Hechos 23
23
1A̱ndá chꞌin Pablo komá ti sin tꞌe̱to̱an la ndáchro chꞌan:
―Kíchóni, ti kjuákꞌe hasta ijie la Díos tjetsjehe kixin jína nta̱xiteyá.
2Ndá Ananías, ti ncha̱tꞌá tꞌe̱to̱an, mé kꞌue̱tue̱hen chꞌan ijnko ti nkexro itjen chjina chꞌin Pablo kixin tsochjéhe chꞌan ti irꞌua chꞌan. 3#Mt. 23:27, 28.*Ndá chꞌin Pablo ndáchro:
―Díos sinchekjasóte ti jaha kixin nkoko̱ahya tjénka̱yáxian. Jaha tjetja̱xian méhe̱ kixin tsjéyá ti ijie̱ chonta éxi nixja ti ley. A̱ndá, ¿nkekuènté kjuínchexiteyéhya ti ley, la kuéto̱an kixin tsjate sin ti janhan? ―ichro chꞌin Pablo.
4A̱ndá ti sin tjejó ntiha ndáchro sin:
―¿Nkekuènté tꞌandaxíhín ti ncha̱tꞌá tꞌe̱to̱an kuènté Díos?
5 #
Ex. 22:28. *Ndá chꞌin Pablo, ndáchro:
―Kíchóni, nonahña kixin jehe chꞌan ti ncha̱tꞌá tꞌe̱to̱an, kixin ti xroon itén Díos ndáchro: “Chrókꞌuandaxiénhña ti nkexro tꞌe̱tue̱hen ti chjasán” ―ichro chꞌan.
6 #
Hch. 26:5; Fil. 3:5. *Ndá chꞌin Pablo kónohe kixin iso ti chojni tjejó ntiha mé chojni kuènté ti partido saduceo, a̱ndá íso kuènté ti partido fariseo. Ndá itsen ndáchro chꞌan:
―Kíchóni, janhan mé ijnko chojni fariseo la kaín ti sin kjéhyana mé fariseo. Jahara tjéyára nkehe ijie̱ chonta kixin janhan titeka̱oan kixin tsoxechón ti chojni tsíkꞌen.
7Ndá ti ó kjuixin ndáchro chꞌan tíha, la ti sin fariseo la ko ti sin saduceo mé kjuankíxin ikjo kícho sin, ndá xi̱kaha nkokónhña kjuénka̱yáxin sin. 8#Mt. 22:23; Mr. 12:18; Lc. 20:27.*Kixin ti sin saduceo mé ndáchro sin kixin ti chojni tsíkꞌen la í tsoxechónhña la ndáchro sin kixin kohya ángel la ko ncha̱kuén chojni. A̱ndá ti sin fariseo la titekaon sin kaín tíha. 9Méxra̱ kaín sin la kꞌuíxité sin, la iso ti sin maestro tjako ley kuènté ti sin fariseo, mé kꞌuínkatjen sin la ndáchro sin:
―Ti nkexro i, la kohya ninkehó nkehe jínahña kjuíchꞌe chꞌan. Kjá ijnko ncha̱kuén chojni o̱ ijnko ángel nixje̱he̱ chꞌan ―ichro sin.
10Ndá imá kónínkaon sin kꞌuíxité sin. A̱ndá ti comandante mé kóxakohen kixin chrókjuincheníhi sin chꞌin Pablo, ndá kꞌue̱tue̱hen chꞌan ti sin soldado kixin tsikákjín sin chꞌan la tsi̱ka̱o sin chꞌan ti cuartel kuènté sin ínaá.
11A̱ndá ti tie chrꞌéxi̱n, la kꞌuíkon chꞌan Ìnchéni nixja, ndáchro:
―Pablo chrakonhña, kixin éxi chro̱nka ti itan kuénta̱na chjasin Jerusalén la xi̱kaha tso̱chro̱nka chjasin Roma kja̱xin.
