2 Corintios 9
9
Ti chichaon xrenájín tsjinki̱tsa ti sin kíchóni
1A̱ndá ti tjénájínra ti chichaon kixin tsjínki̱tsara ti sin kíchóni tinkáchónki Díos, la ticháxi̱nhña tsokjian ijnko xroon tso̱xrja̱nka kuènté tíha, 2kixin ó nona kixin tjinkáonra tsjínki̱tsara sin, la xi̱kaha chàna tja̱nka ti sin tjejó Macedonia kixin jahara, chojni Acaya, ndesi ti nánó kꞌuatsínka la xráxín tjinkáonra chrókjuínki̱tsara sin. A̱ndá ijie a̱ntsí itsjé ti sin Macedonia tjinkaon tsjinki̱tsa sin kja̱xin kixin xi̱kaha kjuáko̱xinra jahara. 3La xi̱kaha ichrꞌán ti sin kíchóni kixin tjínka̱oan kixin jehya chónkó ti ixra̱ a. Méxra̱ jahara la tóxakohanra tjénájínra ti chichaon kixin chéhe̱ a̱sená kixin xi̱kaha tsíndáchrora tsjínki̱tsara. 4Jehya kixin ti ó chrókjuasánki̱a̱n iso ti sin Macedonia ndá chrókꞌuikon sin kixin na̱xa̱ kjuénájinhñara ti chichaon tsjájonra, ndá chrókósuàna kixin kꞌuéndáxrja̱n kixin jína ichꞌera ixra̱, la kjá kja̱xinra chrókósuàhara ti xi̱kaha kixin chaxínhña tóxakohanra tjénájínra ti chichaon. 5Méxra̱ kjuénka̱yáxian kixin ícha jína tsondátjan ti sin kíchóni kixin tsꞌitónxin sin nti̱a tsjiji sin, tsjijitsjehe sin ti jahara la ko tsjinki̱tsa sin tsjenájín sin ti chichaon tsíndáchrora tsjájonra. Ndá xi̱kaha jína chrókjuájonra ti chichaon éxi ijnko nkehe chaxín tjinkáonra tsjájonra, jehya éxi ijnko nkehe tjáncháhára.
Chrókóchéhe̱ni chrókjuajoni
6Xráxinkaonra tíhi: Kixin ti nkexro kꞌue̱nka̱hya itsjé la tsjéhya tsotjá; a̱ndá ti nkexro itsjé kꞌue̱nka̱ la itsjé tsotjá. 7Méxra̱ nkojnko chojni chrókjuajon éxi ti ndáchro a̱sén, jehya chrókjuekohen sin o̱ ticháxi̱n tsjajon sin. Náhí, kixin Díos la tjue̱he ti nkexro kaín a̱sén tsjajon. 8Díos la chónta kaín kjuachaxin la tso̱tjáhara kaín ti nkehe ticháxi̱hanra kixin tsochontara la tsjachara tsjínki̱tsara íso ti sin chóntahya. 9#Sal. 112:9.*Éxi ndáchro ti xroon itén Díos:
Ti nkexro kaín a̱sén ncheki̱to̱nhe̱n ti sin nóa
la nkochríxín tsoxraxinkaon chojni ti ixra̱ jína kjuíchꞌe sin.
10 #
Is. 55:10. *Díos tjajon noatje kixin tsꞌinka la ko tjajon nkehe sinieni, la kja̱xin Díos tso̱tjáhara kaín ti nkehe ticháxi̱hanra la ko sinchetsjé chꞌan ti nkehe chontara kixin jína tsjínki̱tsara ti sin chóntahya. 11Ndá xi̱kaha tsochontara kaín nkehe la a̱ntsí tsjachara tsjínki̱tsara kaín a̱sánra ti sin chóntahya. A̱ndá xi̱kaha itsjé sin tsochjéhe sin Díos kjuasáya kixin jahara kjuínki̱tsara ti jehe sin kixin ti chichaon kjuéjora kjuikaáni, kuákja sin. 12Kixin xi̱kaha chrókjuínki̱tsara ti sin kíchóni la jehya kixin chrókꞌuáyéhe̱ sin ti nkehe tichánxi̱hin sin ó, kja̱xin a̱ntsí chróchjéhe sin Díos kjuasáya. 13A̱ndá jehe sin la tsjikosáyehe sin Díos kixin kjuáko̱xinra kixin chaxín nchexiteyára ti itan ni̱xin kuènté Cristo kixin ti nkehe kjuájonra, la kja̱xin jehe sin tsjikosáyehe sin Díos kixin kaín a̱sánra kjuínki̱tsara ti jehe sin. 14La ko jehe sin tsjanchehe sin Díos kixin tsjinki̱tsa ti jahara kixin jehe sin tjua̱hára sin kixin tꞌikon sin kixin tjáko̱xinra kixin imá jína Díos la ko imá tjue̱he chꞌan kaín chojni. 15Kjuasáye Díos kixin kjuajon chꞌan ijnko nkehe imá tjete kui̱to̱nhe̱ni tsaáxini, la chóntahyani nkexrín chróchjéxini chꞌan kjuasáya.
