3 Juan 1
1
1 #
Hch. 19:29; Ro. 16:23; 1Co. 1:14. *Janhan mé ti nkexro táda tꞌayakohen ni̱nko mé ikjian ti xroon i tsꞌáyéhe̱ ti chꞌin Gayo, ti nkexro chaxín tjua̱ha̱.
2Kíchóni, tjáncháha̱ Díos kixin sincheñao chꞌan ti jaha la jína chrókꞌuaxrje kaín ixra̱ ichꞌe la ko jína chrókjuakꞌe. 3Imá kóchána ti ó ikui iso ti sin kíchóni chrónka sin kixin jína tjáko̱xián ti itan chaxín. 4Kohya ijnko nkehe a̱ntsí nchechàna ke ti chrókui̱ha̱n kixin ti sin tꞌíkua̱n éxi xja̱na la tjejótitekaon sin ti itan chaxín.
5Kíchóni, chaxín jína tjechꞌe xra̱ tjínki̱tsa ti sin kíchóni la ko a̱ntsí tjínki̱tsa ti sin tsíkji̱xi̱n ókjé chjasin. 6A̱ndá ti tsíkónkotsé ti sin kíchóni la tsíchronka sin kixin nkexrín tjue̱hé ti jehe sin. Tjanchaha kixin chrókjuinki̱tsa ti íchrꞌen nkehe tichánxi̱hin sin ti sátsji sin kixin xi̱kaha tóxríhi̱n Díos. 7Ti ó xránkíxixín sákjuí sin kixin tsochronka sin itén Ìnchéni la chrohya sin tsꞌáyéhe̱ sin ninkehó nkehe kuènté ti sin chónhña Díos. 8Méxra̱ jeheni ticháxi̱n chrókjuinki̱tsani ti jehe sin kixin a̱ntsí tsjacha sin tsjako sin ti itan chaxín ndoá.
Nduáhya kjuako chꞌin Diótrefes
9Janhan ikjian xroon tꞌáyéhe̱ ti sin tónkotsé ntiha. Kjánchó chꞌin Diótrefes kuítekakonhña chꞌan ti nkehe kꞌue̱tua̱ha̱n chꞌan kixin tjinkaon chꞌan chrókꞌue̱to̱an chꞌan jehó chꞌan. 10Mé xi̱kaha tsjasán ntiha tsonixja̱ha̱ chꞌan kixin ti kjuachꞌia ndáchro chꞌan tꞌándaxíhi̱n chꞌan ti jeheni. Jehya táhó ichꞌe chꞌan. Kja̱xin tjajonhña chꞌan kjuachaxin tsꞌejó ti sin kíchóni tjiji; a̱ndá ti sin tjinkaon chrókjuajon kjuachaxin la tjajonhña chꞌan kjuachaxin tso̱chjina sin ti ni̱nko ntiha.
11Kíchóni, chrókjuáko̱xínhña ti nkehe jínahña. Ícha jína chrókjuákoxian ti nkehe jína. Ti nkexro tja̱ko̱xi̱n ti nkehe jína mé kuènté Díos. A̱ndá ti nkexro tja̱ko̱xi̱n ti nkehe jínahña mé tsíkꞌikonhña sin Díos.
Jína tja̱ko̱xi̱n ti chꞌin Demetrio
12Kaín sin ndáchro sin kixin jína tja̱ko̱xi̱n ti chꞌin Demetrio la chaxín tíha. Kja̱xin jeheni chrónkani tíha la ko jahara ó nohara kixin chrónkani ti nkehe ndoá.
Kjuixixín nixja chꞌin Pablo
13Janhan chonta nchónhña nkehe tsondáxrja̱n, kjánchó tjínka̱konhña tsokjian ó 14kixin tjínka̱oan tsꞌíkua̱n ti jaha, ndá itsjoni.
15Kjuaxróxin chrókjuakꞌe jaha. Kaín ti nkexro choxián ntihi la nixja̱ha sin. Nixje̱hé nkojnko ti sin chóxini.
Currently Selected:
3 Juan 1: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.