Kjuenka̱yáxin sin tsꞌóñá sin Pablo
12Ndá ti ña̱o chrꞌéxi̱n, la iso ti sin judío mé kjuénka̱yáxin sin tsꞌóñá sin chꞌin Pablo. La kjuínchenohe sin Díos kixin siniehña sin la ko tsꞌihya sin ninkehó hasta tsoxiteyá ti nkehe tjinkaon sin. 13Mé tíha la chjina cuarenta chojni ti kjuénka̱yáxin sin kixin tsꞌóñá sin ti chꞌin Pablo. 14La kjuichenka sin ti ncha̱tꞌá tꞌe̱to̱an la ko ti sin tꞌe̱to̱an kuènté ti sin judío, ndáchro sin:
―Jeheni kjuínchenoheni Díos kixin siniehñani ninkehó ti na̱xa̱ tsꞌóñáhñani ti chꞌin Pablo. 15Méxra̱ jahara la ko kaín ti sin tꞌe̱tue̱hen ti sin judío ndáchera ti comandante kixin tsji̱ka̱o sin ti chꞌin Pablo, ndóye nchítjen, kixin tsotsjehera nkexrín tso̱yóxin ti ijie̱ tíká chꞌan. A̱ndá jeheni ó tsꞌejóchóheni ti nti̱a tsji̱xi̱n chꞌan la tsꞌóñáni chꞌan ―ichro sin.
16Kjánchó ti xje̱en ti kja̱vé chꞌin Pablo mé tsíkihin chꞌan nkehe ti ikjo sin. Ndá sákjuí chꞌan ti cuartel kixin tsochronka chꞌan ti nkehe tjenka̱yáxin sin. 17Ndá chꞌin Pablo kꞌuéye̱he̱ ijnko ti sin capitán la ndáche chꞌan:
―Sátjikoára ti ndasoá i, ti itjen ti comandante kixin tsochronka chꞌan ti nkehe kuíhin chꞌan ―ichro chꞌin Pablo.
18Ndá ti capitán mé sákjuíko ti ndasoá ti itjen ti comandante la ndáchro:
―Ti nkexro itꞌin Pablo tjechjina mé kꞌuéya kixin tsji̱ka̱oni ti ndasoá i ntihi kixin tsochronka ijnko nkehe.
19A̱ndá ti comandante itsé itja ti ndasoá la kꞌuaxrjentáko chꞌan, ndá kjuanchankíhi chꞌan:
―¿Nkehe tjinkaoan tso̱chro̱nka?
20Ndá ti ndasoá ndáchro:
―Iso ti sin judío mé kjuénka̱yáxin sin kixin tsjanchaha sin kixin ndóye nchítjen tsjiko̱a chꞌin Pablo ti tso̱nkotsé ti sin judío tꞌe̱to̱an. Sitꞌayaha sin tsondáchro sin kixin tjinkaon sin sinchekito̱exín sin ti ijié chꞌan. 21Méxra̱ jaha la chrókuitekákuenhña sin kixin chjina cuarenta chojni tjejóchóhen sin imó la kjuínchenohe sin Díos kixin siniehña sin la ko tsꞌihya sin ninkehó hasta tsꞌikon sin itsꞌen chꞌin Pablo. Ndá ijie tjejóchóhen sin tso̱nohe sin nkehe tsondáchrua jaha ―ichro ti ndasoá.
22A̱ndá ti comandante ndáche ti ndasoá:
―Chenkahya ninkexró ti nkehe chro̱nka.
Ichrꞌán sin Pablo ti itjen ti gobernador Félix
23Ndá ti comandante mé kꞌuéye̱he̱ yaá ti sin capitán la kꞌue̱to̱an chꞌan kixin tso̱yaxíhin yaá ciento sin soldado sátsjixin to̱té la ko setenta ti sin tsꞌejókjen koka̱te̱ la ko yaá ciento soldado sátsjiko chika lanza, kixin sátsjiko sin chꞌin Pablo chjasin Cesarea las nueve tie. 24Kja̱xin kꞌue̱to̱an chꞌan kixin sinchekamá sin koka̱te̱ tsjakꞌekjen chꞌin Pablo la tsꞌayakohen sin chꞌan jína kixin kohya nkehe tso̱hen chꞌan tsjijijia chꞌan ti itjen ti gobernador Félix. 25La kja̱xin ichrꞌán sin ijnko xroon, ndáchro:
26“Janhan Claudio Lisias, chrꞌahán ijnko xroon kixin tsonixja̱há jaha Félix, ijnko gobernador jína. 27Ti sin judío mé tsítsé sin ti nkexro i la chrókꞌóñá sin. Ndá ti ó kónona kixin jehe chꞌan ijnko chojni romano la sákjuiki̱a̱n ti sin soldado la kjui̱ntakaá chꞌan. 28A̱ndá tjínka̱oan tso̱nona nkekuènté nínkakohen sin chꞌan, ndá sákjuiki̱a̱n chꞌan ti tónkotsé ti sin judío. 29Ndá kónona kixin nínkakohen sin chꞌan kixin kjuínchexiteyáhya chꞌan ti ley kuènté sin. Jehya ijie̱ taó tsíkjasin ti nkexro i, kixin chrókꞌóñá sin o̱ chrókjua̱kꞌe̱chji̱na sin chꞌan. 30Ndá kui̱ha̱n kixin ti sin judío mé tjinkaon sin chrókꞌóñá sin chꞌan. Méxra̱ ichrꞌán chꞌan ti itjen jaha, la ko kja̱xin kjuáncháha̱ ti sin kjuanchia ijie̱ kixin chrókjuíji sin ti itjen kixin chrókjuá sin nkekuènté nínkakohen sin ti chꞌin Pablo. Kjuasáyá. Ótjen.”