Currently Selected:
2 Corintios 9: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
2 Corintios 9
9
Ti chichaon xrenájín tsjinki̱tsa ti sin kíchóni
1A̱ndá ti tjénájínra ti chichaon kixin tsjínki̱tsara ti sin kíchóni tinkáchónki Díos, la ticháxi̱nhña tsokjian ijnko xroon tso̱xrja̱nka kuènté tíha, 2kixin ó nona kixin tjinkáonra tsjínki̱tsara sin, la xi̱kaha chàna tja̱nka ti sin tjejó Macedonia kixin jahara, chojni Acaya, ndesi ti nánó kꞌuatsínka la xráxín tjinkáonra chrókjuínki̱tsara sin. A̱ndá ijie a̱ntsí itsjé ti sin Macedonia tjinkaon tsjinki̱tsa sin kja̱xin kixin xi̱kaha kjuáko̱xinra jahara. 3La xi̱kaha ichrꞌán ti sin kíchóni kixin tjínka̱oan kixin jehya chónkó ti ixra̱ a. Méxra̱ jahara la tóxakohanra tjénájínra ti chichaon kixin chéhe̱ a̱sená kixin xi̱kaha tsíndáchrora tsjínki̱tsara. 4Jehya kixin ti ó chrókjuasánki̱a̱n iso ti sin Macedonia ndá chrókꞌuikon sin kixin na̱xa̱ kjuénájinhñara ti chichaon tsjájonra, ndá chrókósuàna kixin kꞌuéndáxrja̱n kixin jína ichꞌera ixra̱, la kjá kja̱xinra chrókósuàhara ti xi̱kaha kixin chaxínhña tóxakohanra tjénájínra ti chichaon. 5Méxra̱ kjuénka̱yáxian kixin ícha jína tsondátjan ti sin kíchóni kixin tsꞌitónxin sin nti̱a tsjiji sin, tsjijitsjehe sin ti jahara la ko tsjinki̱tsa sin tsjenájín sin ti chichaon tsíndáchrora tsjájonra. Ndá xi̱kaha jína chrókjuájonra ti chichaon éxi ijnko nkehe chaxín tjinkáonra tsjájonra, jehya éxi ijnko nkehe tjáncháhára.
Chrókóchéhe̱ni chrókjuajoni
6Xráxinkaonra tíhi: Kixin ti nkexro kꞌue̱nka̱hya itsjé la tsjéhya tsotjá; a̱ndá ti nkexro itsjé kꞌue̱nka̱ la itsjé tsotjá. 7Méxra̱ nkojnko chojni chrókjuajon éxi ti ndáchro a̱sén, jehya chrókjuekohen sin o̱ ticháxi̱n tsjajon sin. Náhí, kixin Díos la tjue̱he ti nkexro kaín a̱sén tsjajon. 8Díos la chónta kaín kjuachaxin la tso̱tjáhara kaín ti nkehe ticháxi̱hanra kixin tsochontara la tsjachara tsjínki̱tsara íso ti sin chóntahya. 9#Sal. 112:9.*Éxi ndáchro ti xroon itén Díos:
Ti nkexro kaín a̱sén ncheki̱to̱nhe̱n ti sin nóa
la nkochríxín tsoxraxinkaon chojni ti ixra̱ jína kjuíchꞌe sin.
10 #
Is. 55:10. *Díos tjajon noatje kixin tsꞌinka la ko tjajon nkehe sinieni, la kja̱xin Díos tso̱tjáhara kaín ti nkehe ticháxi̱hanra la ko sinchetsjé chꞌan ti nkehe chontara kixin jína tsjínki̱tsara ti sin chóntahya. 11Ndá xi̱kaha tsochontara kaín nkehe la a̱ntsí tsjachara tsjínki̱tsara kaín a̱sánra ti sin chóntahya. A̱ndá xi̱kaha itsjé sin tsochjéhe sin Díos kjuasáya kixin jahara kjuínki̱tsara ti jehe sin kixin ti chichaon kjuéjora kjuikaáni, kuákja sin. 12Kixin xi̱kaha chrókjuínki̱tsara ti sin kíchóni la jehya kixin chrókꞌuáyéhe̱ sin ti nkehe tichánxi̱hin sin ó, kja̱xin a̱ntsí chróchjéhe sin Díos kjuasáya. 13A̱ndá jehe sin la tsjikosáyehe sin Díos kixin kjuáko̱xinra kixin chaxín nchexiteyára ti itan ni̱xin kuènté Cristo kixin ti nkehe kjuájonra, la kja̱xin jehe sin tsjikosáyehe sin Díos kixin kaín a̱sánra kjuínki̱tsara ti jehe sin. 14La ko jehe sin tsjanchehe sin Díos kixin tsjinki̱tsa ti jahara kixin jehe sin tjua̱hára sin kixin tꞌikon sin kixin tjáko̱xinra kixin imá jína Díos la ko imá tjue̱he chꞌan kaín chojni. 15Kjuasáye Díos kixin kjuajon chꞌan ijnko nkehe imá tjete kui̱to̱nhe̱ni tsaáxini, la chóntahyani nkexrín chróchjéxini chꞌan kjuasáya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.