UThithu Isingeniso
Isingeniso
Isingeniso
Ngemva kokukhululwa kompostoli uPhawuli entolongweni yaseRoma, wathola ukuthi abakhokheli ababengabahlamuki babethwalise nzima abantu bebandla ayelisungule e-Efesu. Watshiya uThimothi ayesebenze laye okwesikhathi eside kulelodolobho elencwadi eyayimnika amandla okuthi afake abanye abakhokheli endaweni yabahlamuki njalo alungise ukuthi ibandla lihambe ngendlela eqondileyo. Indaba efananayo eKhiriti yenza ukuba uPhawuli athumele njalo omunye ayesebenze laye kwesikhathi eside, uThithu ukuba ayemela khonale.
Incwadi kaPhawuli ibhalelwe uThithu kodwa iqondana lebandla jikelele. Unika uThithu amandla akhe abuye amthume ukuthi afake abakhokheli abamesabayo uNkulunkulu. Ukulandisa kukaPhawuli mayelana labafundisi bamanga kuyafanana lase-Efesu. Imithetho yabaJuda ababeyikhethile enjengokusoka lokungadli okunye ukudla kanye lokugijimela ingxoxo ezibangela impikiswano. Kungasenani imfundiso kayizange ibasize ukuba baphile impilo ezimsulwa. UPhawuli utshela abantu bakuleyondawo ukuthi Umusa kaNkulunkulu uze lensindiso ebantwini bonke. Iqiniso mayelana loJesu yilo elisiza abantu bakaNkulunkulu ukuba baphile impilo entsha. UPhawuli ubatshela ngesifiso sakhe sokuqeda isikhathi somqando eseNikhapholisi, idolobho elisokhunjini olungasentshonalanga kweMasedoniya. Lokhu kwakuzenza kubelula ukuhambisa ivangeli ezindaweni ezisentshonalanga kombuso. UPhawuli wayelethemba lokuthi uThithu wayezenelisa ukulungisa ibandla laseKhirithi ukwenzela ukuthi amphelekezele esiyasungula umsebenzi wakhe omutsha.
Currently Selected:
UThithu Isingeniso: BEN
Highlight
Copy
Compare
Share
Want to have your highlights saved across all your devices? Sign up or sign in
IBhayibhili Elingcwele LesiNdebele™ BEN™
© 2003, 2006, 2022 Biblica, Inc.
Lisetshenziswe ngokusemthethweni. Wonke amalungelo agodliwe emhlabeni jikelele.
Ndebele Contemporary Bible™ BEN™
Copyright © 2003, 2006, 2022 by Biblica, Inc.
Used with permission. All rights reserved worldwide.