31Ndá ti sin soldado mé kjuínchexiteyá sin éxi kꞌuítuehen sin, ndá sákjuíko sin chꞌin Pablo ti ó tie hasta ti chjasin Antipatris. 32Ndá ti ña̱o chrꞌéxi̱n la ti sin soldado kjuíxin to̱té la xíkjan sin ti cuartel. A̱ndá ti sin kꞌuejókjen koka̱te̱ la na̱xa̱ sákjuíko sin chꞌin Pablo. 33Ndá ti ó kjuíji sin ti chjasin Cesarea, la chjéhe sin ti xroon a ti gobernador la ko kja̱xin ti chꞌin Pablo. 34Ndá ti ó kjuixin kjuínchekuáxin ti gobernador ti xroon, ndá kjuanchankí nketí chjasén chꞌin Pablo. Landá kónohe chꞌan kixin Cilicia tsíkji̱xi̱n chꞌan, 35ndá ndáche chꞌan:
―Tsi̱nha̱n nkehe tsixro ti sin tꞌeka ijie̱ ti ó itsji sin.
Ndá ti gobernador la kꞌue̱tue̱hen ti sin soldado kixin tsꞌayakohen sin ti chꞌin Pablo ti nchia kuènté chꞌin Herodes.
Currently Selected:
Hechos 23: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Hechos 23
23
1A̱ndá chꞌin Pablo komá ti sin tꞌe̱to̱an la ndáchro chꞌan:
―Kíchóni, ti kjuákꞌe hasta ijie la Díos tjetsjehe kixin jína nta̱xiteyá.
2Ndá Ananías, ti ncha̱tꞌá tꞌe̱to̱an, mé kꞌue̱tue̱hen chꞌan ijnko ti nkexro itjen chjina chꞌin Pablo kixin tsochjéhe chꞌan ti irꞌua chꞌan. 3#Mt. 23:27, 28.*Ndá chꞌin Pablo ndáchro:
―Díos sinchekjasóte ti jaha kixin nkoko̱ahya tjénka̱yáxian. Jaha tjetja̱xian méhe̱ kixin tsjéyá ti ijie̱ chonta éxi nixja ti ley. A̱ndá, ¿nkekuènté kjuínchexiteyéhya ti ley, la kuéto̱an kixin tsjate sin ti janhan? ―ichro chꞌin Pablo.
4A̱ndá ti sin tjejó ntiha ndáchro sin:
―¿Nkekuènté tꞌandaxíhín ti ncha̱tꞌá tꞌe̱to̱an kuènté Díos?
5 #
Ex. 22:28. *Ndá chꞌin Pablo, ndáchro:
―Kíchóni, nonahña kixin jehe chꞌan ti ncha̱tꞌá tꞌe̱to̱an, kixin ti xroon itén Díos ndáchro: “Chrókꞌuandaxiénhña ti nkexro tꞌe̱tue̱hen ti chjasán” ―ichro chꞌan.
6 #
Hch. 26:5; Fil. 3:5. *Ndá chꞌin Pablo kónohe kixin iso ti chojni tjejó ntiha mé chojni kuènté ti partido saduceo, a̱ndá íso kuènté ti partido fariseo. Ndá itsen ndáchro chꞌan:
―Kíchóni, janhan mé ijnko chojni fariseo la kaín ti sin kjéhyana mé fariseo. Jahara tjéyára nkehe ijie̱ chonta kixin janhan titeka̱oan kixin tsoxechón ti chojni tsíkꞌen.
