AmaHubo 8
8
Ihubo 8
Kumqondisi wokuhlabela. Ngendlela yegithithi. Ihubo likaDavida.
1Oh Thixo, Thixo wethu,
ibizo lakho libabazeka kangaka emhlabeni wonke!
Uyibekile inkazimulo yakho
ngaphezulu emazulwini.
2Ukumisile ukudunyiswa yizindebe zabantwana lensane
ngenxa yezitha zakho,
ukuze uthulise isitha lomphindiseli.
3Nxa nginakana ngamazulu akho,
umsebenzi weminwe yakho,
inyanga lezinkanyezi
ozibeke endaweni yazo,
4uyini umuntu osungaze uzihluphe ngaye na,
indodana yomuntu ukuba uyinanze?
5Wamenza waba mncinyazana kulezingilosi,
wamethesa umqhele wodumo lobukhosi.
6Wamenza umbusi phezu kwemisebenzi yezandla zakho;
wabeka zonke izinto ngaphansi kwezinyawo zakhe:
7yonke imihlambi yezimvu
leyenkomo lezinyamazana zeganga,
8izinyoni zasemkhathini
lenhlanzi zolwandle,
konke okuntsheza emanzini olwandle.
9Oh Thixo, Thixo wethu,
ibizo lakho libabazeka kangaka emhlabeni wonke!
Currently Selected:
AmaHubo 8: BEN
Highlight
Share
Compare
Copy
Want to have your highlights saved across all your devices? Sign up or sign in
IBhayibhili Elingcwele LesiNdebele™ BEN™
© 2003, 2006, 2022 Biblica, Inc.
Lisetshenziswe ngokusemthethweni. Wonke amalungelo agodliwe emhlabeni jikelele.
Ndebele Contemporary Bible™ BEN™
Copyright © 2003, 2006, 2022 by Biblica, Inc.
Used with permission. All rights reserved worldwide.
