La kja̱xin titeka̱oan ti Díos titekaon sin, la kja̱xian tjécho̱ha̱n ti ó Díos sinchexechón kaín ti chojni jína la ko ti chojni jínahña. 16Méxra̱ tóxakona kixin tjóá chrókjuakꞌé kixin chrókjuanchahya Díos ijie̱ la ko kja̱xin ti chojni chrókjuanchahya ijie̱ ti janhan.
17 #
Hch. 21:17-28. *’La ó kꞌuatsínka iso nánó kꞌuájia ókjé chjasin ndá ikjan chjasená kixin tsjánjua chichaon tsákja ti sin nóa la ko kja̱xin tsotjahá Díos kjuasáya. 18Ndá xi̱kaha kjuakꞌé nkaxehen ni̱nko, ndá iso ti sin judío tsíkji̱xi̱n Asia mé kꞌuitja sin ti janhan ntiha, ti ó kjuixin kótjóáni, la tsjéhya chojni siín la kjuájo̱nki̱a̱nhña nijnko chojni. 19Méxra̱ ti sin a mé ticháxi̱n chrókui sin ntihi kixin chrókjuanchia sin ijie̱, ti kꞌuíkon sin nduáhya kjui̱tꞌa. 20Ó ti sin tjejó ntihi tsochronka sin nkehe ijie̱ kꞌuitja sin ti ó kjuakꞌé ti tjejó ti sin tꞌe̱to̱an kuènté sin judío. 21#Hch. 23:6.*Kjá ti tsondáchro sin kixin náxrjónhña ijnko nkehe itsen ndáxrja̱n: “Ijie si̱nchekito̱exínra ijie̱ kuénta̱na la si̱nchekjasóterana kixin titeka̱oan kixin tsoxechón ti chojni tsíkꞌen” ―mé xi̱kaha ichro Pablo.
22Ndá ti ó kuíhin ti gobernador Félix tíha, la ó nohe chꞌan jína nkexrín ti nti̱a ni̱xin kuènté Cristo, la chrohya chꞌan sinchekito̱exín chꞌan ijie̱ kuènté ti chꞌin a, la ndáchro chꞌan:
―Tsjijia ti comandante Lisias ndá tsochronka chꞌan ndá tso̱nona nkexrín siín tíha ―ichro ti gobernador.
23Ndá ti gobernador kꞌue̱tue̱hen ti capitán kixin tsꞌayakohen ti chꞌin Pablo, kjánchó tsíto̱he sin kixin jína tsꞌaji chꞌan la ko tsíto̱he sin tsꞌixehen ti sin chóxin chꞌan, tsitsjehe sin chꞌan.
24Ndá iso ña̱o chrꞌéxi̱n, ndá kjuíjiko chꞌin Félix ti ichjién chꞌan, Drusila, ijnko tjan judía. Ndá kꞌue̱to̱an chꞌan kixin tsjikꞌéye̱he̱ sin ti chꞌin Pablo kixin tsochronka chꞌan nkexrín tsitekaon sin Jesucristo. 25Ndá chꞌin Pablo kjuako nkexrín tsꞌejó chojni jína la ko nkexrín tsꞌe̱tue̱hen a̱sén chojni kixin tsjasinhña sin ijie̱ la ko nkexrín sinchekito̱exín Díos ijie̱ kuènté nkojnko chojni ti ña̱o tsjixixín. Ndá ti ó kuíhin ti gobernador Félix ndá chrákon chꞌan, la ndáchro chꞌan:
―Táhó sátjia. Ti ó chonta tiempo ndá tsꞌeyahá ínaá.
26Chꞌin Félix la tjechóhen chꞌan kixin kjá chꞌin Pablo tsjajon chichaon, ndá tsjajon chꞌan kjuachaxin sátsji chꞌan. Ndá xi̱kaha nkoya̱xón kꞌuéye̱he̱ chꞌan kixin itsjo chꞌan. 27Ndá kꞌuatsínka yaá nánó ndá chꞌin Félix kuíto̱he ti ixra̱ gobernador, ndá ijnko nkexro itꞌin Porcio Festo kꞌuíxehen ti ixra̱ a. A̱ndá chꞌin Félix kuíto̱he chꞌan ti chꞌin Pablo tjechjina kixin tjinkaon chꞌan chrókjuinchexiteyéhe chꞌan ti nkehe tjinkaon ti sin judío.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.