7Ndá ti ó kjuixin ndáchro chꞌan tíha, la ti sin fariseo la ko ti sin saduceo mé kjuankíxin ikjo kícho sin, ndá xi̱kaha nkokónhña kjuénka̱yáxin sin. 8#Mt. 22:23; Mr. 12:18; Lc. 20:27.*Kixin ti sin saduceo mé ndáchro sin kixin ti chojni tsíkꞌen la í tsoxechónhña la ndáchro sin kixin kohya ángel la ko ncha̱kuén chojni. A̱ndá ti sin fariseo la titekaon sin kaín tíha. 9Méxra̱ kaín sin la kꞌuíxité sin, la iso ti sin maestro tjako ley kuènté ti sin fariseo, mé kꞌuínkatjen sin la ndáchro sin:
―Ti nkexro i, la kohya ninkehó nkehe jínahña kjuíchꞌe chꞌan. Kjá ijnko ncha̱kuén chojni o̱ ijnko ángel nixje̱he̱ chꞌan ―ichro sin.
10Ndá imá kónínkaon sin kꞌuíxité sin. A̱ndá ti comandante mé kóxakohen kixin chrókjuincheníhi sin chꞌin Pablo, ndá kꞌue̱tue̱hen chꞌan ti sin soldado kixin tsikákjín sin chꞌan la tsi̱ka̱o sin chꞌan ti cuartel kuènté sin ínaá.
11A̱ndá ti tie chrꞌéxi̱n, la kꞌuíkon chꞌan Ìnchéni nixja, ndáchro:
―Pablo chrakonhña, kixin éxi chro̱nka ti itan kuénta̱na chjasin Jerusalén la xi̱kaha tso̱chro̱nka chjasin Roma kja̱xin.
Kjuenka̱yáxin sin tsꞌóñá sin Pablo
12Ndá ti ña̱o chrꞌéxi̱n, la iso ti sin judío mé kjuénka̱yáxin sin tsꞌóñá sin chꞌin Pablo. La kjuínchenohe sin Díos kixin siniehña sin la ko tsꞌihya sin ninkehó hasta tsoxiteyá ti nkehe tjinkaon sin. 13Mé tíha la chjina cuarenta chojni ti kjuénka̱yáxin sin kixin tsꞌóñá sin ti chꞌin Pablo. 14La kjuichenka sin ti ncha̱tꞌá tꞌe̱to̱an la ko ti sin tꞌe̱to̱an kuènté ti sin judío, ndáchro sin:
―Jeheni kjuínchenoheni Díos kixin siniehñani ninkehó ti na̱xa̱ tsꞌóñáhñani ti chꞌin Pablo. 15Méxra̱ jahara la ko kaín ti sin tꞌe̱tue̱hen ti sin judío ndáchera ti comandante kixin tsji̱ka̱o sin ti chꞌin Pablo, ndóye nchítjen, kixin tsotsjehera nkexrín tso̱yóxin ti ijie̱ tíká chꞌan. A̱ndá jeheni ó tsꞌejóchóheni ti nti̱a tsji̱xi̱n chꞌan la tsꞌóñáni chꞌan ―ichro sin.
16Kjánchó ti xje̱en ti kja̱vé chꞌin Pablo mé tsíkihin chꞌan nkehe ti ikjo sin. Ndá sákjuí chꞌan ti cuartel kixin tsochronka chꞌan ti nkehe tjenka̱yáxin sin. 17Ndá chꞌin Pablo kꞌuéye̱he̱ ijnko ti sin capitán la ndáche chꞌan:
―Sátjikoára ti ndasoá i, ti itjen ti comandante kixin tsochronka chꞌan ti nkehe kuíhin chꞌan ―ichro chꞌin Pablo.
18Ndá ti capitán mé sákjuíko ti ndasoá ti itjen ti comandante la ndáchro:
―Ti nkexro itꞌin Pablo tjechjina mé kꞌuéya kixin tsji̱ka̱oni ti ndasoá i ntihi kixin tsochronka ijnko nkehe.
19A̱ndá ti comandante itsé itja ti ndasoá la kꞌuaxrjentáko chꞌan, ndá kjuanchankíhi chꞌan:
―¿Nkehe tjinkaoan tso̱chro̱nka?
