AmaHubo 95
95
Ihubo 95
1Wozani sihlabelele ngentokozo kuThixo;
kasihlokomeni kamnandi kulo iDwala lokusindiswa kwethu.
2Kasizeni phambi kwakhe ngokubonga
simdumise ngamachacho langengoma.
3Ngoba uThixo unguNkulunkulu omkhulu,
iNkosi enkulu ngaphezu kwabonkulunkulu bonke.
4Inziki zomhlaba zisezandleni zakhe,
leziqongo zezintaba ngezakhe.
5Ngolwakhe ulwandle ngoba walwenza,
lezandla zakhe zawenza umhlaba owomileyo.
6Wozani, kasikhothame simkhonze,
kasiguqe phambi kukaThixo uMenzi wethu;
7ngoba unguNkulunkulu wethu,
thina singabantu bedlelo lakhe,
umhlambi awunakekelayo.
Lamhla, nxa lisizwa ilizwi lakhe,
8lingazenzi lukhuni inhliziyo zenu njengoba lenzenjalo eMeribha,
njengelakwenza ngaleliyana ilanga eMasa enkangala,
9lapho okhokho benu abangilinga khona
bengizama, lanxa babekubonile engakwenzayo.
10Okweminyaka engamatshumi amane ngangisizondele lesosizukulwane;
ngathi, “Bangabantu onhliziyo zabo ziyahlanhlatha,
njalo kabazazanga izindlela zami.”
11Ngakho ngamemezela ngesifungo ekuthukutheleni kwami
ngathi, “Kabayikungena ekuphumuleni kwami.”
Currently Selected:
AmaHubo 95: BEN
Highlight
Share
Compare
Copy
Want to have your highlights saved across all your devices? Sign up or sign in
IBhayibhili Elingcwele LesiNdebele™ BEN™
© 2003, 2006, 2022 Biblica, Inc.
Lisetshenziswe ngokusemthethweni. Wonke amalungelo agodliwe emhlabeni jikelele.
Ndebele Contemporary Bible™ BEN™
Copyright © 2003, 2006, 2022 by Biblica, Inc.
Used with permission. All rights reserved worldwide.