20Ndá ti ndasoá ndáchro:
―Iso ti sin judío mé kjuénka̱yáxin sin kixin tsjanchaha sin kixin ndóye nchítjen tsjiko̱a chꞌin Pablo ti tso̱nkotsé ti sin judío tꞌe̱to̱an. Sitꞌayaha sin tsondáchro sin kixin tjinkaon sin sinchekito̱exín sin ti ijié chꞌan. 21Méxra̱ jaha la chrókuitekákuenhña sin kixin chjina cuarenta chojni tjejóchóhen sin imó la kjuínchenohe sin Díos kixin siniehña sin la ko tsꞌihya sin ninkehó hasta tsꞌikon sin itsꞌen chꞌin Pablo. Ndá ijie tjejóchóhen sin tso̱nohe sin nkehe tsondáchrua jaha ―ichro ti ndasoá.
22A̱ndá ti comandante ndáche ti ndasoá:
―Chenkahya ninkexró ti nkehe chro̱nka.
Ichrꞌán sin Pablo ti itjen ti gobernador Félix
23Ndá ti comandante mé kꞌuéye̱he̱ yaá ti sin capitán la kꞌue̱to̱an chꞌan kixin tso̱yaxíhin yaá ciento sin soldado sátsjixin to̱té la ko setenta ti sin tsꞌejókjen koka̱te̱ la ko yaá ciento soldado sátsjiko chika lanza, kixin sátsjiko sin chꞌin Pablo chjasin Cesarea las nueve tie. 24Kja̱xin kꞌue̱to̱an chꞌan kixin sinchekamá sin koka̱te̱ tsjakꞌekjen chꞌin Pablo la tsꞌayakohen sin chꞌan jína kixin kohya nkehe tso̱hen chꞌan tsjijijia chꞌan ti itjen ti gobernador Félix. 25La kja̱xin ichrꞌán sin ijnko xroon, ndáchro:
26“Janhan Claudio Lisias, chrꞌahán ijnko xroon kixin tsonixja̱há jaha Félix, ijnko gobernador jína. 27Ti sin judío mé tsítsé sin ti nkexro i la chrókꞌóñá sin. Ndá ti ó kónona kixin jehe chꞌan ijnko chojni romano la sákjuiki̱a̱n ti sin soldado la kjui̱ntakaá chꞌan. 28A̱ndá tjínka̱oan tso̱nona nkekuènté nínkakohen sin chꞌan, ndá sákjuiki̱a̱n chꞌan ti tónkotsé ti sin judío. 29Ndá kónona kixin nínkakohen sin chꞌan kixin kjuínchexiteyáhya chꞌan ti ley kuènté sin. Jehya ijie̱ taó tsíkjasin ti nkexro i, kixin chrókꞌóñá sin o̱ chrókjua̱kꞌe̱chji̱na sin chꞌan. 30Ndá kui̱ha̱n kixin ti sin judío mé tjinkaon sin chrókꞌóñá sin chꞌan. Méxra̱ ichrꞌán chꞌan ti itjen jaha, la ko kja̱xin kjuáncháha̱ ti sin kjuanchia ijie̱ kixin chrókjuíji sin ti itjen kixin chrókjuá sin nkekuènté nínkakohen sin ti chꞌin Pablo. Kjuasáyá. Ótjen.”
31Ndá ti sin soldado mé kjuínchexiteyá sin éxi kꞌuítuehen sin, ndá sákjuíko sin chꞌin Pablo ti ó tie hasta ti chjasin Antipatris. 32Ndá ti ña̱o chrꞌéxi̱n la ti sin soldado kjuíxin to̱té la xíkjan sin ti cuartel. A̱ndá ti sin kꞌuejókjen koka̱te̱ la na̱xa̱ sákjuíko sin chꞌin Pablo. 33Ndá ti ó kjuíji sin ti chjasin Cesarea, la chjéhe sin ti xroon a ti gobernador la ko kja̱xin ti chꞌin Pablo. 34Ndá ti ó kjuixin kjuínchekuáxin ti gobernador ti xroon, ndá kjuanchankí nketí chjasén chꞌin Pablo. Landá kónohe chꞌan kixin Cilicia tsíkji̱xi̱n chꞌan, 35ndá ndáche chꞌan:
―Tsi̱nha̱n nkehe tsixro ti sin tꞌeka ijie̱ ti ó itsji sin.
Ndá ti gobernador la kꞌue̱tue̱hen ti sin soldado kixin tsꞌayakohen sin ti chꞌin Pablo ti nchia kuènté chꞌin Herodes.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.